ქვიშხეთი

ქვიშხეთი- სოფელი ხაშურის მუნიციპალიტეტში, ლიხის ქედის აღმოსავლეთ კალთზე. ტერიტორიული ორგანოს ცენტრი (სოფლები:ბეღლეთი, ბულბულისციხე, მონასტერი, რუსაანთუბანი, სავანისუბანი, სათივე, სარმანიშვილისკარი, ტაშისკარი, ტეზერი, ყიფიანთუბანი). ზღვის დონიდან 730 მეტრი, ხაშურიდან 10 კილომეტრი. 2006 წლის 1 იანვრის მონაცემებით სოფელში ცხოვრობს 721 კომლი, სულ 2394 კაცი. სოფელში დგას: აღდგომის ეკლესია, კოშკი, მთაწმინდის ეკლესია, ფერისცვალების ეკლესია, წმინდა გიორგის ეკლესია და წმინდა ელიას ეკლესია.

ტოპონიმები

• გიგიტაშვილების უბანი - უბანი სოფელში.
• გოდაბრელიძის მიწა - სათესი სოფლის სამხრეთით.
• დიდგულების წყარო - წყარო სოფელში.
• თავკოკოლა - ადგილი სოფლის დასავლეთით.
• კოშკის უბანი - უბანი სოფელში.
• ლეკის გზა - გზა სოფლის დასავლეთით, იგივე აბაშიძეების გზა.
• მჭედლიშვილების უბანი - უბანი სოფელში.
• მიხეილის წყარო - წყარო სოფელში.
• ნახვეტრები - სახნავ-სათესი სოფლის სამხრეთ-აღმოსავლეთით.
• საბუდარები - ადგილი სოფლის დასავლეთით.
• ცუცქირიძეების წყარო - წყარო სოფელში.
• ჭალის უბანი - უბანი სოფელში .
• გომარლების უბანი – სოფლის შესასვლელი

ლიტერატურა

• ქართული საბჭოთა ენციკლოპედია, ტ. X, თბ., 1986. — გვ. 523.