ლა-გუაირა

ქალაქი
ლა-გუაირა La Guaira
ქალაქის სანაპირო
დროშა გერბი
ქვეყანა	ვენესუელა
შტატი	ვარგასივარგასის შტატი|ვარგასი
კოორდინატები	10°36′00″ ჩ. გ. 66°55′59″ დ. გ.
დაარსდა	1589
ფართობი	1497 კმ²
ცენტრის სიმაღლე	4 მ
ოფიციალური ენა	ესპანური ენა
მოსახლეობა	270.792 კაცი (2009)
სასაათო სარტყელი	UTC-4
სატელეფონო კოდი	212
საფოსტო ინდექსი	1160
ოფიციალური საიტი	vargas-vargas.gov.ve
ლა-გუაირა ვიკისაწყობში

ლა-გუაირა (ესპ. La Guaira) — საპორტო ქალაქი ჩრდილოეთ ვენესუელაში, ვარგასის შტატის დედაქალაქი. მდებარეობს კარიბის ზღვის სანაპიროზე, ზღვის დონიდან დაახლოებით 4 მ სიმაღლეზე. ქვეყნის დედაქალაქ კარაკასიდან დაშორებულია 30 კილომეტრით. ამ უკანასკნელს უკავშირდება სარკინიგზო ხაზითა და საავტომობილო გზებით.

2009 წლის აღწერის მონაცემებით ქალაქის მოსახლეობა შეადგენს 270.792 კაცს. ქალაქი და პორტი ძლიერ დაზარალდა 1999 წლის დეკემბერში მომხდარი ძლიერი სტიქიური უბედურების შედეგად, რომელიც შეეხო რეგიონის დიდ ნაწილს. დაზარალდა პორტიც. ექსპორტს შეადგენს კაკაო, ყავა და თამბაქო. ლა-გუაირა წარმოადგენს დიდ საზღვაო ნავსადგურსა და თევზჭერის ცენტრს. განვითარებულია მრეწველობა, ძირითადად მუშავდება საიმპორტო ნედლეული. გაბატონებულია მშრალი, ტროპიკული კლიმატი.

პირველი დასახლება გაჩნდა 1555 წელს. სანაპირო დასახლება XVIII საუკუნეში გადაიქცა უმნიშვნელოვანეს საპორტო ქალაქად. ინგლისელი, ჰოლანდიელი და ფრანგი მეკობრეების შემოსევის დროს ლა-გუაირა გარდაიქმნა ციხე-სიმაგრედ. XVIII საუკუნეში ქალაქთან გაიმართა ბრძოლა, 1812 წელს მის მიდამოებში შედგა საზღვაო ბრძოლა.

დღეისათვის ლა-გუაირა მნიშვნელობით ქვეყნის მეორე პორტია პუერტო-კაბელიოს შემდეგ.

ქალაქ ლა-გუაირას ჰყავს საკუთარი პროფესიონალური ბეისბოლის გუნდი, რომელიც ასპარეზობს ვენესუელის ბეისბოლის ლიგაში.

იხილეთ აგრეთვე

• ვენესუელის ქალაქების სია

რესურსები ინტერნეტში

• ლა-გუაირა — სტატია ენციკლოპედია ბრიტანიკიდან (ინგლისური)
• (ესპანური) Website des Hafens von La Guaira დაარქივებული 2006-11-04 საიტზე Wayback Machine.
• (ესპანური) Website der Tiburones de La Guaira