კიდეგანის ქედი

კიდეგანის ქედი (რუს. Кидеганис) — აღმოსავლეთ კავკასიონის მთავარი ქედის ჩრდილო ტოტი, საქართველოს დუშეთის მუნიციპალიტეტისა და ჩაჩნეთ-ინგუშეთის საზღვარზე, მდინარეების ასისა და არმხის წყალგამყოფი. უმაღლესი მწვერვალი კიდეგანისმაღალი (4275 მ), სხვა მწვერვალებია: გველისმთა, სახარისმაღალი, ჭიმლისმაღალი, მარტინისმთა და სხვ.

მნიშვნელოვანი უღელტეხილებია: არხოტისთავისღელე, სახარისღელე, საჯიხვისღელე და სალაშქროსღელე. აგებულია იურული თიხაფიქლებით. ორივე კალთაზე ჩამოწოლილია მყინვარები. ახასიათებს მთა-მდელოსა და გლაციალურ-ნივალური ლანდშაფტი.

იხილეთ აგრეთვე

• საქართველოს ქედების სია

ლიტერატურა

• მარუაშვილი ლ, ქართული საბჭოთა ენციკლოპედია, ტ. 5, გვ. 504, თბ., 1980 წელი.