საქართველოს ფეხბურთის ფედერაცია

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
დაარსდა 15 თებერვალი, 1990
ფიფა-ში გაწევრიანდა 3 ივლისი, 1992
პრეზიდენტი ლევან კობიაშვილი

საქართველოს ფეხბურთის ფედერაფია დაარსდა 1990 წლის 15 თებერვალს. საქართველო იყო პირველი, რომელმაც დატოვა საბჭოთა კავშირის ფეხბურთის კავშირი და დამოუკიდებლობა გამოაცხადა.

საბჭოთა კავშირის რესპუბლიკებს შორის საქართველო იყო პირველი, რომელმაც დამოუკიდებლობის გზა აირჩია. 1992 წლის 25 თებერვალს ფიფამ საქართველოს ფეხბურთის ფედერაცია დროებით წევრად მიიღო, ხოლო 3 ივლისს, ციურიხში გამართულ კონგრესზე სრულუფლებიან წევრად აღიარა.

1990 წლიდან საქართველოს ფეხბურთის ფედერაცია ქვეყნის ჩემპიონატსა და თასის გათამაშებას ატარებს. 1990 წლის 30 მარტს პირველი ეროვნული ჩემპიონატის სასტარტო მატჩი იმართება თბილისის „იბერია“-სა და ფოთის „კოლხეთი 1913“-ს შორის (0:1, გელა კეტაშვილის ავტოგოლი).

1993 წლიდან ქართული კლუბები ევროპის საკლუბო ტურნირებში მონაწილეობენ, 1994 წლიდან კი საქართველოს ეროვნული და სხვადასხვა ასაკობრივი ნაკრებები ევროპის და მსოფლიო ჩემპიონატების შესარჩევ ეტაპებზე გამოდიან.

საქართველოს ფეხბურთის ფედერაციის პირველი პრეზიდენტი სფფ-ის დაარსების დღიდან, 1990 წლის 15 თებერვლიდან იყო ნოდარ ახალკაცი, რომელიც ორჯერ აირჩიეს და გარდაცვალებამდე, 1998 წლის 24 იანვრის ჩათვლით ხელმძღვანელობდა ორგანიზაციას. საქართველოს ფეხბურთის ფედერაციის მეორე პრეზიდენტი იყო მერაბ ჟორდანია, რომელიც ასევე ორჯერ აირჩიეს. 2005 წლის 11 ივნისიდან 2007 წლის 13 მაისამდე თანამდებობა ნოდარ ახალკაცს (უმცროსი) ეკავა. 2007 წლის 13 მაისს საქართველოს ფეხბურთის ფედერაციის პრეზიდენტად აირჩიეს გიორგი ნემსაძე, რომელმაც 1 დღეში სკანდალურად დატოვა თანამდებობა და კვლავ ნოდარ ახალკაცი (უმცროსი) აირჩიეს თანამდებობაზე, რომელსაც ეს თანამდებობა ამჯერად 2009 წლის 17 სექტემბრამდე ეკავა და შემდეგ პოსტი ეროვნულ ნაკრების მიერ შესარჩევ ციკლში ნაჩვენები არასახარბიელო შედეგის გამო დატოვა[1]. 2009 წლის 1 ოქტომბრიდან 2015 წლის 7 სექტემბრამდე[2] ფედერაციის პრეზიდენტი იყო ზვიად სიჭინავა, გენერალური მდივანი რევაზ არველაძე. 2015 წლის 3 ოქტომბერს პრეზიდენტად აირჩიეს ლევან კობიაშვილი.[3], 13 ოქტომბრიდან გენერალური მდივნის თანამდებობა დავით მუჯირმა დაიკავა, რომელიც ფეხბურთის ფედერაციის პრეზიდენტმა აღმასრულებელ კომიტეტს წარუდგინა. მანამდე, გენერალური მდივნის პოსტს დიმიტრი ბოკერია ბოლო ერთი თვის განმავლობაში იკავებდა.

საქართველოს ფეხბურთის ფედერაციის პრეზიდენტები[რედაქტირება | წყაროს რედაქტირება]

პრეზიდენტი მმართველობის თარიღი
1 ნოდარ ახალკაცი უფროსი 15 თებერვალი, 199017 სექტემბერი, 1994
ნოდარ ახალკაცი უფროსი (მეორეჯერ) 17 სექტემბერი, 199424 იანვარი, 1998
2 მერაბ ჟორდანია 25 იანვარი, 199824 აგვისტო, 2002
'მერაბ ჟორდანია (მეორეჯერ) 24 აგვისტო, 200211 ივნისი, 2005
3 ნოდარ ახალკაცი უმცროსი 11 ივნისი, 200513 მაისი, 2007
4 გიორგი ნემსაძე 13 მაისი, 200714 მაისი, 2007
'ნოდარ ახალკაცი უმცროსი (მეორეჯერ) 17 მაისი, 200717 სექტემბერი, 2009
რევაზ არველაძე
(მოვალეობის შემსრულებელი)
17 სექტემბერი, 20091 ოქტომბერი, 2009
5 ზვიად სიჭინავა 1 ოქტომბერი, 20097 სექტემბერი, 2015
ალექსანდრე ჩივაძე
(მოვალეობის შემსრულებელი)
7 სექტემბერი, 20153 ოქტომბერი, 2015
6 ლევან კობიაშვილი 3 ოქტომბერი, 2015 – დღემდე

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]