ლოთარ მათეუსი

ლოთარ მათეუსი
პირადი მონაცემები
სრული ; სახელი	ლოთარ ჰერბერტ მათეუსი
დაბადების ; თარიღი	21 მარტი, 1961 (63 წლის)
დაბადების ; ადგილი	ერლანგენი, დასავლეთ გერმანია
სიმაღლე	174 სმ
სათამაშო ; პოზიცია	მცველი (ლიბერო)/ნახევარმცველი
ახალგაზრდული კარიერა
1971–1979	ჰერცოგენაურახი
პროფესიონალური კარიერა*
ეროვნული ნაკრები
სამწვრთნელო კარიერა
2001–2002	რაპიდი ვენა
2002–2003	პარტიზანი
2004–2006	უნგრეთი
2006	ატლეტიკო პარანაენსე
2006–2007	რედ ბული ზალცბურგი
2008–2009	მაკაბი ნეთანია
2010–2011	ბულგარეთი
	* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება;

ლოთარ ჰერბერტ მათეუსი (გერმ. Lothar Herbert Matthäus; დ. 21 მარტი 1961, ერლანგენი, გერმანია) — გერმანელი სპორტსმენი; მსოფლიოს ყველა დროის ერთ-ერთი საუკეთესო ფეხბურთელი; ხუთი მსოფლიო ჩემპიონატის მონაწილე. 1990 წლის მსოფლიო ჩემპიონი და ჩემპიონატის საუკეთესო ფეხბურთელი. გერმანიის ნაკრების შემადგენლობაში 1980–2000 წლებში მონაწილეობა მიიღო 150 თამაშში, რაც საუკეთესო შედეგია ნაკრების ისტორიაში. მონაწილეობა მიიღო ევროპის ოთხ (1980, 1984, 1988, 2000) ჩემპიონატზე. მათეუსი ყველაზე ასაკოვანი ფეხბურთელია, რომელმაც ევროპის საფეხბურთო ჩემპიონატის ფინალურ ტურნირზე იასპარეზა. მან ევრო 2000-ზე 39 წლისამ ითამაშა. 1999 წელს Placar-ის ვერსიით XX საუკუნის 100 საუკეთესო ფეხბურთელს შორის მეოცე ადგილზე დასახელდა.^[2]

მწვრთნელის კარიერა[რედაქტირება | წყაროს რედაქტირება]

მათეუსმა სამწვრთნელო კარიერა 2001 წელს დაიწყო. სამწვრთნელო კარიერის განმავლობაში ხშირად ეხვეოდა სკანდალებსა და კონფლიქტურ სიტუაციებში. წვრთნიდა ვენის „რაპიდს“, რომელმაც მათეუსის ხელმძღვანელობით 32 მატჩი გამართა, 9-ში გაიმარჯვა, ამდენივე ფრედ დაასრულა, ხოლო 14-ში დამარცხდა. ბელგრადის „პარტიზანში“ მათეუსმა უკეთესი შედეგები აჩვენა: 43 შეხვედრა, 28 გამარჯვება, 6 ფრე და 9 წაგება

ბრაზილიურ „ატლეტიკო პარანაენსესთან“ მათეუსმა 1-წლიანი კონტრაქტი გააფორმა. თუმცა, 7 მატჩის შემდეგ (5 მოგება, 2 ფრე, 0 წაგება), მათეუსმა გუნდი დატოვა და მიზეზად ოჯახთან ახლოს ყოფნის სურვილი დაასახელა. 2008-09 სეზონის განმავლობაში მათეუსი ნეთანიის „მაკაბიში“ მუშაობდა. 2009 წლის აპრილში, კლუბის ხელმძღვანელობამ მათეუსი გაათავისუფლა. მათეუსის ხელმძღვანელობით მაკაბიმ 45 მატჩი გამართა, 19-ში გაიმარჯვა, 14 ფრედ დაასრულა, 12-ში კი დამარცხდა.

მათეუსი ასევე თავკაცობდა ზალცბურგის „რედ ბულსს“, უნგრეთისა და ბულგარეთის ეროვნულ ნაკრებებს. უნგრეთის ნაკრებში მათეუსი 003 წლის 14 დეკემბერს დაინიშნა და პოსტზე 2005 წლის ბოლომდე დარჩა. შედეგები ასეთი იყო: 28 მატჩში 11 მოგება, 3 ფრე და 14 წაგება. ბულგარეთის ნაკრებში მათეუსი 2010 წლის სექტემბერიდან 1-წლიანი კონტრაქტით მუშაობდა. 2011 წლის სექტემბერში ბულგარეთის ფეხბურთის ფედერაციამ ის პოსტიდან დაითხოვა. 11 მატჩი, 3 მოგება, 3 ფრე და 3 წაგება - ასეთი იყო მათეუსის მონაგარი ბულგარეთის ეროვნულ გუნდში.

2014 წლის ნოემბერში საქართველოს მწვრთნელი,თემურ ქეცბაია გადადგა და დანდი იუნაიტედში წავიდა. ახალ მწვრთნელად განიხილებოდა სხვადასხვა კანდიდატი, მათ შორის ლოთარ მათეუსიც, რადგან საქართველოს ფეხბურთის ფედერაციამ მათეუსის აგენტისგან შეთავაზება მიიღო.^[3]

საფეხბურთო კარიერა[რედაქტირება | წყაროს რედაქტირება]

პერიოდი	კლუბი	თამაში/გოლი	ტიტული
1979-84	ბორუსია მიონხენგლადბახი	162 / 36
1984-88	ბაიერნი (მიუნხენი)	113 / 57	გერმანიის ჩემპიონი:1985, 1986, 1987 გერმანიის თასი:1986
1988-92	ინტერი	115 / 40	უეფას თასი:1991 იტალიის ჩემპიონი:1989 იტალიის სუპერ თასი:1989
1992-2000	ბაიერნი (მიუნხენი)	189 / 28	უეფას თასი:1996 გერმანიის ჩემპიონი:1994, 1997, 1999, 2000 გერმანიის თასი:1998, 2000
2000	მეტროსტარსი	16 / 0
1980-2000	გერმანია	150 / 23	მსოფლიოს ჩემპიონი:1990 მსოფლიოს ვიცე-ჩემპიონი: 1982, 1986 ევროპის ჩემპიონი: 1980
პირადი მიღწევები
1990	მსოფლიო ჩემპიონატის საუკეთესო ფეხბურთელი
1990	ევროპის საუკეთესო ფეხბურთელი
1990	ჟურნალ მსოფლიო ფეხბურთის ვერსიით წლის საუკეთესო ფეხბურთელი
1991	ფიფას წლის ფეხბურთელი
1990, 1999	გერმანიის საუკეთესო ფეხბურთელი

ბიბლიოგრაფია[რედაქტირება | წყაროს რედაქტირება]

Lothar Matthäus, Martin Häusler (2012). Ganz oder gar nicht დაარქივებული 2019-10-01 საიტზე Wayback Machine. – Autobiographie, Bastei Lübbe, Köln. ISBN 978-3-7857-2467-5
გოდუაძე, ლაშა (2010). მსოფლიო თასის ისტორია (1930–2010). თბ.: გაზეთი „მსოფლიო სპორტი“.
Glanville, Brian (2018). The Story of the World Cup. London: Faber. ISBN 9780571325566

რესურსები ინტერნეტში[რედაქტირება | წყაროს რედაქტირება]

ლოთარ მათეუსი: თბილისში ამას არ ველოდი... დაარქივებული 2014-07-04 საიტზე Wayback Machine. . sportall.ge, 09-06-2014

სქოლიო[რედაქტირება | წყაროს რედაქტირება]

↑ Lothar Matthäus. transfermarkt.co.uk. ციტირების თარიღი: 16 March 2012.
↑ Placar's 100 Craques do Século · In November 1999, Placar (Brazil) published a list of the best 100 players of all time, ranked from 1 to 100 · 23 დეკემბერი, 2015. Karel Stokkermans for the Rec.Sport.Soccer Statistics Foundation. წაკითხვის თარიღი: 1 სექტემბერი, 2019.
↑ http://www.tabula.ge/ge/story/90153-sichinava-qecbaias-shemcvlelad-mateusis-kandidaturac-ganixileba

[1] Lothar Matthäus. transfermarkt.co.uk. ციტირების თარიღი: 16 March 2012.

[2] Placar's 100 Craques do Século · In November 1999, Placar (Brazil) published a list of the best 100 players of all time, ranked from 1 to 100 · 23 დეკემბერი, 2015. Karel Stokkermans for the Rec.Sport.Soccer Statistics Foundation. წაკითხვის თარიღი: 1 სექტემბერი, 2019.

[3] ttp://www.tabula.ge/ge/story/90153-sichinava-qecbaias-shemcvlelad-mateusis-kandidaturac-ganixileba

[1]

[2]

[3]