მაიკლ ოუენი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
მაიკლ ოუენი
Michael Owen 072007 cropped.jpg
პირადი მონაცემები
სრული სახელი მაიკლ ჯეიმზ ოუენი
დაბადების
თარიღი
14 დეკემბერი, 1979
დაბადების
ადგილი
ჩესტერი გაერთიანებული სამეფოს დროშა გაერთიანებული სამეფო
სიმაღლე 173
სათამაშო
პოზიცია
თავდამსხმელი
საკლუბო ინფორმაცია
მიმდინარე
კლუბი
სტოკ სიტი
ნომერი 10
ახალგაზრდული კარიერა
1991–1996 ლივერპული
პროფესიონალური კარიერა
წლები გუნდი მატჩი (გოლი)
1996–2004 ლივერპული 216 (118)
2004–2005 რეალი 36 (13)
2005–2009 ნიუკასლი 71 (26)
2009–2012 მანჩესტერ იუნაიტედი 31 (5)
2012–2013 სტოკ სიტი 6 (1)
ეროვნული ნაკრები
1998–2008 ინგლისი 89 (40)
† პროფესიულ კლუბებში ჩატარებული მატჩები და გოლები მოცემულია მხოლოდ ადგილობრივი ჩემპიონატის მონაცემებით და სწორია: 20 მარტი, 2013 (UTC).

‡ ეროვნულ მატჩებში მონაწილეობა და გოლები სწორია:
20 მარტი, 2013 (UTC).

მაიკლ ჯეიმზ ოუენი (ინგლ. Michael James Owen; დ. 14 დეკემბერი, 1979, ჩესტერი) — ინგლისელი ფეხბურთელი, თავდამსხმელი.

საკლუბო კარიერა[რედაქტირება]

ის არის ყოფილი ფეხბურთელის, ტერი ოუენის შვილი. ოუენმა კარიერა დაიწყო „ლივერპულში“, 1996 წელს. ლივერპულის ახალგაზრდულ გუნდში კარგი თამაშის შემდეგ მისი დებიუტი შედგა 1997 წლის მაისში. მან პირველ სეზონში 18 გოლი გაიტანა კლუბის მაისურით პრემიერ ლიგაში. მან იგივე შედეგი გაიმეორა მეორე სეზონშიც და იყო „ლივერპულის“ ბომბარდირი 1997-2004 წლებში, მიუხედავად მძიმე ტრავმისა. 2001 წელს „ლივერპულმა“ მოიგო სამი ტიტული, უეფა-ს თასი, ინგლისის თასი და საფეხბურთო ლიგის თასი. მან „ლივერპულის“ მაისურით ჩატარებულ 216 შეხვედრაში გაიტანა 118 გოლი.

2004 წელს ოუენი გადავიდა „მადრიდის რეალში“ 8 მილიონი ევროს სანაცვლოდ. ის ხშირად თამაშობდა შეცვლაზე, გაიტანა 13 გოლი ლა ლიგაში. შემდეგ სეზონში ის დაბრუნდა ინგლისში, „ნიუკასლ იუნაიტედში“ 16 მილიონი ევროს სანაცვლოდ. 2005-06 წლების სეზონის კარგი სტარტის შემდეგ, ტრავმებით გამოწვეულმა იძულებითმა შვებულებამ გასტანა 18 თვეს. 2006 წელს მიღებული ტრავმა გახდა დავის საგანი ფიფას, ინგლისის საფეხბურთო ასოციაციას და „ნიუკასლ იუნაიტედს“ შორის, რომელიც დასრულდა უპრეცენდენტო, 10 მილიონი ევროს კომპენსაციით ნიუკასლის სასარგებლოდ. დაბრუნების შემდეგ ის გახდა კაპიტანი, 2007-08 წლების სეზონში იყო საუკეთესო ბომბარდირი. კონტრაქტის ვადის ამოწურვის შემდეგ, ის გადავიდა „მანჩესტერში“, თავისუფალი აგენტი სტატუსით.

სანაკრებო კარიერა[რედაქტირება]

ოუენის დებიუტი ნაკრების შემადგენლობაში შედგა 1998 წელს და გახდა იმ დროისთვის ყველაზე ახალგაზრდა ფეხბურთელი, ვინც გოლი გაიტანა ნაკრების შემადგენლობაში. 1998 წლის მსოფლიო ჩემპიონატზე ასპარეზობამ ფეხბურთელს მოუტანა აღიარება სამშობლოში და ზოგადად, საფეხბურთო სამყაროში. მან ასევე მონაწილეობა მიიღო 2002 წლის მსოფლიო ჩემპიონატზე, ევრო 2004-ზე და ევრო 2008-ზე. ოუენი არის ერთადერთი ფეხბურთელი, რომელმაც გაიტანა გოლი ოთხ საერთაშორისო ტურნირზე. 2006 წლის მსოფლიო ჩემპიონატზე მიიღო ტრავმა, რომლის განკურნებასაც დასჭირდა ერთი წელი. რამდენიმე მატჩში იყო ნაკრების კაპიტანი. ნაკრების შემადგენლობაში ჩატარებულ 89 მატჩში გატანილი აქვს 40 გოლი.

რესურსები ინტერნეტში[რედაქტირება]