Zeebo

მასალა ვიკიპედიიდან — თავისუფალი ენციკლოპედია
Jump to navigation Jump to search
Zeebo System
Zeebo sphere logo.png Zeebo logo.png
Zeebo-Real Console.jpg
მწარმოებელი Zeebo Inc.
პროდუქტის ოჯახი Zeebo
ტიპი სახლის ვიდეო თამაშების კონსოლი
თაობა მეშვიდე თაობა[1][2][3]
გამოშვების თარიღი ბრაზ 25 მაისი, 2009
MEX 14 ნოემბერი, 2009
თავდაპირველი ფასი 499,00 ბრაზილიური რეალი
2, 499 მექსიკური პესო
მედია ციფრული დისტრიბუცია
პროცესორი ARM11 528 მჰც
მეხსიერების საცავი 1 გბ NAND ფლეში
გრაფიკა ATI Imageon
კონტროლერის შეტანა ანალოგიანი გეიმპადი და
უსადენო კონტროლერი
კავშირი

1 SD-ს სლოტი
3 USB 2.0 პორტები
3G HSUPA
2.5G EDGE

2G GPRS
ონლაინ სერვისები ZeeboNet — Claro 3G (ბრაზილია)
Telcel (მექსიკა)

Zeebo — მეშვიდე თაობის სახლის ვიდეო თამაშების კონსოლი, შემუშავებული კომპანია Zeebo.Inc-ის მიერ ძირითადად ბრაზილიისა და მექსიკის ბაზრებისთვის. გამოვიდა 2009 წლის 25 მაისს ბრაზილიაში[4] და იმავე წლის 14 ნოემბერს მექსიკაში. თავდაპირველად დაგეგმილი იყო მისი გამოცემა ბრიკსის ქვეყნებში.[5]

Zeebo იყო ბიუჯეტური პლატფორმა და მისი თანამედროვე სისტემებისაგან განსხვავდებოდა დაბალი ტექნიკური მახასიათებლებით. ამასთანავე გათვლილი იყო სტანდარტულ ტელევიზორებზე მისაერთებლად, HDTV-ის მხარდაჭერის გარეშე.

სისტემა, მთლიანად ორიენტირებული იყო თამაშების ციფრული სახით გავრცელებაზე მობილური კავშირის ტექნოლოგიის მეშვეობით.[6] დეველოპერთა აზრით, ამგვარი მიდგომა ხელს შეუშლიდა მეკობრეებს არალიცენზირებული კონტენტის გავრცელებაში, აგრეთვე მათი თქმით, კონსოლის ძლიერ მხარეს წარმოადგენდა მისი მარტივად გამოყენება, აგრეთვე კონსოლისა და თამაშების სიიაფე. მისი მხარდაჭერის მზადყოფნა გამოთქვეს ისეთმა მსხვილმა კომპანიებმა როგორებიცაა Electronic Arts, Activision, Namco, Capcom, Sega და id Software.[7][8][9]

მისი თავდაპირველი ფასი ბრაზილიაში შეადგენდა 499 ბრაზილიურ რეალს (დაახლოებით 200 დოლარი), ხოლო მექსიკაში 2,499 მექსიკურ პესოს (დაახლოებით 205 დოლარი). თამაშების ღირებულება არ აღემატებოდა 10 აშშ დოლარს. სულ კონსოლზე გამოვიდა 57 თამაში, რომელთა უმეტესობა მოიცავდა მობილური ტელეფონებისა და სხვა კონსოლების თამაშების გადაკეთებულ ვერსიებს, მათ შორის — „FIFA 09“, Resident Evil 4, „Crash Bandicoot Nitro Kart 3D“, „Galaxy on Fire“ და „Rally Master Pro.“[10][11] იგი გამოიყენებდა ორი სახის სათამაშო კონტროლერს — სტანდარტულ გეიპადს სახელად „Z-Pad“ და უსადენო კონტროლერს სახელად „Boomerang“, რომელსაც გააჩნდა მოძრაობის დეტექტორის ფუნქცია. მასზე აგრეთვე ხელმისაწვდომი იყო კლავიატურა ინტერნეტში გამოყენებისთვის.[12]

დაბალი ფასის მიუხედავად, Zeebo-მ ვერ შეძლო პოპულარობის მოხვეჭა მომხმარებლებში. მიჩნეულია კომერციულ ჩავარდნად — საერთო ჯამში გაიყიდა 300,000 ასლის ოდენობით. კონსოლის წარმოება შეწყდა 2011 წლის 30 ნოემბერს.

თამაშები[რედაქტირება | წყაროს რედაქტირება]

Searchtool-80%.png მთავარი სტატია: Zeebo-ს თამაშების სია.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. The Zeebo game console: Why it matters (1 ივნისი, 2009). დაარქივებულია ორიგინალიდან — August 10, 2012. ციტირების თარიღი: 27 ოქტომბერი, 2009.
  2. Ho, Victoria. Zeebo - the fourth game console? - ZDNet. დაარქივებულია ორიგინალიდან — 26 სექტემბერი, 2013. ციტირების თარიღი: 22 ოქტომბერი, 2013.
  3. Ralph, Nate. “GDC: Zeebo To Bring Gaming to Emerging Markets“, Wired, 25 მარტი,, 2009. ციტირების თარიღი: 12 მარტი, 2017. დაარქივებულია ორიგინალიდან - 30 ოქტომბერი, 2013. 
  4. Tectoy anuncia novo videogame 100% brasileiro. დაარქივებულია ორიგინალიდან — 2012-03-28.
  5. Tectoy apresenta Zeebo, "o videogame dos paises emergentes".
  6. Novo console da Tectoy se chama Zeebo (მაისი 2018).
  7. Gigantes do mercado de jogos credenciam Zeebo. დაარქივებულია ორიგინალიდან — 2012-03-28.
  8. Zeebo: entrevista com Reinaldo Normand, da Zeebo Inc. (სექტემბერი, 2017).
  9. Youtube: Tectoy Digital Video Presentation.
  10. Zeebo.com.br – Jogos Portuguese. დაარქივებულია ორიგინალიდან — 17 დელმებერი, 2009.
  11. Interview: Fishlabs talks Galaxy on Fire for hybrid console Zeebo. დაარქივებულია ორიგინალიდან — 11 ოქტომბერი, 2009. ციტირების თარიღი: 27 ოქტომბერი, 2009.
  12. Using Keyboards with the Zeebo. დაარქივებულია ორიგინალიდან — 8 იანვარი, 2010.
მოძიებულია „https://ka.wikipedia.org/w/index.php?title=Zeebo&oldid=3938427“-დან