იორი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ იორი (დუშეთის მუნიციპალიტეტი).
იორი
მდინარე იორი უჯარმის ციხესთანჯაბა ლაბაძის ფოტო
მდინარე იორი უჯარმის ციხესთან
ჯაბა ლაბაძის ფოტო
დახასიათება
სიგრძე 320 კმ
აუზის ფართობი 4650 კმ²
წყლის ნაკადი
სათავე კავკასიონი
ჩაედინება მინგეჩაურის წყალსაცავი
განლაგებულია
Iori.svg
ქვეყნები აღმოსავლეთ საქართველო და აზერბაიჯანი

იორიმდინარე აღმოსავლეთ საქართველოში და აზერბაიჯანში. სათავეს იღებს კავკასიონის სამხრეთ კალთაზე, მწვერვალ ბორბალოსთან, ზღვის დონიდან 2600 მ. ზემოწელში მიედინება ხეობაში, შუაწელზე კვეთს სამგორის ქვაბულს და ერთვის მინგეჩაურის წყალსაცავს (ადრე უერთდებოდა მდინარე ალაზანს). იორის სიგრძე 320 კმ-ია, აუზის ფართობი — 4650 კვ.კმ, წყლის საშუალო ხარჯი - 12 კუბ.მ/წმ (შესართავიდან 43 კმ-ში), საზრდოობს ძირითადად თოვლისა და წვიმის წყლებით. იორის შენაკადებია: მარცხ. — საგომა, გომბორი, ორვილი, ლაფიანხევი; მარჯვ. — ხაჩრულა, ქუსნო, აძეძი, გორანა და სხვ. ქვემო დინებაში აქვს დროებითი შენაკადები.

იორზე აგებულია მარეგულირებელი სიონის წყალსაცავი. იორის წყლით შეიქმნა თბილისის წყალსაცავი („თბილისის ზღვა“). ივრის წყლით ირწყვის 90 ათ. ჰა-ზე მეტი ფართობი ივრის ზეგანზე. მდინარეზე აგებულია რამდენიმე სარწყავი სისტემა, რომელთაგან მთავარი სამგორის ზემო და ქვემო მაგისტრალური არხები.

შუა საუკუნეების ქართული წყაროები იორს უწოდებენ „მცირე ალაზანს“.

ლიტერატურა[რედაქტირება]

Commons-logo.svg
ვიკისაწყობში? არის გვერდი თემაზე:
მოძიებულია „http://ka.wikipedia.org/w/index.php?title=იორი&oldid=2497349“-დან