სოლომონ კვირკველია

სოლომონ კვირკველია
პირადი მონაცემები
სრული ; სახელი	სოლომონ კვირკველია
დაბადების ; თარიღი	6 თებერვალი, 1992 (33 წლის)
დაბადების ; ადგილი	სამტრედია, საქართველო
სიმაღლე	196 სმ
სათამაშო ; პოზიცია	მცველი
საკლუბო ინფორმაცია
მიმდინარე ; კლუბი	ტორპედო ქუთაისი
ახალგაზრდული კარიერა
2009–2010	ზენიტი სანქტ-პეტერბურგი
2010–2011	რუბინი-2 ყაზანი
პროფესიონალური კარიერა*
ეროვნული ნაკრები‡
ჯილდოები
	* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 3 მაისი, 2025; ‡ ეროვნული ნაკრების მატჩი და გოლი ბოლოს განახლდა: 16 ნოემბერი, 2024

სხვა მნიშვნელობებისთვის იხილეთ კვირკველია.

სოლომონ (საბა) კვირკველია (დ. 6 თებერვალი, 1992, სამტრედია) — ქართველი ფეხბურთელი, ქუთაისის „ტორპედოსა“ და საქართველოს ეროვნული ნაკრების ცენტრალური მცველი. 2014 წელს დასახელდა საქართველოს წლის ფეხბურთელად. 2024 წლის ევროპის ჩემპიონატის მონაწილე საქართველოს ეროვნული ნაკრების შემადგენლობაში.^[1]

საკლუბო კარიერა

კვირკველიამ პირველი საფეხბურთო ნაბიჯები მშობლიურ სამტრედიაში გადადგა. ამის შემდეგ იყო თბილისის „დინამო“, რასაც მოჰყვა თენგიზ სულაქველიძის საფეხბურთო აკადემიაში გატარებული წლები, რის შემდეგაც სანქტ-პეტერბურგის „ზენიტის“ საფეხბურთო აკადემიაში ჩაირიცხა.

სხვადასხვა დროს თამაშობდა ყაზანის „რუბინში“, „ნეფტეხიმიკში“, მოსკოვის „ლოკომოტივში“, ვოლგოგრადის „როტორში“, ხარკოვის „მეტალისტში“, „გაგრაში“, ბაქოს „ნეფთჩისა“ და საუდის არაბეთის „ალ-უხდუდში“.

რუსეთის პრემიერ ლიგაში კვირკველიას დებიუტი შედგა საფეხბურთო კლუბ „ტერეკთან“ 2011 წლის 22 ივლისს.^[2]

2011–12 წლების სეზონში „რუბინში“ თამაშის დროს რუსეთის თასი მოიპოვა. 2017–18 წლების სეზონში, მოსკოვის „ლოკომოტივთან“ ერთად, ჩემპიონი გახდა, 2016–17 და 2018–19 წლების სეზონში კი ამავე კლუბის შემადგენლობაში ორჯერ რუსეთის თასს დაეუფლა.

საქართველოში 2022 წლის აპრილში დაბრუნდა და „გაგრას“ ფეხბურთელი გახდა, მეორე დაბრუნება კი გასული წლის სექტემბერში შედგა, როცა თბილისის „დინამოს“ მაისური მოირგო.

2025 წლის 6 თებერვლიდან საკლუბო კარიერას ქუთაისის „ტორპედოში“ განაგრძობს. ქუთაისური კლუბის ოფიციალური გვერდის განხცხადებით, 33 წლის ფეხბურთელთან ორწლიანი კონტრაქტი გაფორმდა.

სანაკრებო კარიერა

იყო საქართველოს 19 და 21 წლამდე საფეხბურთო ნაკრების ფეხბურთელი. 2013 წლიდან კი საქართველოს ეროვნული ნაკრების წევრი. ეროვნულ ნაკრებში დებიუტი კვირკველიას 2014 წლის 5 მარტს ჰქონდა ლიხტენშტაინთან ამხანაგურ მატჩში. ქვეყნის მთავარი გუნდის მაისურით 61 მატჩი ჩაატარა.