გუამი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
გუამის ტერიტორია
ინგლ. Territory of Guam
ჩამორო: Guåhan
გუამი
გუამის
დევიზი: «Where America’s day begins»
ჰიმნი: «Stand Ye Guamanians»
დედაქალაქი ჰაგატნა
13°28′ ჩ. გ. 144°45′ ა. გ. / 13.467° ჩ. გ. 144.750° ა. გ. / 13.467; 144.750
უდიდესი ქალაქი დედედო
ოფიციალური ენა ჩამორო (ენა), ინგლისური ენა
მთავრობა აშშ–ის ტერიტორია
 -  პრეზიდენტი ბარაკ ობამა
 -  გუბერნატორი ფელიქს პერეს კამაჩო
ფართობი
 -  სულ 541,3 კმ2 (192-ე)
მოსახლეობა
 -  2010 შეფასებით 159 358[1] (179-ე)
 -  სიმჭიდროვე 294,4 კაცი/კმ2 
მშპ (მუპ) 2000 შეფასებით
 -  სულ $3,2 მილიარდი (167-ე)
 -  ერთ მოსახლეზე $21 000 
ვალუტა აშშ დოლარი (USD)
დროის სარტყელი AST (UTC+10)
ქვეყნის კოდი GU
Internet TLD (.gu)
სატელეფონო კოდი 1 671

გუამის ტერიტორია (ინგლ. Territory of Guam, ჩამორო: Guåhan) — კუნძული წყნარი ოკეანის დასავლეთ ნაწილში, უდიდესია მარიანის კუნძულების ჯგუფში. გუამი შეერთებული შტატების შემადგენლობაშია, აქვს ორგანიზებული და შეუერთებელი ტერიტორიის სტატუსი (organized unincorporated territory) ეროვნულ არჩევნებში მონაწილეობის უფლების გარეშე. დედაქალაქია ჰაგატნა.

გეოგრაფია[რედაქტირება]

გუამის რუკა

გუამის კუნძული წაგრძელებულია ჩრდილოეთიდან სამხრეთისკენ 50 კმ-ზე, სიგანე ყველაზე ვიწრო საშუალო ნაწილში — 12 კმ-ია. კუნძულის ჩრდილოეთ ნაწილის რელიეფი საგრძნობლად განსხვავდება სამხრეთისაგან. ჩრდილოეთ ნაწილი — კირქვიანი პლატოა, მარჯანისგან შემდგარი. ჩრდილო-დასავლეთით და ჩრდილოეთით პლატო მყისიერად ვარდება სანაპიროზე.

კუნძულის სამხრეთი ნაწილი — ვულკანური წარმოშობისაა და აქვს მთაგორიანი რელიეფი. უმაღლესი წერტილია — მთა ლამლამი (406 მ). გორაკები ლავური, კვარციტული და თიხოვანი წარმოშობისაა. არის გრანიტის და ქვიშაქვის მინარევებიც.

კუნძულის კლიმატი ტროპიკულია მუსონურია. საშუალო დღიური ტემპერატურა მთელ წელიწადში დაახლოებით 26-27 °С. წვიმიანი პერიოდი გრძელდება მაისიდან ნოემბრის ჩათვლით, როდესაც დგება სამხრეთ-დასავლეთი მუსონების დრო. ყველაზე დიდი ნალექების რაოდენობაა — აგვისტოში (410 მმ), ყველაზე ნაკლები — აპრილში (55 მმ). უნალექო ზამთარ-გაზაფხულის პერიოდში (იანვრიდან აპრილის ჩათვლით) ქრის ჩრდილო-აღმოსავლეთის ქარები. ნალექების წლიური ჯამი აღემატება 2000 მმ. კუნძულზე ხშირად მოქმედებენ ტაიფუნები, განსაკუთრებით ზაფხულის წვიმიან პერიოდში. ერთ-ერთმა ძლიერმა ტაიფუნმა 1962 წელს გუამზე გაანადგურა თითქმის ყველა შენობა.

ცხოველთა სამყარო ღარიბია. ბინადრობენ მღრღნელები (ვირთხები, თაგვები), ღამურები. ტყეებში გვხვდება ფილიპინებიდან ესპანელების მიერ შემოყვანილი ირმები. ადრე კუნძულზე იყვნენ საკმაოდ ბევრი ფრინველები, მაგრამ დღესდღეობით მათი დიდი უმრავლესობა განადგურებულია.

ისტორია[რედაქტირება]

გუამი დასახლებული იყო ერთ-ერთი ავსტრონეზიური ხალხით, ჩამოროელებით, დაახლოებით XV საუკუნეში ჩვენს წელთაღრიცხვამდე. XVI საუკუნის დასაწყისში (1521 წელს), როდესაც მაგელანის ექსპედიციამ აღმოაჩინა გუამი, ჩამოროს ხალხს დაწყებული ქონდა ადრეკლასობრივი საზოგადოების ჩამოყალიბება. ისინი იყოფოდნენ სამ ძირითად სოციალურ ფენად: ბელადები, რიგით ადამიანებად და მონებად.

გუამი გამოცხადდა ესპანეთის კოლონიად 1565 წელს. 1600 წლიდან კუნძული გამოიყენებოდა ესპანური გემების ეკიპაჟის დასასვენებლად და მათთვის საკვების შესავსებად, რომლებიც მიემართებოდნენ მექსიკიდან ფილიპინებზე. ამან გამოიწვია აბორიგენი ჩამოროელების ესპანელებთან, მექსიკელებთან და ფილიპინელებთან შერევა, რომლებიც შედიოდნენ ესპანური გემების შემადგენლობაში.

ესპანელების ფაქტობრივი კოლონიზაცია, ჩამოროელების გაქრისტიანებასთან ერთად დაიწყო 1668 წლიდან, როდესაც კუნძულზე ჩამოვიდნენ კათოლიკე მისიონერები. 1670 წლიდან 1695 წლამდე პერიოდი აღსანიშნავია ჩამოროელების აჯანყებების სერიებით, რომლებსაც სისასტიკით ახშობდნენ ესპანელი ჯარისკაცები. ჩამოროელების რიცხვი, განსაკუთრებით მამაკაცებისა, ძლიერ შემცირდა. ამან გამოიწვია ჩამოროელების შემდგომი შევიწროვება ესპანელების, ფილიპინელების და მექსიკელების მიერ. მაგრამ ჩამოროელებმა შეინარჩუნეს თავისი ენა და ზოგიერთი უნარ-წესები.

ამერიკის შეერთებულმა შტატებმა დაიპყრეს კუნძული ესპანეთ-ამერიკის ომის დროს 1898 წელს და იმავე წელს შეიერთეს ის პარიზში ხელმოწერილი მშვიდობიანი ხელშეკრულების საფუძველზე. ამის შემდეგ გუამი ემსახურებოდა ამერიკულ გემებს, როგორც შუამდებარე ბაზა, ფილიპინებისკენ მიმავალ გზაზე.

მეორე მსოფლიო ომის დროს გუამს თავს დაესხა იაპონიის შეიარაღებული ძალები. ბრძოლა დაიწყო 1941 წელს პირლ-ჰარბორზე იაპონელთა თავდასხმიდან სამი საათის შემდეგ. გუამი ჩაბარდა იაპონიის სამხედრო ძალებს 10 დეკემბერს. ომის პერიოდში, დაახლოებით 19 000 იაპონელი ჯარისკაცი და მატროსი იდგა კუნძულზე. გუამი ამერიკის სამხედრო ძალებმა უკან დაიბრუნა 1944 წლის 21 ივლისს.

ადმინისტრაციული დაყოფა[რედაქტირება]

გუამის მუნიციპალიტეტები (2006)

გუამი იყოფა 19 სოფლად (მუნიციპალიტეტებათ):

მუნიციპალიტეტები რეგიონი
[2]
ფართობი,
კმ²
მოსახლეობა,
ად. (2010)
სიმჭიდროვე,
ად./კმ²
1 აგანია-ჰეიტსი ცენტრალური 2,68 3808 1420,90
2 აგატი სამხრეთი 27,19 4917 180,84
3 ასანი ცენტრალური 14,35 2137 148,92
4 ბარიგადა ცენტრალური 21,96 8875 404,14
5 ჩალან-პაგო-ორდოტი ცენტრალური 14,73 6822 463,14
6 დედედო ჩრდილოეთი 79,16 44 943 567,75
7 ჰაგატნა ცენტრალური 2,33 1051 451,07
8 ინარაჯანი სამხრეთი 48,82 2273 46,56
9 მანგილაო ცენტრალური 26,45 15 191 574,33
10 მერიზო სამხრეთი 16,39 1850 112,87
11 მონგმონგ-ტოტო-მაიტე ცენტრალური 4,79 6825 1424,84
12 პიტი ცენტრალური 19,26 1454 75,49
13 სანტა-რიტა სამხრეთი 41,89 6084 145,24
14 სინაიანა ცენტრალური 2,20 2592 1178,18
15 ტალოფოფო სამხრეთი 45,81 3050 66,58
16 ტამუნინგი ჩრდილოეთი 14,66 19 685 1342,77
17 უმატაკი სამხრეთი 16,63 782 47,02
18 იიგო ჩრდილოეთი 91,71 20 539 223,96
19 ძონია სამხრეთი 52,53 6480 123,36
სულ 543,52 159 358 293,20

მოსახლეობა[რედაქტირება]

მოსახლეობის რაოდენობა — 159 358 (აღწერა 2010).

ეთნიკური შემადგენლობა: ჩამოროელები — 37,3 % (59 381 ად.), ჩუუკელები — 7,0 % (11 230 ად.), ოკეანეთის სხვა ხალხები — 5,0 % (7971 ად.), ფილიპინელები — 26,3 % (41 944 ად.), აზიის სხვა ხალხები — 5,9 % (9437 ად.), შერეული წარმოშობის — 9,4 % (14 929 ად.), თეთრკანიანები — 7,1 % (11 321 ად.), შავკანიანები — 1,0 % (1540 ად.), სხვები — 1,0 % (1605 ად.) (აღწერა 2010 წლის)[3].

ენები: ინგლისური — 43,6 % (63 238 ად.), ჩამოროს ენა — 17,8 % (25 827 ად.), ფილიპინური ენები — 21,2 % (30 720 ად.), ოკეანეთის ენები — 10,0 % (14 441 ად.), აზიური ენები — 6,3 % (9192 ად.), სხვა ენები — 1,1 % (1651 ად.) (აღწერა 2010 წლის)[4].

ეკონომიკა[რედაქტირება]

ეკონომიკაში ძირითად როლს პირველ რიგში ასრულებს ტურიზმი (ძირითადად იაპონიიდან) და ასევე კუნძულზე არსებული ამერიკული სამხედრო ბაზა, რომელსაც უკავია კუნძულის ფართის მესამედი.

კუნძულზე აშენებულია აეროპორტი, ოტელები ტურისტებისთვის და გოლფ-კლუბები. ტურისტების დაახლოებით 90 % — იაპონელია. იაპონელი ტურისტების სიმრავლე გამოწვეულია იმით, რომ გუამი უფრო ახლოა ვიდრე ჰავაის კუნძულები. ტურიზმის განვითარებისათვის ოტელებით განაშენიანდა ულამაზესი პლიაჟები, რისთვისაც დაინგრა რიფი და დიდი ზიანი მიადგა ზღვის ფლორას და ფაუნას.

კუნძულზე მდებარეობს გუამის უნივერსიტეტი.

კუნძული დაკავშირებულია დანარჩენ სამყაროსთან ინტერნეტის 12 ოპტიკურ-ბოჭკოვანი კაბელით.[5]

სქოლიო[რედაქტირება]

მოძიებულია „http://ka.wikipedia.org/w/index.php?title=გუამი&oldid=2692207“-დან