ჰამასი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ჰამასის დროშა

ჰამასი აკრონიმია "ჰარაკატ ალ-მუქავამაჰ ალ-ისლამიიაჰ"-ისა (არაბ. حركة المقاومة الاسلامية‎‎, პირდაპირი მნიშვნელობა: "ისლამური წინააღმდეგობის მოძრაობა") — პალესტინის სუნიტური-ისლამისტური ფუნდამენტალური მოძრაობა,[1][2] რომელიც მჭიდრო კავშირშია მუსლიმანურ საძმოსთან. მისი მიზანია პალესტინის განთავისუფლება ისრაელის ოკუპაციისგან და დასავლეთ სანაპიროზე ისლამური რესპუბლიკის შექმნა.[3][4]

ჰამასი ტერორისტულ ორგანიზაციადაა მიჩნეული ევროკავშირის, კანადის, აშშ-სა და ისრაელის მიერ და მისი თავდასხმები ისრაელის მოქალაქეებზე და სხვა ადამიანის უფლებათა დარღვევის ფაქტები დაგმობილ იქნა გაეროს ადამიანის უფლებათა კომისიის, საერთაშორისო ამნისტიისა და ჰუმან რაითს ვოჩის მიერ. ეს ორგანიზაცია განსაკუთრებით პოპულარულია პალესტინელთა შორის ღაზის სექტორში, თუმცა მას საკმაოდ ბევრი მიმდევარი ჰყავს დასავლეთ სანაპიროზეც და სხვა ქვეყნების პალესტინის დიასპორაში, ისრაელის ჩათვლით. ამ მოძრაობის პოპულარობა განპირობებულია მის მიერ პალესტინის ღატაკთათვის შემწეობისა და სოციალური უზრუნველყოფის გაწევით და, ნაწილობრივ, შეიარაღებული მოქმედებებით. არაბული სამყაროს გარეთ ჰამასი ცნობილია თვითმკვლელი ამფეთქებლებით ისრაელის მჭიდროდ დასახლებულ ურბანულ რეგიონებში. ორგანიზაცია, როგორც წესი, ამგვარ თვითმკვლელების ოჯახებს უხვ კომპენსაციას უხდის.

ორგანიზაციის მიზანია გააერთიანოს პალესტინა ისლამური სახელმწიფოს ქვეშ, რომელიც სრულიად მოუღებს ბოლოს ისრაელს. (ისრაელის სახლემწიფოს მიერ მიჩნეულია საბაბად იმისა, რათა ამ ორგანიზაციის ლიდერები განადგურებულ იქნან.) ჰამასის ლიდერების განადგურების მცდელობები გატარებულ იქნა ისრაელის საჰაერო ძალების მიერ მის მიერ ოკუპირებულ ტერიტორიებზე, ასევე სხვა მეთოდებითაც, მათ შორის ავტომანქანათა აფეთქებით, ცეცხლსასროლი იარაღით, მომწამვლელი ინიექციებით მოსადის აგენტების მიერ ისრაელსა და ოკუპირებულ ტერიტორიებს გარეთ.

სქოლიო[რედაქტირება | წყაროს რედაქტირება]

  1. Anthony H. Cordesman.Peace and War: The Arab–Israeli Military Balance Enters the 21st Century. Greenwood Publishing Group. 2002. p. 243: "Hamas is a radical Islamic fundamentalist organization that has stated that its highest priority is a Jihad (holy war) for the liberation of Palestine."
  2. Meir Litvak. "Hamas: Palestinian Identity, Islam, and National Sovereignty," in Asher Susser (ed.) Challenges to the Cohesion of the Arabic State. Moshe Dayan Center for Middle Eastern and African Studies. Tel Aviv University. 2008. p. 153: 'One of the secrets behind the success of Hamas is that it is an Islamic and national movement at one and the same time,'
  3. Hamas (Islamic Resistance Movement), http://www.ict.org.il
  4. "Israeli Official Says Hamas Has Made Abbas Irrelevant" The New York Times, February 27, 2006

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე: