წეის მყინვარი
| კოორდინატები: 42°45′50″ ჩ. გ. 43°51′08″ ა. გ. / 42.76389° ჩ. გ. 43.85222° ა. გ. | |
| ქვეყანა |  რუსეთი
|
| ტერიტორიული ერთეული | ჩრდილოეთი ოსეთი |
| ქედი | კავკასიონი |
| ფართობი | 9,7 კმ² |
| სიგრძე | 8,6 კმ |
| ტიპი | ხეობური |
  | |
 | |
წეის მყინვარი, წეა (ოს. Цъæйы цъити) — ხეობის ტიპის მყინვარი რუსეთში, ჩრდილოეთ ოსეთში. მდებარეობს კავკასიონის მთავარ ქედის ჩრდილოეთ კალთაზე. იწყება ადაი-ხოხისა და უილფათას შორის მდებარე ფირნის ველებიდან.[1] წარმოადგენს კავკასიონის ერთ-ერთ ყველაზე მოზრდილ მყინვარს, რომელიც ამასთანავე, საკმაოდ ქვემოთ ეშვება ზღვის დონიდან. იკვებება მწვერვალ ადაი-ხოხის ატმოსფერული ნალექებით. ეშვება ზღვის დონიდან 2200 მ სიმაღლემდე. სიგრძე 8,6 კილომეტრია, ფართობი დაახლოებით 9,7 კმ². უკიდურესი ქვემო მონაკვეთი მეტად ვიწროა, ზედა — ფართო. ამ მონაკვეთზე მყინვარის სიგანე 1 კილომეტრამდეა. წეის მყინვარზე სათავე აქვს მდინარე წეიდონს (არდონის მარცხენა შენაკადი). გარშემორტყმულია 2500 მ სიმაღლის კლდეებით, წარმოქმნის მრავალ ნაპრალსა და რამდენიმე მყინვარულ წყალვარდნილს. მყინვართან სიახლოვეს მდებარეობს ალპინისტური ბაზა და ბანაკი. აქვეა მთის საკურორტო ადგილი წეა.[2]
სქოლიო[რედაქტირება | წყაროს რედაქტირება]
- ↑ Цейский ледник | Географическая энциклопедия
- ↑ Цейский ледник | Большая российская энциклопедия. დაარქივებულია ორიგინალიდან — 2020-06-06. ციტირების თარიღი: 2020-06-06.