საქართველოს ძალოვან ვეტერანთა და პატრიოტთა პოლიტიკური მოძრაობა

საქართველოს ძალოვან ვეტერანთა და პატრიოტთა პოლიტიკური მოძრაობა
სტატუსი	მოქმედი
ქვეყანა	საქართველო
ხელმძღვანელობა
თავმჯდომარე	გია ბერძენიძე
წარმომადგენლობითობა
პარლამენტი	0 / 150

საქართველოს ძალოვან ვეტერანთა და პატრიოტთა პოლიტიკური მოძრაობა — პოლიტიკური პარტია საქართველოში. დაარსდა 2007 წლის 2 აგვისტოს. ამავე წელს დაფუძნდა პარტიის ახალგაზრდული ფრთა. პარტიის აღმასრულებელი ორგანოა პარტიის საბჭო, რომელიც 4 წლის ვადით ირჩევა.

ისტორია

2016 წლის 8 ივნისს ჩამოყალიბდა საარჩევნო ბლოკი „საქართველოს პატრიოტთა ალიანსი, გაერთიანებული ოპოზიცია“, სადაც გაერთიანდა 6 პარტია:

• საქართველოს პატრიოტთა ალიანსი;
• ქართველ ტრადიციონალისტთა კავშირი;
• თავისუფალი საქართველო;
• თავისუფლება;
• ახალი ქრისტიან-დემოკრატები;
• ძალოვან ვეტერანთა და პატრიოტთა პოლიტიკური მოძრაობა.

2016 წლის საპარლამენტო არჩევნებში საარჩევნო ბლოკმა გადალახა 5%-იანი ბარიერი და პარლამენტში გაიყვანა 6 დეპუტატი. საარჩევნო ბლოკში მყოფი ყველა პარტია გახდა კვალიფიციური სუბიექტი. 2020 წლის საპარლამენტო არჩევნებში ძალოვან ვეტერანთა და პატრიოტთა პოლიტიკურმა მოძრაობამ დამოუკიდებლად მიიღო მონაწილეობა. პარტიამ მიიღო 0,17% და ვერ გადალახა ბარიერი, რის გამოც დაკარგა კვალიფიციური სუბიექტის სტატუსი.

შედეგები არჩევნებში

წელი	არჩევნები	ხმები	მიღებული პროცენტი	შენიშვნა	კოალიცია
2016	საპარლამენტო	88 097	5,01%	გახდა კვალიფიციური სუბიექტი	საქართველოს პატრიოტთა ალიანსი, გაერთიანებული ოპოზიცია
2020	საპარლამენტო	3 245	0,17%	ვერ გადალახა ბარიერი	დამოუკიდებელი

რესურსები ინტერნეტში

• ivote.ge