აპურეს შტატი

შტატი
აპურეს შტატი Estado Apure
დროშა გერბი
ქვეყანა	ვენესუელა
ადმ. ცენტრი	სან-ფერნანდო-დე-აპურე
შიდა დაყოფა	აჩაგუასის მუნიციპალიტეტი , ბირუაკის მუნიციპალიტეტი , პედრო-კამეხოს მუნიციპალიტეტი , მუნიოსის მუნიციპალიტეტი , პაესის მუნიციპალიტეტი , რომულო-გალიეგოსის მუნიციპალიტეტი და Municipio San Fernando
კოორდინატები	7°08′00″ ჩ. გ. 69°00′00″ დ. გ.
დაარსდა	1909
ფართობი	76,500 კმ²
მოსახლეობა	473,900 კაცი (2007)
სიმჭიდროვე	6,19 კაცი/კმ²
სასაათო სარტყელი	UTCUTC-04:30
ოფიციალური საიტი	apure.gob.ve
აპურეს შტატი ვიკისაწყობში

აპურე (ესპ. Estado Apure) — ვენესუელის 23 შტატიდან სიდიდით მესამე. შტატის დედაქალაქია სან-ფერნანდო-დე-აპურე. ფართობი 76,500 კმ²-ია, მოსახლეობა შეადგენს 473,900 ადამიანს (2007 წლის აღწერით), ხოლო სიმჭიდროვე – 6,19 ად/კმ².

ისტორია

ამ ველური მიწის დაპყრობა XVII საუკუნის შუაში დაიწყო, როდესაც ის დასახლებული იყო ინდიელთა მრავალი ტომით, მაგალითად მშვიდობიანი არავაკებითა და სახიფათო კარიბებით.თანამედროვე განაშენიანება მხოლოდ XVIII საუკუნის ადრეულ წლებში დაიწყო, რასაც ძირითადად წარმართავდა მესაქონლეობის ფერმები, რომლებსაც სხვა ტერიტორიებზე (ძირითადად სან-კარლოსში, ასტურიასა და სხვა ქალაქებში) უკვე გადაჭედილი ფერმების მესაკუთრეები აარსებდნენ. მათ შორის ყველაზე ცნობილები იყვნენ ხოსე-იგნასიო პუმარი და ჯოსეფ ბლანკო ი სალასარი სხვა ანდალუსიელ ფრანცისკანელ მისიონერებთან და მიწის მესაკუთრეებთან ერთად, რომლებმაც ადგილობრივები „მშვიდობითა“ თუ მახვილით განდევნეს ან ქრისტიანობა მიაღებინეს.

კოლონიურ პერიოდში, აპურე მერიდა-დელ-ესპირიტუ-სანტო-დე-ლა-გრიტას პროვინციის შემადგენლობაში შედიოდა. როდესაც ის მარაკაიბოს მიუერთა, მას მარაკაიბოს პროვინცია ეწოდა. 1856 წელს კი მას შტატის სტატუსი მიეცა.

1864 წლიდან, მას შემდეგ რაც ვენესუელის ტერიტორია მოწყობილ იქნა როგორც ვენესუელის შეერთებული შტატები (ესპ. los Estados Unidos de Venezuela), აპურე დამოუკიდებელი შტატია. 1881 წელს ის გაიანასთან ერთად ბოლივარის შტატის შემადგენლობაში შევიდა, მაგრამ 1899 წელს კვლავ დაუბრუნდა დამოუკიდებელი შტატის კატეგორია.

გეოგრაფია

აპურეს შტატი მდებარეობს ვენესუელის სამხრეთით, ჩ.გ. 06º03’45’’ და 08º04’22’’-ზე და დასავლეთ გრძედის 66º21’45’’ და 72º22’30’’-ზე. აპურეს ჩრდილოეთიდან ესაზღვრება ტაჩირას, ბარინასის, და გუარიკოს, აღმოსავლეთით და სამხრეთაღმოსავლეთით ბოლივარის და ამასონასის შტატები, ხოლო სამხრეთით და დასავლეთით კოლუმბია.

ტაძარი, სან-ფერნანდო-დე-აპურე

მუნიციპალიტეტები

აპურეს შტატი მოიცავს 7 მუნიციპალიტეტს, ესენია:

მუნიციპალიტეტი	დედაქალაქი	ფართობი კმ²	მოსახლეობა (2007)	რუკა
აჩაგუასი	აჩაგუასი	15 754	65 081
ბირუაკა	ბირუაკა	1 281	54 233
მუნიოსი	ბრუსუალი	7 925	30 197
პაესი	გუასდუალიტო	12 820	111 059
პედრო-კამეხო	სან-ხუან-დე-პაიარა	20 519	31 187
რომულო-გალიეგოსი	ელორსა	12 219	23 839 (2005)
სან-ფერნანდო	სან-ფერნანდო-დე-აპურე	5 982	175 056

იხილეთ აგრეთვე

• ვენესუელის შტატები

რესურსები ინტერნეტში

• შტატის ოფიციალური საიტი დაარქივებული 2017-10-02 საიტზე Wayback Machine.

ვიკისაწყობში არის გვერდი თემაზე:

აპურეს შტატი