დრე (გორის მუნიციპალიტეტი)

სოფელი
დრე
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	გორის მუნიციპალიტეტი
თემი	ატენი
კოორდინატები	41°52′19″ ჩ. გ. 44°04′40″ ა. გ.
ცენტრის სიმაღლე	1420 მ
მოსახლეობა	0 კაცი (2014)

დრე — ნასოფლარი აღმოსავლეთ საქართველოში, შიდა ქართლის მხარის გორის მუნიციპალიტეტში (ატენის თემი), წერეთის ქედის (თრიალეთის ქედის ჩრდილოეთი განშტოება) ჩრდილოეთ კალთაზე. ზღვის დონიდან 1420 მეტრი, გორიდან 21 კილომეტრი.

ისტორია

სოფელი გარკვეულ როლს ასრულებდა ქართველი ხალხის მიერ, გარეშე მტრის წინააღმდეგ წარმოებულ ბრძოლებში, იცავდა ატენს მტრის შემოსევებისაგან. XlX საუკუნის 40-იან წლებში, დრეში მოქმედებდა ანდრეევსკის ტყავის ქარხანა. 1863 წლის მაისში, მებატონე ერისთავებმა დრეს გლეხებს ფულადი გადასახადი გაუდიდეს, შეაწერეს 2000 მანეთი და 45 კაპიკი. გლეხებმა უარი განაცხადეს გადასახადის გადახდაზე. მთავრობამ სოფელში ეგზეკუცია ჩააყენა, ააწიოკა გლეხები და აიძულა ისინი დამორჩილებოდნენ მებატონეს.

დემოგრაფია

2014 წლის აღწერის მონაცემებით, სოფელში არავინ ცხოვრობს.

აღწერის წელი	მოსახლეობა	კაცი	ქალი
2002	0	0	0
2014	0	0	0

ლიტერატურა

• კახაძე კ., ჩიმაკაძე თ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 65.

• ქართული საბჭოთა ენციკლოპედია, ტ. 3, თბ., 1978. — გვ. 634.