გიორგი ლორია

გიორგი ლორია

პირადი მონაცემები
სრული სახელი	გიორგი ლორია
დაბადების თარიღი	27 იანვარი, 1986 (1986-01-27)
დაბადების ადგილი	თბილისი საქართველოს სსრ სსრ კავშირი
სიმაღლე	197 სმ
სათამაშო პოზიცია	მეკარე
საკლუბო ინფორმაცია
მიმდინარე კლუბი	დინამო თბილისი
ნომერი	17
ახალგაზრდული კარიერა
1994–2002	ავაზა თბილისი
2002–2005	დინამო თბილისი
პროფესიონალური კარიერა*
წლები	გუნდი	მატჩი	(გოლი)
2005–2014	დინამო თბილისი	171	(0)
2014–2015	ოფი	25	(0)
2015	ოლიმპიაკოსი	0	(0)
2015–2018	კრილია სოვეტოვი	39	(0)
2017–2018	→  ანჟი მაჰაჩყალა	13	(0)
2019	მაგდებურგი	11	(0)
2019–2023	ანორთოსისი	111	(0)
2023–2024	დინამო თბილისი	26	(0)
2024–	ომონია არადიპუ	9	(0)
ეროვნული ნაკრები‡
2007	საქართველო 21-წლ.	2	(0)
2008–	საქართველო	78	(0)
ჯილდოები
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 3 ნოემბერი, 2024 ‡ ეროვნული ნაკრების მატჩი და გოლი ბოლოს განახლდა: 12 ოქტომბერი, 2023

გიორგი ლორია (დ. 27 იანვარი, 1986, თბილისი, საქართველოს სსრ) — ქართველი ფეხბურთელი, კვიპროსული საფეხბურთო კლუბის არადიპუს „ომონიასა“ და საქართველოს ეროვნული ნაკრების მეკარე. 2024 წლის ევროპის ჩემპიონატის მონაწილე საქართველოს ეროვნული ნაკრების შემადგენლობაში.

კარიერა

საკლუბო კარიერა

გიორგი ლორია 2016 წელს.

გიორგი ლორიამ თავისი საკლუბო კარიერის განმავლობაში ხუთ სხვადასხვა ლიგაში იასპარეზა.

17 წლის ასაკში თბილისის „დინამოს“ აკადემიაში გადავიდა, საიდანაც მთავარ გუნდში პირველად 2005 წელს ითამაშა.

„დინამოში“ გატარებული ზედიზედ ცხრა სეზონის შემდეგ, კლუბი 2014 წლის ივლისში დატოვა და თამაში ბერძნულ „ოფი კრეტაში“ განაგრძო.

შემდეგ იყო პირეოსის „ოლიმპიაკოსი“, მაგრამ გუნდიდან მალევე წავიდა.

გამოდიოდა რუსეთის პრემიერლიგის სამარის „კრილია სოვეტოვში“, მაჰაჩყალის „ანჟიში“, მეორე ბუნდესლიგის „მაგდებურგში“.

2019 წლის 4 ივლისს ხელი კვიპროსის „ანორთოსისთან“ კონტრაქტს მოაწერა, სადაც ოთხი სეზონი იყო გუნდის პირველი მეკარე.

ცხრაწლიანი პაუზის შემდეგ, 2023 წლის ივნისში ლორია თბილისის „დინამოს“ დაუბრუნდა და სეზონის ბოლოს, ყოველწლიურ დაჯილდოების ცერემონიაზე წლის საუკეთესო მეკარედ დასახელდა. 2024 წლის 15 მაისს ლორიამ „დინამოში“ მე-100 „მშრალი“ თამაში ჩაატარა.

ევროპის 2024 წლის ჩემპიონატის შემდეგ გიორგი ლორია თბილისის „დინამოს“ დაემშვიდობა და კარიერას არადიპუს „ომონიაში“ განაგრძობს — ტრანსფერი კვიპროსულმა კლუბმა ოფიციალურად დაადასტურა.

სანაკრებო კარიერა

2008 წლიდან საქართველოს ეროვნული ნაკრების ღირსებას იცავს. პირველად ნაკრების მაისურით 2008 წლის 27 მაისს, ესტონეთის ეროვნული ნაკრების წინააღმდეგ საერთაშორისო ამხანაგურ შეხვედრაში გამოდის მინდორზე. შეხვედრას ტალინის A. Le Coq Arena მასპინძლობს და მას 2500 ფეხბურთის ადგილობრივი გულშემატკივარი ესწრება. საქართველოს ეროვნული ნაკრები მოედანზე ასეთი შემადგენლობით გამოდის: ლორია, ხიზანიშვილი, ლობჟანიძე, ნავალოვსკი, კვირკველია, ასათიანი, კობიაშვილი, ცქიტიშვილი, ალექსიძე, იაშვილი და ოდიკაძე. დაპირისპირება ფრედ, ანგარიშით 1–1 მთავრდება.

სანაკრებო სტატისტიკა

განახლდა: 12 ოქტომბერი, 2023

ეროვნული ნაკრები	წელი	მატჩი	გოლი
საქართველო	2008	5	0
	2010	2	0
	2011	5	0
	2012	5	0
	2013	5	0
	2014	7	0
	2015	5	0
	2016	4	0
	2017	3	0
	2018	7	0
	2019	8	0
	2020	6	0
	2021	9	0
	2022	5	1
	2023	2	0
ჯამში		78	0

მიღწევები

საკლუბო

ანორთოსისი

კვიპროსის თასი

• თასის მფლობელი: 2020–21

კვიპროსის სუპერთასი

• ფინალისტი: 2021

დინამო თბილისი

უმაღლესი ლიგა

• ჩემპიონი (3): 2007–08, 2012–13, 2013–14
• ვიცე-ჩემპიონი (4): 2006–07, 2008–09, 2009–10, 2010–11

საქართველოს თასი

• თასის მფლობელი (3): 2008–09, 2012–13, 2013–14
• ფინალისტი (1): 2009–10

საქართველოს სუპერთასი

• თასის მფლობელი (2): 2005–06, 2008–09
• ფინალისტი (2): 2009–10, 2013–14

ჯილდოები

• ღირსების ორდენი: 2024

რესურსები ინტერნეტში

• გიორგი ლორია — საქართველოს ეროვნული ლიგის საიტზე
• გიორგი ლორია — თბილისის „დინამოს“ ოფიციალურ საიტზე
• გიორგი ლორია — საქართველოს ფეხბურთის ფედერაციის ოფიციალურ საიტზე