მთიულეთის ქედი

მთიულეთის ქედი — კავკასიონის მთავარი ქედის სამხრეთი ტოტი, მდინარეების მთიულეთის არაგვისა და გუდამაყრის არაგვის წყალგამყოფი. იწყება კავკასიონზე შირიმის მწვერვალთან და მტავრდება ზემოაღნიშნული მდინარეების შესართავთან. აგებულია იურული და ცარცული ასაკის ფლიშური ნალექებით. სამხრეთ-დასავლეთი კალთა ძლიერ დანაწევრებული და ფართოა, ჩრდილო-აღმოსავლეთით — ვიწრო. მოგლუვებულ თხემზე აღმართულია მწვერვალები: მთაწმინდა (2759 მ), ჭალისთავი (2750მ), საბადლო (2802 მ), წიფორი (2577). კალთები შემოსილია შერეული, ფართოფოთლიანი (ზოგან ფიჭვის) ტყით თხემური ზონა — სუბალპური და ალპური მდელოებით.

იხილეთ აგრეთვე

• საქართველოს ქედების სია

ლიტერატურა

• უკლება დ, ქართული საბჭოთა ენციკლოპედია, ტ. 6, გვ. 673, თბ., 1983 წელი.