ფხვენისი

სოფელი
ფხვენისი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	გორის მუნიციპალიტეტი
თემი	შინდისი
კოორდინატები	42°09′18″ ჩ. გ. 43°59′33″ ა. გ.
ცენტრის სიმაღლე	780 მ
ოფიციალური ენა	ქართული ენა
მოსახლეობა	967 კაცი (2014)
ეროვნული შემადგენლობა	ქართველები 99,0 %
სასაათო სარტყელი	UTC+4
სატელეფონო კოდი	+995

ფხვენისი — სოფელი აღმოსავლეთ საქართველოში, შიდა ქართლის მხარის გორის მუნიციპალიტეტში (შინდისის თემი), მდებარეობს შიდა ქართლის ვაკეზე, მდინარე დიდი ლიახვის მარჯვენა მხარეს. ზღვის დონიდან 780 მეტრი, გორიდან 22 კილომეტრი.

ისტორია

1860 წელს სოფელში მოხდა უკმაყოფილო გლეხების გამოსვლა. გლეხები შეგროვდნენ სოფლის ცენტრში, წმინდა გიორგის ეკლესიის ეზოში და მამამულეებს, ავალიშვილებს, ამილახვრებს, ერისთავებსა და მაჩაბლებს უარი განუცხადეს გადასახადის გადახდაზე. გლეხებმა დაიწყეს მემამულეთა კარმიდამოების დარბევა, საფრთხე შეუქმნეს ამილახვრის სიცოცხლეს, მოითხოვდნენ ბატონყმობისაგან გათავისუფლებას. მთავრობამ დააწესა ახალი გადასახადები, სოფელში ჩააყენა ეგზეკუცია და დააპატიმრა გამოსვლის მოთავეები.

1905 წლის 23 ივნისს სოფლის თავში მებატონე ამილახვრის თავგასულობით შეწუხებულმა გლეხებმა მისივე სახლის ახლოს, გზაზე მოკლეს იგი. პოლიციამ მკვლელი ვერ აღმოაჩინა.

დემოგრაფია

2014 წლის აღწერის მონაცემებით, სოფელში ცხოვრობს 967 ადამიანი.

სოფელში ძირითადად ცხოვრობენ ნადირაძეები.

აღწერის წელი	მოსახლეობა	კაცი	ქალი
2002	1259	613	646
2014	967	477	490

იხილეთ აგრეთვე

• ამილახვრიანთ ციხე-კოშკი
• ფხვენისის კოშკი
• ფხვენისის ნათლისმცემლის ეკლესია
• ფხვენისის ღვთისმშობლის ეკლესია
• ფხვენისის წმინდა გიორგის ეკლესია
• დიდი რუ
• ფხვენისი (ნასოფლარი)

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 438.

• ვანიშვილი შ. ჩიმაკაძე თ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 112.