ჯანლუიჯი ბუფონი
სტატიის
 |
||
 |
||
| პირადი მონაცემები | ||
| სრული სახელი | ჯანლუიჯი ბუფონი | |
| დაბ. თარიღი | 28 იანვარი, 1978 | |
| დაბ. ადგილი | კარარე, იტალია | |
| სიმაღლე | 191 სმ. | |
| მეტსახელი | ჯიჯი | |
| პოზიცია | მეკარე | |
| ეროვ. ნაკრები | იტალია 80(0) | |
| ინფორმაცია კლუბის შესახებ | ||
| კლუბი | იუვენტუსი (ტურინი) | |
| კარიერა | ||
| კლუბები | 1995-2001 პარმა 168(0) 2001- იუვენტუსი 199(0) |
|
ჯანლუიჯი ბუფონი (იტ.Gianluigi Buffon) იტალიელი ფეხბურთელი, იტალიის ნაკრებისა და ტურინის იუვენტუსის მეკარე, მსოფლიო ჩემპიონი
სექციების სია |
[რედაქტირება] ბავშვობის წლები
ჯანლუიჯი ბუფონი სპორტულ ოჯახში დაიბადა. დედა მარია სტელა მძლეოსანი იყო, მამა ადრიანო ძალოსანი გახლდათ, მისი ორი და ვერონიკა და გუენდალინა პროფესიონალი ფრენბურთელელბი არიან, ხოლო ბიძა ანჯელო მასოკო დიდი წარმატებით გამოდიოდა ადგილობრივ საკალათბურთო კლუბში. მისი პაპის ძმა იყო ლორენცო ბუფონიც, რომელიც ცნობილი მეკარე გახლდათ და გასული საუკუნის 50იან წლებში მილანის ღირსებას იცავდა. პატარა ჯიჯისაც ძალიან უყვარდა ფეხბურთის თამაში საფეხბურთო სკოლაში ნახევარდაცვაში თამაშობდა. თუმცა, მისივე თქმით, მალე მობეზრდა გაუთავებელი სირბილი და კარში წყნარად დგომა არჩია. უცნაურია, მაგრამ ფაქტია, სიზარმაცემ ბუფინი კი არ დაღუპა, მსოფლიოში ცნობილ ადამიანად აქცია.
[რედაქტირება] საკლუბო კარიერა
[რედაქტირება] პარმა
მომავალი მეკარის დებიუტი სერია ა ში 1995 წლის ნოემბერში შედგა,მაშინ ბუფონი 17 წლის იყო და პარმას კარს სწორედ იმ მილანთან მატჩში იცავდა, რომელმაც მანამდე, ერთი წლით ადრე,იტალიის ჩემპიონატსა და ჩემპიონთა ლიგაში გაიმარჯვა. ჯანლუიჯი ისეთი დაბნეული იყო, რომ მატჩის წინ თანაგუნდელებთან ერთად ფოტოს გადაღებაც დაავიწყდა. მიუხედავად იმისა, ახალბედა მეკარემ შეხვედრა გოლის გაუშვებლად დაამთავრა. ის მატჩი ფრედ 0 0 დასრულდა .
ამის შემდეგ ჯიჯიმ პარმას ძირითადი მეკარის ადგილი დაისაკუთრა და იმ დრიოსთვის ერთერთი საუკეთესო გოლკიპერი, ლუკა ბუჩი იმედგაცრუებილი დატოვა. პარმაში ჯანლუიჯი ბუფონმა 6 წარმატებული სეზონი ჩაატარა.1998-1999 წლების სეზონში უეფას თასის გათამაშების ფინალში, რომელსაც მოსკოვი მასპინძლობდა, პარმამ მარსელს სძლია და საპატიო ევროპულ საკლუბო ჯილდოს დაეუფლა. გარდა ამისა, პარმასთან ერთად იტალიის თასს და იტალიის სუპერთასს დაეუფლა. საერთო ჯამში პარმას მაისური 168 შეხვდრაში მოირგო.
2000 წელს ჯანლუიჯი ბუფონს 88 ნომრიანი მაისურით ასპაზობის სურვილი გაუჩნდა,რის გამოც დიდი სკანდალი აგორდა. საქმე ის გახლდათ,რომ ეს რიცხვი იტალიაში ნეონაცისტების კუთვნილებად ითვლება, ამიტომ პარმას გოლკიპერი იძულებული იყო, განზრახვაზე ხელი აეღო.
მალე ბუფონმა პარმას დატოვება გადაწყვიტა და არჩევანი მსოფლიო ფეხბურთის გრანდ ტურინის იუვენტუსზე გააკეთა.
[რედაქტირება] იუვენტუსი
ჯანლუიჯი ბუფონმა პარმა 2001 წელს დატოვა. ტურინულ კლუბს მეკარის შეძენა საკამოდ ძვირი - 33 მილიონი გირვანქა სტერლინგი დაუჯდა. ეს რეკორდული თანხა იყო რაც მეკარეში ოდესმე გადაუხდიათ. ამიტომაც ჯიჯიც ფსიქოლოგიური წნხის ქვეშ მოექცა, ყველა გადახდილი ნდობის გამართლებას მოითხოვდა, რათა იუვეს მესვეურებს ამხელა თანხა წყალში გადაყრილად არ ჩაეთვალათ.
იუვენტუსში ჯანლუიჯი ბუფონმა მალე დაიმკვიდრა ადგილი და გუნდთან ერთად ზედიზედ ორჯერ მოიგო სკუდეტო. საგულისხმოა ისიც რომ 2002-2003 წლების სეზონში იტალიის ჩემპიონატში, ”ბებერი ქალბატონის” კარში მეტოქე გუნდებმა მხოლოდ 26 გოლის გატანა შეძლეს, რაც ცხადია, იუვეს მცველებთან ერთად, მეკარის დამსახურებაც გახლდათ.
ამავე სეზონში იუვენტუსმა ჩემპიონთა ლიგის ფინალში გაღწევა მოახერხა. გადამწყვეტ მატჩში ტურინელები თანამემამულე მილანელებს დაუპირისპირდნენ. თამაში ფრედ 0:0 დასრულდა. მიუხედავად იმისა, რომ ბუფონმა თერთმეტმეტრიანების სერიაში ორი პენალტის მოგერიება მოახერხა, საბოლოო გამრჯვება მაინც როსონერის დარჩა და ჯიჯის მხოლოდ ვერცხლის მედალი ერგო. მიუხედავად იმისა, რომ ლიგის თასის მოგება ვერ მოახერხა, ის სეზონი ტიტულის გარეშე მაინც არ დაუმთავრებია. იუვენტუსმა 2002-2003 წლების სეზონში სკუდეტო მოიგო.
მალე ბებერმა ქალბატონმა ოლდ ტრაფორდზე განცდილი მარცხისთვის მინირევანში აუღო მილანს. ნიუ ჯერსიში გამართულ იტალიის სუპერთასის გათამაშებაში იუვემ მილანი პენალტების სერიაში დაამარცხა. ამ მატჩშიც ტურინელთა გოლკიპერმა ბრწყინვალედ ითამაშა. საერთო ჯამში მთელი სეზონი ბუფონმა უმაღლეს დონეზე ჩაატარა. ამიტომაც იმ წლის ჩემპიონთა ლიგის გალა დაჯილდოებაზე არამატრო საუკეთესო მეკარედ, არამედ ყველაზე სასარგებლო მოთამაშედაც დასახელდა.
უეფას მოწყობილ დაჯილდოების ცერემონიალზე გოლკიპერმა განაცხადა ჩემი ჯილდო მთელი იუვენტუსის დამსახურებაა და ტურინული კლუბი მომავალში კიდევ უფრო გაძლიერებული წარდგება საფეხბურთო სამყაროს წინაშეო.
თუმცა მეკარის იმედები არ გამართლდა, მომდევნო სეზონი კლუბმა ტიტულის გარეშე დაამთავრა, შემდეგ კი დიდ სკანდალში გაეხვია და მთელი საფეხბურთო სამყარო აალაპარაკა. იუვენტუსს გარიგებულ მატჩებში დასდეს ბრალი და სერია ბ-ში დააქვეითეს. კლუბი ისეთმა წამყვანმა ფეხბურთელება დატოვეს, როგორიცაა ზლატან იბრაგიმოვიჩი, ფაბიო კანავარო და სხვები.
ბუფონმაც არაერთი შეთავაზება მიიღო, თუმცა კლუბში დარჩენა და სერია ა-ში გადასვლაში დახმარება გადაწყვიტა.
[რედაქტირება] სანაკრებო კარიერა
იტალიის ახალგაზრდული ნაკრების ხელმძღვანელობას შეუმჩნეველი არ დარჩენია ნიჭიერი მეკარე და 1996 წელს კონტინენტის პირველობაზე წაიყვანეს. მაშინ თანატოლ ახალგაზრდებთან, რომელთა შორის ნესტა, ტოტი, დელ პიერო და დღეს ცნობილი ბევრი ფეხბურთელი იყვნენ, დიდ წარმატებას მიაღწია და ევროპის ჩემპიონი გახდა.
მომდევნო წელს 1997 წლის ოქტომბერში კი, მოსკოვში გამართულ შეხვედრაში, ბუფონმა პირველად ითამაშა იტალიის ეროვნული საფეხბურთო ნაკრების შემადგენლობაში, მაშინ იგი 19 წლის იყო. რუსებთან შეხვდრისას ტრავმა მიიღო აძურას ძირითადმა გოლკიპერმა ჯანლუკა პალიუკამ, მის ნაცვლად კი სწორედ ჯიჯი შევიდა.
ბუფონი ნელნელა ნაკრების ძირითად მეკარედ ყალიბდებოდა უკვე 1998 წლის მსოფლიო ჩემპიონაზე საფრანგეთშიც წაიყვანეს, თუმცა მოედანზე არ გამოჩენილა. სამაგიეროდ შეუდარებელი იყო ევრო 2000-ის შესარჩევ ციკლში. ყველაფერი იქით მიდიოდა, რომ ევროპის ჩემპიონატზე ძირითად მეკარედ სწორედ ბუფონი უნდა წასულიყო, თუმცა ზუსტად ჩემპიონატის მოსამზადებელ შეხვედრაში ხელი მოიტეხა და მის ნაცვლად ახლაგაზრდა ტოლდო გაემგზავრა, რომელმაც შანსი გამოიყენა და ფანტასტიური შეხვდრები ჩაატარა.
[რედაქტირება] გერმანია 2006
სამაგიეროდ ბრწყინვალე თამაშები ჩაატარა მსოფლიოს 2006 წლის ჩრემპიონატზე. მაშინ ბუფონმა შეუცვლელად ითამაშა ყველა მატჩი. გერმანიაში მუნდიალის ფინალში იტალია და საფრანგეთი დაუპირისპირდნენ. თამაში ახალი დაწყებული იყო, როდესაც მარკო მატერაციმ საჯარიმოში მალუდა წააქცია, მსაჯმა თერთმეტმეტრიანის ნიშნულისკენ მიუთითა. პენალტის შესრულება ფრანგთა კაპიტანმა ზინედინ ზიდანმა იკისრა. მის მიერ დარტყმული ბურთი კარის ხარიხას მოხვდა და ამის შემდეგ შევიდა ბუფონის კარში. მე 19 წუთზე მატერაციმ გაათანაბრა ანგარიში. მატჩის განმავლობაში ჯიჯიმ რამდენჯერმე გადაარჩინა აძურა გაშვებულ გოლს.
მატჩის ძირითადი დრო ფრედ დასრულდა, დამატებით დროში ბუფონმა კვლავ შესანიშნავად ითამაშა და ზიდანის რამდენიმე ბრწყინვალე დარტყმა მოიგერია. როგორც შემდეგ იხსენებდა ფრანგი იმ ფინალში მდგომარეობიდან სწორედ ჯიჯის ფანტასტიურმა თამაშმა გამოიყვანა, საბოლოო წერტილი კი მარკო მატერაციმ დაუსვა. 110 წუთზე სწორედ ამ მცველს დაარტყა თავი და მიწაზე დასცა, რის შემდეგაც მოედნიდან გააძევეს. ეს ზიდანის უკანასკნელი მატჩი იყო.
პენალტების სერიაში ბუფონს არც ერთი დარტყმა არ აუღია, ფრანგთაგან ბურთი ტრეზეგემ ააცილა, რაც საკმარისი აღმოჩნდა იმისათვის, რომ იტალია მეოთხედ გამხდარიყო მსოფლიო ჩემპიონი. ჯანლუიჯი ბუფონი კი ჩემპიონატის საუკეთსო მეკარედ დასახელდა.
[რედაქტირება] ტიტულები
[რედაქტირება] პარმა
იტალიის თასი 1999 იტალიის სუპერთასი 1999 უეფას თასი: 1999
[რედაქტირება] იუვენტუსი
სერია ა: 2002, 2003
იტალიის სუპერთასი: 2002
სერია ბ: 2007
[რედაქტირება] იტალიის ნაკრები
ევროპის ჩემპიონი 21 წლამდე ახალგაზრდებს შორის: 1996
მსოფლიო ჩემპიონი 2006
[რედაქტირება] ინდივიდუალური
სერია ა-ს საუკეთესო მეკარე 2002 2003
ჩემპიონთა ლიგის საუკეთესო მეკარე 2003
ჩემპიონთა ლიგის საუკეთესო მოთამაშე 2003
ფეხბურთის ისტორიის და სტატისტიკის საერთაშორისო ფედერაციის ვერსიით მსოფლიოს წლის საუკეთესო მეკარე 2003, 2004, 2006, 2007
[რედაქტირება] პირადი ცხოვრება
ბუფონი აკურატულობით უდგება თავის საქმეს, თუმცა ამავდრიულად საშინლად არაპუნქტუალურია, რეგულარულად არღვევს დისციპლინას. როგორ არ სცადეს მისი გამოსწორება - სიტყვიერი გაფრთხილებით თუ ფულდი ჯარიმით, მაგრამ არაფერმა უშველა.
ბუფონი არც რეჟიმის მოყვარულთა შორისაა. პრესაში ხშირად დაბეჭდილა ფოტოები, სადაც ჯიჯი ხან სიგარეტით და ხანაც სასმელით ხელშია აღბეჭდილი. იგი არაერთხელ უნახავთ ტურინულ დისკოთეკებზე და კინოს ღამეულ სეანსებზე.
ახალგაზრდობაში მომავალი ვარსკვლავი თანატოლებს შორის პოპულარობით არ სარგებლობდა და მას უშნოსაც კი ეძახდნენ, მაგრამ ცნობილი მეკარე გახდა თუ არა, მის გვერდით ლამაზმანებიც გაჩნდნენ. სერიოზული ურთიერთობა არავისთან ჰქონია, სანამ არ გამოჩნდა ჩეხი ფოტომოდელი ალიონა სერედოვა, რომელმაც ”მის ჩეხეთის” ტიტულის მოპოვების შედეგ იტალიურ შოუ ბიზნესში განაგრძო მოღვაწეობა. სხვათა შორის ალიონას ბუფონის გაცნობამდე მის თანაგუნდელთან, კრისტიან ვიერისთან ჰქონდა ურთიერთობა. რამდენიმე წლის წინ ვიერი სერედოვასთან ერთად მალდივიზე ისვენებდა. დროს იმდენად კარგად ატარებდა, რომ ჯერ მილანის ფორვარდს, ფილიპო ინძაგის დაურეკა, ჩამოდიო შემდეგ - ბუფონის. ვიერის წასვლა მოუხდა და ალიონაც პიპოსთან დარჩა. მათ მოგვიანებით ჯიჯი შეუერთდათ. გოლკიპერს იმდენად მოეწონა მოდელი, რომ ინძაგიმ მარტო დატოვათ და თვითონ მილანში დაბრუნდა. მას შემდეგ ერთად ცხოვრობდნენ. მსოფლიო ჩემპიონატზე ალიონა საცოლის რანგში გაჰყვა. ოქროს მედლების მოპოვების შემდეგ კი ცოლადაც მოიყვანა. ახლა ერთი შვილი ჰყავთ.
აღსანიშნავია ისიც, რომ ჯიჯი ბუფონს საშუალო სკოლის დიპლომიც კი არ აქვს. საფეხბურთო კარიერა საკმაოდ ადრე დაიწყო და სკოლის დამთავრება ვეღარ მოახერხა.
 |
ეს სტატია სპორტისა და სპორტსმენების შესახებ ჯერჯერობით ესკიზია. თქვენ შეგიძლიათ დაგვეხმაროთ, და შეავსოთ იგი. |
|
|||||
