მოძრაობა სამართლიანი საქართველოსთვის

მასალა ვიკიპედიიდან — თავისუფალი ენციკლოპედია
Jump to navigation Jump to search

მოძრაობა სამართლიანი საქართველოსთვის

მოძრაობა სამართლიანი საქართველოსთვის
ლიდერი სერგო ჯავახიძე
დაფუძნდა დეკემბერი, 2008
იდეოლოგია კლასიკური მემარჯვენეობა
ფერები         
შტაბ-ბინა ლვოვის ქ. N5, თბილისი, საქართველო
mjfg.ge

მოძრაობა სამართლიანი საქართველოსთვისმემარჯვენე პოლიტიკური პარტია საქართველოში, ჩამოყალიბებული საქართველოს ყოფილი პრემიერ-მინისტრის, ზურაბ ნოღაიდელის მიერ 2008 წლის დეკემბერში. პარტიის ლოზუნგია: „სამართლიანობა, ერთიანობა, კეთილდღეობა.“ მისი დეკლარირებული მიზანია „სტაბილური, სამართლიანი, გაერთიანებული საქართველო, სადაც ხალხის კეთილდღეობა და უსაფრთხოება საიმედოდ იქნება დაცული“.

ისტორია[რედაქტირება | წყაროს რედაქტირება]

ზურაბ ნოღაიდელი, პრემიერის პოსტიდან 2007 წლის 7 ნოემბრის მოვლენების შემდეგ წავიდა. შემდეგ იგი ფეხბურთელი კახა კალაძის ბიზნესს ედგა სათავეში, აგვისტოს ომის შემდეგ კი ისევ პოლიტიკაში დაბრუნება გადაწყვიტა. პარტიის საორგანიზაციო კომიტეტის წევრები იყვნენ ერთიანი ნაციონალური მოძრაობის ყოფილი წევრები: დეპუტატი პეტრე მამრაძე, ყოფილი დეპუტატები შოთა გვენეტაძე და ედუარდ სურმანიძე. 2009 წელს მიღებულ იქნა პარტიის წესდება, რომელმაც ასახა პარტიის პლატფორმა, მიზნები და ამოცანები, განსაზღვრა მოძრაობის სტრუქტურა და ორგანიზაცია.

მოძრაობა სამართლიანი საქართველოსთვის დაარსებიბს დღიდან მმართველი გუნდის ოპოზიციაში იმყოფება, ერთიანი ნაციონალური მოძრაობის მმართველობის პერიოდში ატარებდა პერმანენტულ აქციებს ვადამდელი საპარლამენტო არჩევნების მოთხოვნით. პარტია განსაკუთრებით აქტირუობდა აჭარის ავტონომიურ რესპუბლიკასა და ოზურგეთის მუნიციპალიტეტში.[საჭიროებს წყაროს მითითებას] პარტია მონაწილეობდა 2010 წლის თვითმართველობის არჩევნებში, სადაც ის იყო ეროვნული საბჭოს წევრი.

2010 წლის 23 დეკემბერს პარტიის ერთმა ნაწილმა გამართა რიგგარეშე ყრილობა, რომელსაც უნდობლობა გამოუცხადა პარტიის თავმჯდომარემ ზურაბ ნოღაიდელმა და მისმა მომხრე ნაწილმა[1][2][3]. ყრილობამ ზურაბ ნოღაიდელი პარტიის თავმჯდომარის პოსტიდან გადააყენა, თუმცა დავალიანების გასტუმრებამდე გამგეობის რიგით წევრად დატოვა, აირჩია გამგეობის ახალი შემადგენლობაც[4] და ახალი თავმჯდომარე - სერგო ჯავახიძე. რიგგარეშე ყრილობის გადაწყვეტილების რეგისტრაციისთვის გამგეობამ განცხადებით მიმართა იუსტიციის სამინისტროს. რეგისტრაციის შემთხვევაში, მოძრაობა ახალ თავმჯდომარეს და ახალი შემადგენლობის განკარგულებაში გადავა პარტიის სახელზე არსებული ქონება [5][6]. 11 იანვარს ცნობილი გახდა, რომ იუსტიციის სამინისტრომ განცხადება დააკმაყოფილა და მოძრაობა სამართლიანი საქართველოსთვის წევრთა რიგგარეშე ყრილობის გადაწყვეტილება რეგისტრაციაში გაატარა,[7] რომლის თანახმადაც ზურაბ ნოღაიდელი პარტიის თავმჯდომარეობიდან გადაყენებულია[8].

2012 წელს მოძრაობამ საქართველოს საპარლამენტო არჩევნებში მიიღო მონაწილეობა, თუმცა წარუმატებლად (ოფიციალური მონაცემებით სულ ხმების 0,19% მიიღო). მოძრაობა მონაწილეობს 2013 წლის საპრეზიდენტო არჩევნებში, სადაც კანდიდატად წარდგენილი ჰყავს თავმჯდომარე - სერგო ჯავახიძე.

სტრუქტურა[რედაქტირება | წყაროს რედაქტირება]

წესდების თანახმად [9] მოძრაობის უმაღლესი ორგანოა მოძრაობის ყრილობა, რომელიც მოიწვევა 4 წელიწადში ერთხელ. მას თავმჯდომარეობს მოძრაობის გამგეობის ერთ-ერთი წევრი. ყრილობებს შორის პერიოდში მოძრაობას ხელმძღვანელობს გამგეობა, რომელიც შედგება ყრილობის მიერ არჩეული არანაკლებ 5 წევრისაგან 4 წლის ვადით. გამგეობას ჰყავს თავმჯდომარე, რომელიც ამავდროულად არის მოძრაობის ლიდერიც და წარმოადგენს მას მესამე პირებთან ურთიერთობაში. გამგეობას ექვემდებარება პარტიის სტრუქტურული ქვედანაყოფები, რეგიონული და ახალგაზრდული ორგანიზაციები.

შედეგები არჩევნებში[რედაქტირება | წყაროს რედაქტირება]

წელი არჩევნები მიღებული პროცენტი შენიშვნა
2012 საპარლამენტო 0,19% ვერ გადალახა ბარიერი

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. მოძრაობა „სამართლიანი საქართველოსთვის“ წევრები რიგგარეშე ყრილობას გამართავენ“, რუბრიკა პოლიტიკა, კახეთის საინფორმაციო ცენტრი, 2010-12-22. წაკითხვის თარიღი: 2011-01-10. 
  2. ”მოძრაობა სამართლიანი საქართველოსთვის” რიგგარეშე ყრილობას 23 დეკემბერს გამართავს“, ნიუსი, რუბრიკა პოლიტიკა, პირველი არხი, 2010-12-21. წაკითხვის თარიღი: 2011-01-10. 
  3. ნატო ხოხიაშვილი: "მოძრაობის სამართლიანი საქართველოსთვის" რიგგარეშე ყრილობის ჩატარება საკუთარი სახსრებით უზრუნველვყავით"“, საინტერესო სააგენტო პირველი, 2010-12-23. წაკითხვის თარიღი: 2011-01-10. 
  4. ჭადრაკის სასახლეში "სამართლიანი საქართველოსთვის" რიგგარეშე ყრილობა მიმდინარეობს“, ნიუსი > პოლიტიკა, GeoNews.ge, 2010-12-23. წაკითხვის თარიღი: 2011-01-10. 
  5. “სამართლიანი საქართველოსთვის” რიგგარეშე ყრილობის საორგანიზაციო ჯგუფი პასუხს ელოდება“, უახლესი ამბების პორტალი onlinenews.ge, 2011-01-10. წაკითხვის თარიღი: 2011-01-10. 
  6. ორი მოძრაობა ერთი გადაწყვეტილების მოლოდინში“, საინფორმაციო სააგენტო ინტერპრესნიუსი, 2011-01-10. წაკითხვის თარიღი: 2011-01-10. 
  7. საქართველოს იუსტიციის სამინისტრომ ,,მოძრაობა სამართლიანი საქართველოსთვის’’ გამგეობაში განხორციელებული ცვლილებები მოქალაქეთა პოლიტიკური გაერთიანებების (პარტიების) რეესტრში შეიტანა“, საქართველოს იუსტიციის სამინისტროს ვებ საიტი, 2011-01-11. წაკითხვის თარიღი: 2013-11-30. 
  8. ზურაბ ნოღაიდელს პარტიის თავმჯდომარის პოსტი ოფიციალურად დაატოვებინეს“, საინფორმაციო სააგენტო ინტერპრესნიუსი, 2011-01-11. წაკითხვის თარიღი: 2011-01-11. 
  9. წესდება 2009