დიდი ფლევი

მასალა ვიკიპედიიდან — თავისუფალი ენციკლოპედია
Jump to navigation Jump to search
სოფელი
დიდი ფლევი
Vil. Didi Phlevi (G.N. 2008).jpg
დიდი ფლევი
ქვეყანა საქართველოს დროშა საქართველო
მხარე შიდა ქართლი
მუნიციპალიტეტი ხაშური
კოორდინატები 42.073°00′00″ ჩ. გ. 43.697°00′00″ ა. გ. / 42.07300° ჩ. გ. 43.69700° ა. გ. / 42.07300; 43.69700
ცენტრის სიმაღლე 800
მოსახლეობა 390[1] კაცი (2014)
ეროვნული შემადგენლობა ქართველები
რელიგიური შემადგენლობა მართლმადიდებლები
სასაათო სარტყელი UTC+4
სატელეფონო კოდი +995
დიდი ფლევი — საქართველო
დიდი ფლევი

დიდი ფლევისოფელი საქართველოში, შიდა ქართლის მხარის ხაშურის მუნიციპალიტეტში, შიდა ქართლის ვაკეზე, მდინარე ჭერათხევის (სურამულას მარცხენა შენაკადი) მარცხენა მხარეს. ფლევის საკრებულოს ცენტრი (სოფლები: ნაცარგორა, პატარა ფლევი, ტკოცა). ზღვის დონიდან 800 მეტრი, ხაშურიდან 21 კილომეტრი. 2006 წლის 1 იანვრის მონაცემებით სოფელში ცხოვრობს 265 კომლი, სულ 695 ადამიანი. სოფლის სასაფლაოზე დგას წმინდა გიორგის მცირე და დიდი ეკლესიები.

ისტორია[რედაქტირება | წყაროს რედაქტირება]

ისტორიულ დოკუმენტებში გვხვდება ახალი და ზემო ფლევი. ერთ-ერთი უძველესი სოფელია. თავდაპირველად ფლევი ამირეჯიბების მამული იყო. ქუცნა ამირეჯიბმა იგი ულუმბის ღვთისმშობლის ეკლესიას შესწირა: ,,აქაურის წისქვილისათვის ფლეველთ თითო კოდი პური, თითო კოკა ღვინო სააღაპოდ”. მოგვიანებით იგი ბაგრატიონ-დავითიშვილების მამულია. მათ 1527-1556 წლებში იმერეთის მეფის ბაგრატ III-ის ნებართვით და ირანის შაჰის თამაზისაგან მიღებული ოქრო-ვერცხლით სხვა სოფლებთან ერთად შეიძენეს ფლევი. ბაგრატიონ-დავითაშვილები აქ XX საუკუნემდე სახლობდნენ.

ფლევში სახლობენ გვარები: გელაშვილი, დეკანოიძე, კაპანაძე, კვესაძე, ლომიძე, მთიულიშვილი, ნოზაძე, რაზმაძე, საძაგლიშვილი, ტეფნაძე, ხარაზიშვილი, (დიდი ფლევი), არსენიძე, ბუხრიკიძე (ბუცხრიკიძე), გაჩეჩილაძე, გელაშვილი, თაბუაშვილი, თედიაშვილი, ივანიშვილი, კილასონია, ლომიძე, ტაბატაძე, ტეფნაძე, შუბითიძე, ჩიქოვანი, ციცქიშვილი, ხარაზიშვილი (პატარა ფლევი).

სახელწოდება ნაწარმოებია -ევ სუფიქსის მეშვეობით, -ი სახელობითი ბრუნვის ნიაშანია, ხოლო ფუძეა ,,ფლ”, ტოპონიმი ფლევი უნდა მომდინარეობდეს ფლვა ლექსემისაგან. ამავე ლექსემისგან უნდა იყოს ნაწარმოები სახელწოდება ფლავი(გორის რაიონი). ფლევში მდებარეობს წმ. გიორგის (XIX ს-ის ბოლო), ღვთისმშობლისა (VIII_IX სს.) და წმ. გიორგის (განვითარებული ფეოდალური ხანა) ეკლესიები.[2]

დემოგრაფია[რედაქტირება | წყაროს რედაქტირება]

2002 წლის აღწერის მონაცემებით სოფელში ცხოვრობს 530 ადამიანი[3]. 2014 წელს სოფელში ცხოვრობს 390 კაცი საიდანაც 194 მამაკაცია, ხოლო 196 ქალი[1]

აღწერის წელი მოსახლეობა
2002 530 [4][5]
2014 390[1] Decrease2.svg

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]