ადიშის მყინვარი
ვიკიპედიიდან, თავისუფალი ქართულენოვანი ენციკლოპედიიდან
|
|
|
|---|---|
 |
|
| კოორდინატები:
/ |
|
|
 |
|
| ტიპი | ხეობის მყინვარი |
| მდებარეობა | კავკასიონი, საქართველო |
| ფართობი | 10,2 კმ² |
| სიგრძე | 7.6 კმ |
ადიშის მყინვარი — მყინვარი ცენტრალური კავკასიონის სამხრეთ კალთაზე, მდინარე ენგურის აუზში. სიგრძე 7.6 კმ, ფართობი 10,2 კმ². ენის სიმაღლე დაახლოებით 2400 მ-მდე, ხეობის ტიპისაა. საზრდოობს მწვერვალების თეთნულდის, გისტოლის, ადიშის და ლაქუციას სამხრეთ ფერდობებიდან ჩამონადენი მყინვარების ნაკადებით.
გეომორფოლოგიური თვალსაზრისით მყინვარი სამ ნაწილად იყოფა: 1. ფირნის ველი (მკვებავი აუზი), რომელიც ზღვის დონიდან 3800 მ-ზე მაღლა მდებარეობს და რომელიც გარშემორტყმულია მაღალი მწვერვალებით, 2. ყინულვარდნილი (1200 მ სიმაღლის ყინულის ჩანჩქერი), 3. მყინვარის ენა, რომელიც თანდათანობით მარაოსებრი ფორმით ეშვება ზღვის დონიდან 2380 მ-მდე. ადიშის მყინვარიდან გამოედინება მდინარე ადიშისჭალა. მისასვლელი გზა — სოფელ ადიშიდან.
[რედაქტირება] ლიტერატურა
- ქართული საბჭოთა ენციკლოპედია, ტ. 1, გვ. 96, თბ., 1975 წელი.
- გობეჯიშვილი რ., კოტლიაკოვი ვ., გლაციოლოგია, თბ., 2006.
|
|||||||
|
|||||||||||||||||||
