ბობნევი

სოფელი
ბობნევი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	გორის მუნიციპალიტეტი
თემი	ბოშური
კოორდინატები	41°53′14″ ჩ. გ. 44°00′10″ ა. გ.
ცენტრის სიმაღლე	960 მ
მოსახლეობა	156 კაცი (2014)
ეროვნული შემადგენლობა	ქართველები (96,8 %) ოსები (3,2 %)
სასაათო სარტყელი	UTC+4
სატელეფონო კოდი	+995

ბობნევი — სოფელი აღმოსავლეთ საქართველოში, შიდა ქართლის მხარის გორის მუნიციპალიტეტში (ბოშურის თემი). მდებარეობს თრიალეთის ქედის ჩრდილოეთ კალთაზე, მდინარე ტანის (მტკვრის მარჯვენა შენაკადი) ნაპირას, მდინარე ჯოჯოხეთისხევის შესართავთან. ზღვის დონიდან 960 მეტრი, გორიდან 20 კილომეტრი.

ისტორია

1862 წელს, მებატონე ერისთავმა სოფლის გლეხებს ფულადი გადასახადები გაუდიდა და 2000 მანეთი და 45 კაპიკი შეაწერა. გლეხებმა გადასახადების გადახდაზე უარი განაცხადეს და 1863 წლის მაისში აუჯანყდნენ მებატონეს. მმართველობის ადგილობრივი ორგანოების ბრძანებით, სოფელში ეგზეკუცია ჩააყენეს, დაარბიეს გლეხების სახლ-კარი და აიძულეს ისინი დამორჩილებოდნენ მებატონეს.

დემოგრაფია

2014 წლის აღწერის მონაცემებით, სოფელში ცხოვრობს 156 ადამიანი.

აღწერის წელი	მოსახლეობა	კაცი	ქალი
2002	217	112	105
2014	156	81	75

იხილეთ აგრეთვე

• ბობნევის იოანე ნათლისმცემლის ეკლესია
• ბობნევის კვირაცხოვლის ეკლესია
• ბობნევის წმინდა გიორგის ეკლესია
• კიკნათბერის ციხე

ლიტერატურა

• ჩიმაკაძე თ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 49.

• ქართული საბჭოთა ენციკლოპედია, ტ. 2, თბ., 1977. — გვ. 435.