გიორგი ჩაკვეტაძე

მასალა ვიკიპედიიდან — თავისუფალი ენციკლოპედია
Jump to navigation Jump to search
გიორგი ჩაკვეტაძე
პირადი მონაცემები
დაბადების
თარიღი
29 აგვისტო, 1999 (1999-08-29) (19 წლის)
დაბადების
ადგილი
თბილისი, საქართველო
სიმაღლე 183 სმ
სათამაშო
პოზიცია
შემტევი ნახევარმცველი
ნომერი 7
ახალგაზრდული კარიერა
2007–2010 ნორჩი დინამო
2010–2016 დინამო თბილისი
პროფესიონალური კარიერა*
წლები გუნდი მატჩი (გოლი)
2016-2017 დინამო თბილისი 29 (5)
2017- გენტი 25 (5)
ეროვნული ნაკრები
2015–2016 საქართველო U17 20 (5)
2016 საქართველო U18 5 (0)
2016–2017 საქართველო U19 14 (1)
2017- საქართველო U21 3 (0)
2018- საქართველო 7 (5)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 17 ოქტომბერი 2018
‡ ეროვნული ნაკრების მატჩი და გოლი ბოლოს განახლდა: 17 ოქტომბერი 2018

გიორგი ჩაკვეტაძე (დ. 29 აგვისტო, 1999) — ახალგაზრდა ქართველი ფეხბურთელი. საქართველოს ეროვნული და ასაკობრივი ნაკრებების და ბელგიური გენტის ფეხბურთელი.

ბიოგრაფია[რედაქტირება | წყაროს რედაქტირება]

გიორგი ჩაკვეტაძე 1999 წლის 29 აგვისტოს დაიბადა. მან ვარჯიში ნორჩ დინამოში დაიწყო, სადაც მისი პირველი მწვრთნელი იყო თამაზ კოსტავა. ნორჩ დინამოელს მოჰყვა თბილისის დინამოს აკადემია და შემდეგ ძირითადი გუნდი. ჩაკვეტაძე, ქართული ფეხბურთის ფლაგმანში 2015 წელს ჩაირიცხა და 3 წლიან კონტრაქტს მოაწერა ხელი, დებიუტი კი 2016 წელს თანაქალაქურ ლოკომოტივთან ჰქონდა, როდესაც ოთარ კიტეიშვილი შეცვალა.

2017 წელს თბილისში გამართულ ევროპის 19 წლამდე ჩემპიონატზე დატოვებული კარგი შთაბეჭდილების შემდეგ, ჩაკვეტაძის შეძენით წამყვანი ევროპული გუნდები დაინტერესდნენ, პრესაში ვრცელდებოდა ინფორმაცია სხვადასხვა გუნდების შესახებ, რომელთა შორისაც იყვნენ ლევერკუზენი, ჰოფენჰაიმი, ლივერპული, ტოტენჰემი და ბაიერნი, განსაკუთრებით დიდი იყო ინტერესი ამ უკანასკნელისგან, რომლის პრეზიდენტი ული ჰიონესი პირადად იყო ტრანსფერის განხორციელებით დაინტერესებული.[1] საბოლოოდ, გიორგის აგენტების გოგა გახოკიძისა და ლაშა ჯაკობიას ჩართულობით, გიორგიმ ბელგიურ გუნდ გენტზე შეაჩერა არჩევანი, რომელთანაც კონტრაქტს 2017 წლის აგვისტოში მოაწერა ხელი. კლუბში ჩაკვეტაძეს საყვარელი 7 ნომრიანი მაისურა გადასცეს, რა ნომრითაც გიორგის კუმირი კრიშტიანუ რონალდუ ასპარეზობს.

გიორგი ჩაკვეტაძეს ეროვნულ ნაკრებში დებიუტი 2018 წლის 24 მარტს, ლიტვასთან ამხანაგურ მატჩში ჰქონდა, სადაც თავი გატანილი გოლით გამოიჩინა და ნაკრების შეტევების ერთ-ერთი სულისჩამდგმელი იყო, რის შემდეგაც გიორგი ნაკრების ძირითადი შემადგენლობის შეუცვლელ წევრად და მაყურებლების ერთ-ერთ უსაყვარლეს ფეხბურთელად იქცა. უეფას ერთა ლიგაზე, ყაზახეთთან მატჩში გიორგი გახდა ტურნირის ისტორიაში პირველი გოლის ავტორი.

სანაკრებო გოლები[რედაქტირება | წყაროს რედაქტირება]

# Date Venue Opponent Score Result Competition
1. 24 მარტი 2018 მიხეილ მესხის სტადიონი, თბილისი ლიტვის დროშა ლიტვა 4–0 4–0 ამხანაგური
2. 6 სექტემბერი 2018 ასტანა არენა, ასტანა ყაზახეთის დროშა ყაზახეთი 1–0 2–0 უეფა-ს ერთა ლიგა D
3. 16 ოქტომბერი 2018 დაუგავას სტადიონი, რიგა ლატვიის დროშა ლატვია 3–0 3–0 უეფა-ს ერთა ლიგა D
4. 15 ნოემბერი 2018 ესტადი ნაციონალი, ანდორა ლა ველა ანდორის დროშა ანდორა 1-0 1-1 ერთა ლიგა
5. 19 ნოემბერი 2018 ბორის პაიჭაძის ეროვნული სტადიონი, თბილისი ყაზახეთის დროშა ყაზახეთი 2-0 2–1 ერთა ლიგა

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]