ოქტომბერი 2009

<<	ოქტომბერი					>>
ორშ	სამ	ოთხ	ხუთ	პარ	შაბ	კვი
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2009

ოქტომბერი 2009 წლის მეათე თვეა. დაიწო ხუთშაბათს და დამთავრდა 31 დღის შემდეგ შაბათს.

პორტალი:ახალი ამბები

მიმდინარე მოვლენები 1 ოქტომბერი, 2009 (2009-10-01) (ხუთშაბათი)

საქართველოს ფეხბურთის ფედერაციის პრეზიდენტად აირჩიეს ზუგდიდის საფეხბურთო კლუბ ”ბაიას” მფლობელი ზვიად სიჭინავა. სიჭინავა პრეზიდენტობის უკონკურენტო კანდიდატი იყო. (რადიო "თავისუფლება") 76 წლის ასაკში გარდაიცვალა ცნობილი მწერალი, სახელმწიფო და შოთა რუსთაველის სახელობის პრემიების ლაურეატი, ოთარ ჭილაძე. (რადიო "თავისუფლება") ევროსაბჭოს საპარლამენტო ასამბლეამ რუსეთს ხმის უფლება შეუნარჩუნა, მიუხედავად იმისა, რომ რომ რუსეთს არ შეუსრულებია იმ მოთხოვნების უმრავლესობა, რომლებიც საქართველო-რუსეთის ომის შემდეგ ასამბლეამ რუსეთს წაუყენა. (რადიო "თავისუფლება") რუმინეთში დაიშალა კოალიციური მთავრობა. მინისტრების პოსტები სოციალ-დემოკრატიული პარტიის წევრებმა დატოვეს (რადიო "თავისუფლება") საერთაშორისო სავალუტო ფონდის განცხადებით გლობალური ფინანსური კრიზისის შემდეგ მსოფლიოს ეკონომიკა უფრო სწრაფად განიცდის აღმავლობას, ვიდრე ეს ნავარაუდევი იყო (IMF Survey online)) 7.6 Mw მიწისძვრამ ინდონეზიის კუნძულ სუმატრაზე 1100 ადამიანი იმსხვერპლა. (Reuters) ირანი გამოთქვამს მზადყოფნას, დაუშვას საერთაშორისო ინსპექტორები ქალაქ ყუმში განთავსებულ ბირთვულ ობიექტზე (New York Times) პალეონტოლოგებმა განაცხადეს ადამიანის წინაპარის, არდიპითეკის ჩონჩხის აღმოჩენის შესახებ (New York Times)

მიმდინარე მოვლენები 2 ოქტომბერი, 2009 (2009-10-02) (პარასკევი)

საერთაშორისო ოლიმპიურმა კომიტეტმა 2016 წლის ზაფხულის ოლიმპიური თამაშების მასპინძლად აირჩია რიო-დე-ჟანეირო, ბრაზილია. რიო-დე-ჟანეიროს კონკურენტები იყვნენ ტოკიო, ჩიკაგო და მადრიდი. ოლიმპიური თამაშები სამხრეთ ამერიკაში პირველად გაიმართება. (რადიო "თავისუფლება") ისრაელმა 19 პალესტინელი პატიმარი გაათავისუფლა ისრაელის ჯარისკაცის ამსახველი ვიდეოფირის სანაცვლოდ (The New York Times) სლოვენიის 10-თვიანი ვეტოს შემდეგ ხორვატიამ განაახლა ევროკავშირთან მოლაპარაკებები გაწევრიანების შესახებ (რადიო "თავისუფლება")

მიმდინარე მოვლენები 3 ოქტომბერი, 2009 (2009-10-03) (შაბათი)

გარდაიცვალა ქართველი კომპოზიტორი ალექსანდრე ბასილაია (ghn.ge) ათასობით ადამიანმა მიიღო მონაწილეობა რომში (იტალია) პრესის თავისუფლების დასაცავად გამართულ საპროტესტო აქციაში. (BBC) ირლანდიაში გამართულ მეორე რეფერენდუმზე მოსახლეობის 67.1%-მა მხარი დაუჭირა ლისაბონის შეთანხმებას. გასულ წელს ირლანდიის მოსახლეობამ შეთანხმებას მხარი არ დაუჭირა. (The Guardian) ილჰამ ალიევის განცხადებით მთიანი ყარაბაღის კონფლიქტზე სომხეთთან მოლაპარაკებები დასკვნით ეტაპზეა (რადიო "თავისუფლება") სომხეთის მმართველი კოალიციის სამმა პარტიამ განაცხადა, რომ ისინი მიესალმებიან ერევნის და ანკარის ურთიერთობის განვითარებას და მხარს დაუჭერენ თურქეთთან კავშირის დამყარებას (რადიო "თავისუფლება")

მიმდინარე მოვლენები 4 ოქტომბერი, 2009 (2009-10-04) (კვირა)

ირლანდიაში ჩატარებული რეფერენდუმის შემდეგ გაიზარდა ინტერესი ჩეხეთისა და პოლონეთისადმი, რომლებიც ჯერ არ შეერთებიან ლისაბონის შეთანხმებას. პოლონეთის პრეზიდენტი ლეხ კაჩინსკი, სავარაუდოდ, მხარს დაუჭერს შეთანხმებას, ხოლო ჩეხეთის პრეზიდენტი ვაცლავ კლაუსი საწინააღმდეგო პოზიციაზეა (The Daily Telegraph) ჩინეთის პრემიერ-მინისტრი ვენ ჟიბაო სამდღიანი ვიზიტით ეწვია ჩრდილოეთ კორეას (BBC)

მიმდინარე მოვლენები 5 ოქტომბერი, 2009 (2009-10-05) (ორშაბათი)

საბერძნეთის საპარლამენტო არჩევნებში სოციალისტურმა მოძრაობამ “პასოკი”გაიმარჯვა, პრემიერის პოსტს დაიკავებს გეორგიოს პაპანდრეუ (უმცროსი. (რადიო თავისუფლება) ჰონდურასის დროებითმა პრეზიდენტმა, რობერტო მიჩელეტიმ ქვეყანაში სამოქალაქო თავისუფლებები შეზღუდა (CBC) ადამიანის უფლებათა დამცველი საერთაშორისო ორგანიზაცია Human Rights Watch (HRW) საქართველოს და რუსეთის მიერ ჩადენილი სამხედრო დანაშაულების გამოძიების აუცილებლობაზე საუბრობს. საქმე ეხება რუსეთ-საქართველოს ომის დროს "ომის კანონების დარღვევას" (civil.ge) გაეროს კვლევებით, რომლებიც ერთ სულ მოსახლეზე მშპ-ს რაოდენობას, განათლების დონესა და სიცოცხლის ხანგრძლივობის მაჩვენებლებს ეყრდნობა, საუკეთესო საცხოვრებელ ადგილად ნორვეგია გამოცხადდა. სამეულში მოხვდნენ ავსტრალია და ისლანდია (რადიო "თავისუფლება")

მიმდინარე მოვლენები 6 ოქტომბერი, 2009 (2009-10-06) (სამშაბათი)

დანიის საგარეო საქმეთა მინისტრი პერ სტიგ მიოლერი სოხუმში აფხაზეთის სეპარატისტული რესპუბლიკის საგარეო საქმეთა მინისტრს, სერგეი შამბას შეხდვა. (civil.ge) საქართველოს პრეზიდენტმა მიხეილ სააკაშვილმა საქართველოს პარლამენტის წინაშე სიტყვით გამოსვლისას ახალი ეკონომიკური ინიციატივები წარადგინა (itv.ge) გაეროს ბავშვთა ფონდმა, იუნისეფმა მსოფლიოში ბავშვთა დაცვის შესახებ ანგარიში გამოაქვეყნა (რადიო "თავისუფლება")

მიმდინარე მოვლენები 7 ოქტომბერი, 2009 (2009-10-07) (ოთხშაბათი)

1994 წელს რუანდის გენოციდის ორგანიზებაში ეჭვმიტანილი ძებნილი იდელ ფონზე ნიზეიმანა დააპატიმრეს და რუანდის საერთაშორისო კრიმინალურ ტრიბუნალს გადასცეს. (ამერიკის ხმა)

მიმდინარე მოვლენები 8 ოქტომბერი, 2009 (2009-10-08) (ხუთშაბათი)

შვეიცარელი ფსიქიატრის კარლ იუნგის "წითელი წიგნი" გამოიცა და პირველად წარედგინა საზოგადოებას. გერმანელი მწერალი ჰერტა მიულერი ლიტერატურის დარგში ნობელის პრემიის ლაურეატი გახდა. (Nobel)

მიმდინარე მოვლენები 9 ოქტომბერი, 2009 (2009-10-09) (პარასკევი)

აშშ-ის პრეზიდენტი ბარაკ ობამა გახდა მშვიდობის დარგში ნობელის პრემიიის ლაურეატი. (Nobel) პაკისტანის ქალაქ ფეშავარში დანაღმული ავტომობილის აფეთქებას 49 ადამიანის სიცოცხლე შეეწირა. მთავრობის განცხადებით, ეს ამტკიცებს თალიბანის წინააღმდეგ ფართომასშტაბიანი შეტევის აუცილებლობას. (Reuters) ექვს ვიეტნამელ პრო-დემოკრატიულად განწყობილ აქტივისტს ექვსწლიანი პატიმრობა მიესაჯათ მთავრობის საწინააღმდეგო პროპაგანდის გამო (BBC) მოლდოვაში მიმდინარე დსთ-ს სამიტის ფარგლებში ერთმანეტს შეხვდნენ სომხეთის პრეზიდენტი სერჟ სარქისიანი და აზერბაიჯანის პრეზიდენტი ილჰამ ალიევი. შეხვეედფრა მთიანი ყარაბაღის საკითხზე მოლაპარაკებების მიზნით შედგა. (რადიო "თავისუფლება")

მიმდინარე მოვლენები 10 ოქტომბერი, 2009 (2009-10-10) (შაბათი)

ათასობით ადამიანმა გამოთქვა პროტესტი სანქტ-პეტერბურგში, (რუსეთი) გაზპრომის 77 სართულიანი ოფისის დაგეგმილი მშენებლობის გამო (The Guardian) 40-ზე მეტი ადამიანი დააკავეს მანჩესტერში (ინგლისი) ანტირასისტული და ანტიისლამისტური დემონსტრაციების შეტაკებების შემდეგ (The Times) აშშ-ის პრეზიდენტის, ბარაკ ობამას განცხადებით, ის გადახედავს აშშ-ის არმიაში სექსუალურ უმცირესობებთან მიმართებაში არსებულ პოლიტიკას. (The Associated Press) პოლონეთის პრეზიდენტმა ლეხ კაჩინსკიმ ხელი მოაწერა ლისაბონის შეთანხმებას. ერთადერთი ევროპული სახელმწიფო, რომელიც ამ ტრაქტატს ჯერ არ შეერთებია, ჩეხეთია. (BBC) სომხეთისა და თურქეთის საგარეო საქმეთა მინისტრებმა ხელი მოაწერეს შეთანხმებას ურთიერთობათა ნორმალიზების შესახებ (BBC) ფეხბურთში 2010 წლის მსოფლიო ჩემპიონატზე ასპარეზობის უფლება მოიპოვეს გერმანიიის, იტალიის, სერბეთის, დანიის, კოტ-დ'ივუარის, მექსიკის, აშშ-ის, ჩილეს ნაკრებებმა. (FIFA)

მიმდინარე მოვლენები 11 ოქტომბერი, 2009 (2009-10-11) (კვირა)

თურქეთის პრემიერ-მინისტრმა რეჯეფ თაიფ ერდოღანმა კვირას განაცხადა, რომ სომხეთმა უნდა დატოვოს აზერბაიჯანში ოკუპირებული მთიანი ყარაბაღის ტერიტორია, იმისათვის, რომ ანკარასა და ერევანს შორის გუშინ გაფორმებული ხელშეკრულება თურქეთის პარლამენტმა დაამტკიცოს. (რადიო "თავისუფლება") ირლანდიის ეროვნულმა განმათავისუფლებელმა არმიამ შეიარაღებული კამპანიის დასრულება გამოაცხადა (The Guardian) პაკისტანის ქალაქ რავალპინდიში გაათავისუფლეს თალიბანის მიერ მძევლად აყვანილი 39 ადამიანი. (Reuters) ვაშინგტონში ათასობით ადამიანმა გამოხატა პროტესტი ლგბტ პირთა უფლებების წინააღმდეგ. (BBC) რუსეთში საოლქო, რეგიონალური და მუნიციპალური არჩევნები გაიმართა (სააგენტო "რია ნოვოსტი")

მიმდინარე მოვლენები 12 ოქტომბერი, 2009 (2009-10-12) (ორშაბათი)

ჩრდილოეთ კორეამ მოკლე რადიუსში მოქმედი ხუთი რაკეტა გაისროლა იაპონიის ზღვაში. (Yonhap) რუსეთის მმართველმა პარტიამ, ერთიანმა რუსეთმა ადგილობრივ არჩევნებში გაიმარჯვა და მანდატთა 80% მოიპოვა (RTÉ) ელინორ ოსტრომი და ოლივერ უილიამსონი ეკონომიკის დარგში ნობელის პრემიის ლაურეატები გახდნენ ეკონომიკის მართვის ანალიზისთვის. ელინორ ოსტრომი პირველი ქალია, რომელსაც ეს პრემია მიენიჭა. (ბლუმბერგი) ევროპის საბჭომ გამოაქვეყნა ანგარიში საქართველოში ეროვნულ უმცირესობათა დაცვის შესახებ. დაკვნაში საუბარია საქართველოში ამ კუთხით არსებულ დადებით და უარყოფით ტენდენციებზე. (რადიო "თავისუფლება")

მიმდინარე მოვლენები 13 ოქტომბერი, 2009 (2009-10-13) (სამშაბათი)

სამხრეთ აფრიკის პოლიციამ ცრემლსადენი გაზის გამოყენებით დაშალა დემონსტრაცია, რომელიც აპროტესტებდა რამდენიმე ქალაქში არსებულ სიღარიბეს. (Associated Press) აშშ-ის სენატის საფინანსო კომიტეტმა მხარი დაუჭირა ჯანდაცვის რეფორმის კანონპროექტს. (BBC) ჩეხეთის პრეზიდენტის, ვაცლავ კლაუსის განცხადებით ის არასდროს შეუერთდება ლისაბონის შეთანხმებას. (The Times) რუმინეთის მთავრობას რუმინეთის პარლამენტმა უნდობლობა გამოუცხადა. ეს ერთადერთი შემთხვევაა ბოლო 20 წლის მანძილზე. (HotNews) ბელორუსიამ ევროკავშირთან ურიერთობების მოგვარების სურვილი გამოთქვა. ამისთვის ბელორუსიამ გამოხატა მზადყოფნა, განახორციელოს საბაზრო რეფორმები. (რადიო "თავისუფლება")

მიმდინარე მოვლენები 14 ოქტომბერი, 2009 (2009-10-14) (ოთხშაბათი)

სომხეთის პრეზიდენტი, სერჟ სარქისიანი დაესწრო 2010 წლის მსოფლიოს საფეხბურთო ჩემპიონატის შესარჩევი ტურნირის მატჩს თურქეთისა და სომხეთის ეროვნულ ნაკრებებს შორის, რომელიც გაიმართა ქალაქ ბურსაში, თურქეთში. (BBC) ფეხბურთში 2010 წლის მსოფლიო ჩემპიონატზე ასპარეზობის უფლება მოიპოვეს სლოვაკეთის, შვეიცარიის, ჰონდურასის, არგენტინის ნაკრებებმა. (FIFA) ჰონდურასში მოლაპარაკებების შედეგად გადაწყდა, რომ ჰონდურასის პრეზიდენტის პოსტს კვლავ მანუელ სელაია დაიკავებს. ამით დასრულდება პოლიტიკური კრიზისი ქვეყანაში. (CBC)

მიმდინარე მოვლენები 15 ოქტომბერი, 2009 (2009-10-15) (ხუთშაბათი)

პაკისტანში შეიარაღებული თავდასხმებისა გამო 37 ადამიანი დაიღუპა. პაკისტანის მთავრობა ექსტრემისტების წინააღმდეგ სამხედრო კამპანიისთვის ემზადება. (Indian Express)

მიმდინარე მოვლენები 16 ოქტომბერი, 2009 (2009-10-16) (პარასკევი)

ურუგვაი გახდა პირველი სახელმწიფო მსოფლიოში, რომელმაც საჯარო სკოლების პირველკლასელებს საჩუქრად ნოუთბუქები გადასცა. (BBC) ბერლინში 70 წლიანი პაუზის შემდეგ ოფიციალურად გაიხსნა აღდგენილი ახალი მუზეუმი. (Deutsche Welle) პაკისტანის ქალაქ ფეშავარში 7 ადამიანი დაიღუპა და 10 დაშავდა მეჩეთის, პოლიციის განყოფილებისა და სამგზავრო ავტობუსის აფეთქების შედეგად. (BBC) ავსტრალიელმა პოპ-მომღერალმა კაილი მინოუგმა მონაწილეობას მიიღო ინდურ ფილმში "ლურჯი", რომელიც ბოლივუდის ყველაზე ძვირადღირებულ პროდუქციად მიიჩნევა. (The Times) გაეროს ადამიანის უფლებათა საბჭომ მიიღო რეზოლუცია, რომლითაც დაამტკიცა ანგარიში ღაზის ომის შესახებ. ანგარიშში ისრაელი და ჰამასი დადანაშაულებულია სამხედრო დანაშაულის ჩადენაში. (Jerusalem Post)

მიმდინარე მოვლენები 17 ოქტომბერი, 2009 (2009-10-17) (შაბათი)

ჩეხეთის პრეზიდენტის, ვაცლავ კლაუსის აზრით რეფორმის ტრაქტატის მოწინააღმდე უკვე ვეღარ შეუშლიან მის ძალაში შესვლას ხელს, რადგანაც დოკუმენტის მიღების პროცესი ძალიან სწრაფად მიმდინარეობს და მისი შეჩერება უკვე შეუძლებელია. (BBC) დასავლეთ აფრიკის ქვეყნების ეკონომიკური თანამეგობრობა აწესებს იარაღის ემბარგოს გვინეის მიმართ, მას შემდეგ, რაც გასულ თვეში ამ ქვეყანაში ოპოზიციის მიტინგს ცეცხლი გაუხსნეს და ოპოზიციის მხარდამჭერები დაიღუპნენ. (Reuters) სამხრეთ კორეის პარლამენტის წევრის განცხადებითჩრდილოეთ კორეაში 154 ათასი ადამიანი იმყოფება გულაგებში. (Yonhap) მადრიდში მილიონზე მეტმა ადამიანმა გამოხატა პროტესტი აბორტის წინააღმდეგ. 2003-2004 წლების ანტისაომარი გამოსვლების შემდეგ ეს ყველაზე ფართომასშტაბიანი დემონსტრაცია იყო. (The Times) ირანში გირაოთი გაათავისუფლეს ნიუსვიკის რეპორტიორი მაზიარ ბაჰარი. ის ოთხი თვე იმყოფებოდა პატიმრობაში სადავო საპრეზიდენტო არჩევნების შემდგომ. (Associated Press) პაკისტანის არმიამ დაიწყო ოპერაცია თალიბანის წინააღმდეგ სამხრეთ ვაზირისტანში. ოპერაციას წინ უძღოდა ორი კვირის მანძილზე თავდასხმები თალიბანის მხრიდან, რასაც 160-მდე ადამიანი ემსხვერპლა. (BBC)

მიმდინარე მოვლენები 18 ოქტომბერი, 2009 (2009-10-18) (კვირა)

ჯეისონ ბატონი გახდა ფორმულა ერთის 2009 წლის გამარჯვებული, გავიდა რა ბრაზილიის ეტაპში, ინტერლაგოსის ტრასაზე, სან-პაულუში, მეხუთე ადგილზე. (Formula1) უკრაინა ემზადება საპრეზიდენტო არჩევნებისთვის, რომელიც პირველი იქნება 2004 წლის ნარინჯისფერი რევოლუციის შემდეგ. (Reuters) პაკისტანის არმიამ 60-ზე მეტი ექსტრემისტი მოკლა თალიბანის წინააღმდეგ სამხრეთ ვაზირისტანში დაწყებული ოპერაციის დროს. (The Guardian)

მიმდინარე მოვლენები 19 ოქტომბერი, 2009 (2009-10-19) (ორშაბათი)

მიმდინარე მოვლენები 20 ოქტომბერი, 2009 (2009-10-20) (სამშაბათი)

ყირგიზეთის მთავრობა გადადგა სრული შემაგდენლობით მას შემდეგ, რაც პრეზიდენტმა კურმანბეკ ბაკიევმა რეფორმების ახალი ტალღის შესახებ განაცხადა. (BBC)

მიმდინარე მოვლენები 21 ოქტომბერი, 2009 (2009-10-21) (ოთხშაბათი)

მიმდინარე მოვლენები 22 ოქტომბერი, 2009 (2009-10-22) (ხუთშაბათი)

მიმდინარე მოვლენები 23 ოქტომბერი, 2009 (2009-10-23) (პარასკევი)

მიმდინარე მოვლენები 24 ოქტომბერი, 2009 (2009-10-24) (შაბათი)

მიმდინარე მოვლენები 25 ოქტომბერი, 2009 (2009-10-25) (კვირა)

მიმდინარე მოვლენები 26 ოქტომბერი, 2009 (2009-10-26) (ორშაბათი)

მიმდინარე მოვლენები 27 ოქტომბერი, 2009 (2009-10-27) (სამშაბათი)

ბაქტერიული მენინგიტის შემთხვევა თბილისის კიდევ ერთ სკოლაში გამოვლინდა. ამ დიაგნოზით იაშვილის სახელობის საავადმყოფოში თბილისის 192-ე სკოლის მე-5 კლასის მოსწავლე მკურნალობს. (Rustavi2.com)

მიმდინარე მოვლენები 28 ოქტომბერი, 2009 (2009-10-28) (ოთხშაბათი)

მიმდინარე მოვლენები 29 ოქტომბერი, 2009 (2009-10-29) (ხუთშაბათი)

მიმდინარე მოვლენები 30 ოქტომბერი, 2009 (2009-10-30) (პარასკევი)

მიმდინარე მოვლენები 31 ოქტომბერი, 2009 (2009-10-31) (შაბათი)