ზემო რეხა

სოფელი
ზემო რეხა
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	გორის მუნიციპალიტეტი
თემი	ბერბუკი
კოორდინატები	42°02′20″ ჩ. გ. 44°06′48″ ა. გ.
ცენტრის სიმაღლე	640 მ
მოსახლეობა	261 კაცი (2014)
ეროვნული შემადგენლობა	ქართველები 99,2 %
სასაათო სარტყელი	UTC+4
სატელეფონო კოდი	+995

ზემო რეხა — სოფელი აღმოსავლეთ საქართველოში, გორის მუნიციპალიტეტის ბერბუკის ადმინისტრაციულ ერთეულში (შიდა ქართლის მხარე).

მდებარეობს ტირიფონის ვაკეზე, მდ. მეჯუდის ნაპირას, ზღვის დონიდან 640 მ-ზე, გორიდან 5 კმ-ში.

ზემო რეხა ისტორიული სოფელ რეხას ნაწილია. ქვემო რეხასგან მას მდინარე მეჯუდა ჰყოფს. სსიპ საჯარო რეესტრის ეროვნული სააგენტოს მუნიციპალიტეტების რეესტრში გორის მუნიციპალიტეტის 2017 წლის რეგისტრაციის დოკუმენტში ზემო რეხა და ქვემო რეხა შეტანილია საერთო სახელწოდებით — რეხა.

ზემო რეხაში დგას XVIII საუკუნის ღვთისმშობლის ერთნავიანი ეკლესია. ეკლესიის გარშემო, ეზოში, ჩაფლულია ქვევრები, რომლებსაც შემოდგომაზე ღვინით ავსებდნენ და „ღვთისმშობლის საზედაშეს“ უწოდებდნენ. ინახავდნენ აღდგომამდე, რის შემდეგ აქ იმართებოდა ხატობა — „კვირაცხოვლობა“. ქვევრის პატრონები ამ ღვინით მლოცველებს უმასპინძლდებოდნენ.

დემოგრაფია

2014 წლის აღწერის მონაცემებით, სოფელში ცხოვრობს 261 ადამიანი.

აღწერის წელი	მოსახლეობა	კაცი	ქალი
2002	338	171	167
2014	261	135	126

ლიტერატურა

• ენციკლოპედია „საქართველო“, ტ. 3, თბ., 2014. — გვ. 349.

• ქართული საბჭოთა ენციკლოპედია, ტ. 4, თბ., 1979. — გვ. 510.
• მაკალათია ს., ლიახვის ხეობა, თბ., 1971. — გვ. 85–89.