ეროვნული ფორუმი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება

ეროვნული ფორუმი

ეროვნული ფორუმი
დაფუძნდა დეკემბერი, 2006
იდეოლოგია ზომიერი კონსერვატიზმი
ფერები         
შტაბ-ბინა ლვოვის ქ. #82, 0160
ტელ: (+995 32) 237 80 88
თბილისი
http://www.forumi.ge

ეროვნული ფორუმისაქართველოს მოქალაქეთა პოლიტიკური გაერთიანება დაარსდა 2006 წლის დეკემბერში. პარტია არის ზომიერი კონსერვატიზმის მიმდევარი. წესდების მიხედვით, პარტიას მართავს პოლიტიკური საბჭო, რომელიც 7 წევრისაგან შედგება. გაერთიანების დევიზია „მებრძოლი ქართული სული“.

ისტორია[რედაქტირება | წყაროს რედაქტირება]

საქართველოს მოქალაქეთა პოლიტიკური გაერთიანება, დაარსდა 2006 წლის დეკემბერში. წესდების მიხედვით, პარტიას მართავს პოლიტიკური საბჭო, რომელიც 7 წევრისაგან შედგება.

პოლიტიკური გაერთიანება “ეროვნული ფორუმი” 2006 წლის დეკემბერში დაარსდა. პირველი დამფუძნებელი კონფერენცია 2006 წლის დეკემბერში გაიმართა. წესდების მიხედვით, პარტიას მართავს  პოლიტიკური საბჭო, რომელიც 7 წევრისაგან შედგება: კახაბერ შარტავა, გოჩა ჯაბიძე, რევაზ შავიშვილი, მალხაზ (სოსო) ვახტანგაშვილი, ანი მიროტაძე, ავთანდილ დავითაძე, ზურაბ ჩიკვაიძე.

დაფუძნების დღიდან პარტია აქტიურად მონაწილეობს ქვეყანაში მიმდინარე ყველა მნიშვნელოვან პოლიტიკურ, ეკონომიკურ, სოციალურ, საგანმანათლებლო – კულტურულ პროცესში, საჭიროების შემთხვევაში, დემოკრატიული პრინციპების ერთგულების ნიშნით არ ერიდება საპროტესტო აქციებსა და მანიფესტაციებს. (2006-2012) წ.წ.

2008 წლის ვადამდელ საპარლამენტო არჩევნებში „ეროვნული ფორუმი“ წარმოდგენილი იყო ბლოკში – “გაერთიანებული ოპოზიცია – ეროვნული საბჭო, მემარჯვენეები”. ოფიციალური მონაცემებით არჩევნებში ბლოკმა 18% მიიღო, თუმცა, შედეგების გაყალბების გამო “ეროვნულმა ფორუმმა,” პროტესტის ნიშნად, საპარლამენტო მანდატზე უარი თქვა სხვა ოპოზიციურ პარტიებთან ერთად.

2012 წლის დასაწყისში „ეროვნული ფორუმი“ კოალიცია „ქართული ოცნების“ პოლიტიკური სუბიექტი გახდა, რის შემდეგაც იგი აქტიურად მონაწილეობდა როგორც კოალიციის საპარლამენტო საარჩევნო პროგრამის და არაერთი მიმართულების განსაზღვრასა და ფორმირებაში, ისე საარჩევნო კამპანიაში.

2012 წლის საპარლამენტო არჩევნებში კოალიციის გამარჯვების შემდეგ, „ეროვნული ფორუმი“ შედიოდა საპარლამენტო უმრავლესობის შემადგენლობაში 2013 წლის გაზაფხულამდე, ხოლო ამა წლის 5 მარტს „ეროვნულმა ფორუმმა“ შექმნა საპრლამენტო ფრაქცია (გუბაზ სანიკიძე, მალხაზ (სოსო) ვახტანგაშვილი, თემურ მაისურაძე, ანი მიროტაძე, გიორგი (გია) ხეჩინაშვილი) და 2016 წლის აპრილამდე საპრალამენტო უმრავლესობის შემადგენლობაში დარჩა. ამ პერიოდის განმავლობაში ზოგიერთ საკითხზე განსხვავებული შეხედულებების მიუხედავად, ფრაქცია სრულად იცავდა კოალიციური შეთანხმების პირობებს.

2014 წელს ჩატარებული ადგილობრივი თვითმმართველობის არჩევნების შედეგად, „ეროვნულ ფორუმს“ საკუთარი წარმომადგენლები ჰყავს ადგილობრივ საკრებულოებში მთელი ქვეყნის მასშტაბით.

„ეროვნული ფორუმის“ ლიდერები, საპარლამენტო ფრაქცია, ცენტრალური და რეგიონული ოფისები და პარტიის წევრები აქტიურად მონაწილეობდნენ საპრეზიდენტო (2013 წ) და ადგილობრივი თვითმმართველობის არჩევნებში (2014წ).

„ეროვნული ფორუმის“ რიგგარეშე მე-5 ყრილობაზე, რომელიც 2016 წლის 3 აპრილს გაიმართა, ფარული კენჭისყრის შედეგებზე დაყრდნობით, ხმების დიდი უმრავლესობით, დელეგატებმა მიიღეს გადაწყვეტილება “ეროვნული ფორუმის“ კოალიციიდან გასვლისა და 2016 წლის საპარლამენტო არჩევნებში დამოუკიდებლად მონაწილეობის თაობაზე.

2016 საპარლამენტო არჩევნებზე ფორუმმა ხმათა 0,73% მიიღო და პარლამენტს მიღმა დარჩა, რის შემდეგაც პარტია ერთ-ერთმა ლიდერმა, გუბაზ სანიკიძემ დატოვა, რომელიც მოგვიანები დემოკრატიულ მოძრაობას შეურთდა.

პროგრამული პრიორიტეტები[რედაქტირება | წყაროს რედაქტირება]

  • ეროვნული სახელმწიფო, მისი ფუნქცია და უსაფრთხოება
  • ეკონომიკური სისტემის რეალური რეფორმა და რეალური ინსტიტუციური ცვილებები
  • განათლებისა და მეცნიერების ეროვნული პოლიტიკა
  • ბუნებრივი რესურსებისა და გარემოს დაცვა
  • თანამედროვე ჯანდაცვის სისტემის შექმნა, რომელიც უზრუნველყოფს სამედიცინო დახმარების მისაწვდომობას, თანასწორუფლებიანობასა და ხარისხს, საზოგადოებრივი ჯანმრთელობის კუთხით მოსახლეობის კეთილდღეობას
  • საპენსიო სისტემის მოწესრიგება და რეალური რეფორმირება
  • საქართველოში იძულებით გადაადგილებულ პირთა პრობლემები და მიგრაციის საკითხები
  • სამართლიანი სასამართლო

ორგანიზაციული სტრუქტურა[რედაქტირება | წყაროს რედაქტირება]

პარტიამ დაარსებიდან მოკლე პერიოდში შეძლო პარტიული სტრუქტურის აწყობა, პრაქტიკულად, მთელი ქვეყნის მასშტაბით. ამ ეტაპზე ფუნქციონირებს ქალაქ თბილისის პარტიის ცენტრალური ოფისი და აგრეთვე, ქალაქ ბათუმსა და გურჯაანში ადგილობრივი ორგანიზაციის ოფისები. მოქმედებს  17 საინიციატივო ჯგუფი, რომელთა ოფიციალურად დაფუძნება ახლო მომავალში  იგეგმება. 

პარტიის უმაღლესი აღმასრულებელი ორგანოა პოლიტიკური საბჭო, რომელიც წარმართავს პარტიის საქმიანობას.

პარტიის  მაკონტროლებელი ორგანოა სარევიზიო კომისია. 

რესურსები ინტერნეტში[რედაქტირება | წყაროს რედაქტირება]