თაგვეთი

თაგვეთი
სოფელი
	თაგვეთი;
	; თაგვეთის ხიდი
ქვეყანა	საქართველო
მხარე	შიდა ქართლის მხარე
მუნიციპალიტეტი	ხაშურის მუნიციპალიტეტი
თემი	ცხრამუხა
კოორდინატები	41°57′43″ ჩ. გ. 43°35′34″ ა. გ. / 41.96194° ჩ. გ. 43.59278° ა. გ.
ცენტრის სიმაღლე	760 მ
მოსახლეობა	56 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

თაგვეთი — სოფელი აღმოსავლეთ საქართველოში, ხაშურის მუნიციპალიტეტის ცხრამუხის ადმინისტრაციულ ერთეულში (შიდა ქართლის მხარე).

მდებარეობს მტკვრის შუა ხეობის ვაკეზე, მდ. მტკვრის მარჯვენა ნაპირას, ზღვის დონიდან 760 მ-ზე, ხაშურიდან 3 კმ-ში.

ისტორია

წერილობით წყაროებში იხსენიება XVII საუკუნიდან „თაგოეთის“ და „თაგუეთის“ სახელწოდებით. მდებარეობდა გაღმამხარში, შედიოდა საციციანოში. იქ მცხოვრებთა გვარები იყო: კანიაშვილი, ტეტიაშვილი, ობლიძე, აფთარაშვილი, ბაბლიძე, პაპუაშვილი, რომლებიც აქაურ მებატონე ციციშვილებს გაყრისას ერთმანეთში გაუყვიათ თავიანთი მამულებითურთ.^[2]

იოანე ბატონიშვილის „ქართლ-კახეთის აღწერაში“ (XVIII საუკუნის მიწურული) დასახელებულია გვერდისძირის სოფლებს შორის. ლეკიანობისგან დაცლილი თაგუეთი XIX საუკუნის შუა წლებში ძირითადად იმერეთიდან გადმოსული ქართული ოჯახებით დასახლდა. 1886 წლის „საოჯახო სიებით“ აქ 346 მოსახლე იყო.^[3]

1906-1907 წლებში თაგვეთში, „ღამურა კლდის“ გამოქვაბულში მოწყობილი იყო სოციალ-დემოკრატების არალეგალური სტამბა. სოფლის აღმოსავლეთით, შუა საუკუნეების ნაეკლესიარზე დგას ღვთისმშობლის ახალი დარბაზული ეკლესია.

დემოგრაფია

2014 წლის აღწერის მონაცემებით სოფელში ცხოვრობს 56 ადამიანი.

აღწერის წელი	მოსახლეობა	კაცი	ქალი
2002^[4]	103	49	54
2014^[1]	56	28	28

ლიტერატურა

ენციკლოპედია „საქართველო“, ტ. 3, თბ., 2014. — გვ. 418.

სქოლიო

1 2 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.
↑ ცინცაძე ზ., თაგოეთი // ენციკლოპედია „საქართველო“, ტ. 3, თბ., 2014. — გვ. 419.
↑ ლაცაბიძე თ., ხაშურის მუნიციპალიტეტის ისტორია ტოპონიმებში, გაზ. „ხაშურის მოამბე“ №16, 22 აპრილი 2019. — გვ. 3.
↑ საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II

[აღწერა_2014-1] 1 2 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.

[2] ცინცაძე ზ., თაგოეთი // ენციკლოპედია „საქართველო“, ტ. 3, თბ., 2014. — გვ. 419.

[3] ლაცაბიძე თ., ხაშურის მუნიციპალიტეტის ისტორია ტოპონიმებში, გაზ. „ხაშურის მოამბე“ №16, 22 აპრილი 2019. — გვ. 3.

[აღწერა_2002-4] საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II

[1]

[2]

[3]

[4]