კარბი

სოფელი
კარბი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	გორის მუნიციპალიტეტი
თემი	მერეთი
კოორდინატები	42°11′55″ ჩ. გ. 44°04′22″ ა. გ.
პირველი ხსენება	XI საუკუნე
ცენტრის სიმაღლე	860 მ
მოსახლეობა	613 კაცი (2014)
ეროვნული შემადგენლობა	ქართველები 98,0 % ოსები 1,0 %
სასაათო სარტყელი	UTC+4
სატელეფონო კოდი	+995

კარბი — სოფელი აღმოსავლეთ საქართველოში, შიდა ქართლის მხარის გორის მუნიციპალიტეტში (მერეთის თემი), მდებარეობს შიდა ქართლის ვაკეზე, მდინარე პატარა ლიახვის მარცხენა ნაპირზე. ზღვის დონიდან 860 მეტრი, გორიდან 28 კილომეტრი.

კარბსა და მის შემოგარენში შემორჩენილი არქიტექტურული ძეგლები ძირითადად XVI-XVIII საუკუნეებს განეკუთვნება, მათ შორის არის წმინდა სამების ეკლესიაც. ამ ძეგლებზე მწირი ინფორმაცია არსებობს, მიუხედავად იმისა, რომ თავად კარბი წერილობით წყაროებში XI საუკუნიდან ჩანს.

სოფლის მიდამოებში ასევე გვხვდება რამდენიმე კოშკი: გნოლიძეების ციხე, დავითაშვილების ციხე, ხუბაშვილების ციხე და კიდევ სამი კოშკი.

ისტორია

1068 წელს სოფელში დაბანაკდა თურქ-სელჩუკთა სულთანი ალფ-არსლანი, რომელიც თავისი ლაშქრით შემოესია ქართლის სოფლებს. XVI საუკუნის II ნახევარში კარბი, რომელიც კასპთან ერთად მითვისებული ჰქონდა ბარძიმ ამილახვარს, უკან დაიბრუნა სიმონ მეფემ.

დემოგრაფია

2014 წლის აღწერის მონაცემებით, სოფელში ცხოვრობს 613 ადამიანი.

აღწერის წელი	მოსახლეობა	კაცი	ქალი
2002	768	366	402
2014	613	302	311

იხილეთ აგრეთვე

• კარბის კოშკები
• კარბის ღვთისმშობლის ეკლესია
• კარბის წმინდა მარინეს ეკლესია
• კარბის წმინდა სამების ეკლესია

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 395.

• აფრასიძე გ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 74.