საქაშეთი

სოფელი
საქაშეთი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	გორის მუნიციპალიტეტი
თემი	ვარიანი
კოორდინატები	42°05′31″ ჩ. გ. 43°58′14″ ა. გ.
ცენტრის სიმაღლე	710 მ
მოსახლეობა	883 კაცი (2014)
ეროვნული შემადგენლობა	ქართველები (98,8 %) ოსები (1,2 %)
სასაათო სარტყელი	UTC+4
სატელეფონო კოდი	+995

საქაშეთი — სოფელი აღმოსავლეთ საქართველოში, შიდა ქართლის მხარის გორის მუნიციპალიტეტში (ვარიანის თემი). მდებარეობს შიდა ქართლის ვაკეზე. ზღვის დონიდან 710 მეტრი, გორიდან 18 კილომეტრი.

ისტორია

1784 წლის 23 მარტს სულეიმან ფაშამ ქართლს სამი ათასი ლეკი შემოუსია და სხვა სოფლებთან ერთად მთლიანად აიკლო საქაშეთი.

1905 წლის 18 ნოემბერს სოფლის მოედანზე ჩატარდა მიტინგი, რომელსაც მეზობელი სოფლების გლეხობაც ესწრებოდა. მიტინგის გადაწყვეტილებებში შეიტანეს მოთხოვნები: საპატიმროებიდან გაეთავისუფლებინათ პოლიტიკური პატიმრები; სარატოვის, ჩერნიგოვის, ტამბოვის და სხვა გუბერნიებში, პოლონეთის სამეფისნაცვლოში გაეუქმებინათ სამხედრო წესები; გაეყვანათ სოფლებიდან კაზაკებისა და ჯარის ნაწილები; მოეწვიათ სრულიად რუსეთისა და განაპირა მხარეების დამფუძნებელი კრებები; გადაეცათ გლეხებისათვის საზოგადოებრივ მფლობელობაში მიწა; დაესაჯათ თანამდებობის პირები, რომლებმაც ააწიოკეს და ააოხრეს გორის მაზრის სოფლები.

დემოგრაფია

2014 წლის აღწერის მონაცემებით, სოფელში ცხოვრობს 883 ადამიანი.

აღწერის წელი	მოსახლეობა	კაცი	ქალი
2002	1009	526	483
2014	883	452	431

იხილეთ აგრეთვე

• საქაშეთის ღვთისმშობლის ეკლესია
• საქაშეთის წმინდა გიორგის ეკლესია
• საქაშეთის მეორე ყორღანი
• საქაშეთის პირველი ყორღანი
• საქაშეთის სამარხი
• საქაშეთის სამაროვანი

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 189-190.

• ბერძენიშვილი ც., ვანიშვილი შ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 82.