დევდარაკი — ხეობის ტიპის მყინვარი მყინვარწვერის მასივის ჩრდილო-აღმოსავლეთ კალთაზე, მდინარე ყაბახის სათავეში (თერგის მარცხენა შენაკადი). სიგრძე 5,5 კმ, ფართობი 7,13 კმ². მყინვარის ენა ეშვება ზღვის დონიდან 2300 მ-ზე. ცნობილია მყინვარის ინტენსიური მოძრაობით გამოწვეული ნგრევები (XVIII საუკუნის 70-იან წლებიდან XIX საუკუნის 70 წლების ბოლომდე), რაც იწვევდა წყლის შეგუბებას, კატასტროფულ წყალმოვარდნებს დარიალის ხეობაში, ზიანდებოდა საქართველოს სამხედრო გზა. დევდარაკის ბოლოსა და ბართქორთის ქედზე გადის მყინვარწვერზე ასასვლელი ერთ-ერთი მოხერხებული გზა.
