გუბაზეული
|
|
|
|---|---|
 მდინარე გუბაზეული სოფელ ნაბეღლავში |
|
| დახასიათება | |
| სიგრძე | 47 კმ |
| აუზის ფართობი | 371 კმ² |
| წყლის ნაკადი | |
| სათავე | გომისციხე |
| შესართავი | სუფსა |
| ჩაედინება | სუფსა |
| განლაგებულია | |
| ქვეყნები | საქართველო |
| გუბაზეული ვიკისაწყობზე | |
გუბაზეული, გუბაზოული, მდინარე ჩოხატაურის მუნიციპალიტეტში, სუფსის მარცხენა შენაკადი. სათავე აქვს მესხეთის ქედის ჩრდილოეთ კალთაზე, გომისციხის მთასთან, ზღვის დონიდან 2210 მ. სიმაღლეზე. სიგრძე 47 კმ, აუზის ფართობი 371 კმ2. მთავარი შენაკადებია ხანისწყალი და კალაშა. საზრდოობს თოვლის, წვიმისა და მიწისქვეშა წყლით. წყალდიდობა იცის გაზაფხულზე, წყალმცირობა - ზამთარში. საშუალო წლიური ხარჯი 13,7 მ3/წმ.
გუბაზეულის ხეობაში მდებარეობს სოფლები ქვაბღა, ზოტი, თავპანტა, ბჟოლიეთი, ხევი, ხიდისთავი, ბუქსიეთი, ზენობანი, ქვენობანი, მეწიეთი, ჭაჭიეთი, ბუკნარი, ნაბეღლავი, ახალშენი, წიფნაგვარა, ბასილეთი.
საქართველოს ენერგეტიკის სამინისტროს მიერ მომზადებულია ბჟოლიეთსა და ზოტში სამი ჰიდროელექტროსადგურის - "გუბაზეული-2", "გუბაზეული-5" და "გუბაზეული-6" - მშენებლობის პროექტი. ამჟამად გუბაზეულზე აგებულია მცირე ჰესი სოფელ ხიდისთავთან.
გუბაზეულის ხეობა მდიდარია მინერალური წყლებით. აღსანიშნავია სანისლიას თერმული მინერალური წყალი სოფელ ზოტში, ბორჯომის ტიპის მინერალური წყალი ნაბეღლავი სოფელ ნაბეღლავში. ხეობაში არის პირიტის საბადო სოფელ ზოტში და წაბლის ტყის კორომი სოფელ თავპანტაში.
[რედაქტირება] ლიტერატურა
- აფხაზავა ი., ქართული საბჭოთა ენციკლოპედია, ტ. 3, გვ. 287, თბ., 1978 წელი.
