ლარას შტატი

შტატი
ლარას შტატი Estado Lara
დროშა გერბი
ქვეყანა	ვენესუელა
ადმ. ცენტრი	ბარკისიმეტო
შიდა დაყოფა	ანდრეს-ელოი-ბლანკოს მუნიციპალიტეტი, Crespo, Iribarren, Jiménez, Morán, პალავესინოს მუნიციპალიტეტი, Simón Planas, ტორესის მუნიციპალიტეტი და Urdaneta
კოორდინატები	10°04′00″ ჩ. გ. 69°52′00″ დ. გ.
დაარსდა	1864
ფართობი	19 800 კმ²
მოსახლეობა	2 700 000 კაცი (2011)
სასაათო სარტყელი	UTCUTC-04:30
ოფიციალური საიტი	lara.gob.ve
ლარას შტატი ვიკისაწყობში

ლარა (ესპ. Estado Lara) — შტატი ვენესუელაში. დედაქალაქია ბარკისიმეტო. ფართობი 19 800 კმ²-ს შეადგენს, მოსახლეობა კი 2007 წლის მონაცემებით 1 795 100 ადამიანია.

შტატის სამხრეთი ნაწილი მთიანია, ჩრდილოეთი და დასავლეთი — მთლიანად ვაკე. მთავარი მდინარეებია კარიბის ზღვაში ჩამდინარე ტოკუიო და იარაკუი, რომელთა მრავალი პატარა შენაკადიც მარაკაიბოს ტბის ან ორინოკოს სისტემას მიეკუთვნება.

ისტორია

კოლუმბამდელ პერიოდში შტატის ტერიტორია დასახლებული იყო ინდიელთა ტომებით. კოლონიალიზმისა და ვენესუელის დამოუკიდებლობისათვის ბრძოლის პერიოდში ის კარაკასის პროვინციის შემადგენლობაშ შედიოდა. 1859 წლიდან ის ცნობილი იყო როგორც ბარკისიმეტოს შტატი, მაგრამ 1866 წელს შეუერთეს იარაკუის შტატს. 1879 წელს ფალკონისა და იარაკუის შტატებთან ერთად მან ჩამოაყალიბა ჩრდილო-დასავლეთის დიდი შტატი. 1881 წელს კი მას სახელი შეეცვალა და დამოუკიდებლობსაითვის მებრძოლი გმირის, გენერალ ხასინტო ლარას პატივსაცემად მისი სახელი ეწოდა. 1899 წელს, მან ლარას სახელი დაკარგა, როდესაც გამოეყვნენ ბარკისიმეტოსა და იარაკუის შტატები. 1901 ის კვლავ იბრუნებს სახელს და 1904 წელს კვლავ უერთდება იარაკუის შტატს, ოღნდ ამჯერად ორივეს ერთად ლარას შტატი ეწოდა.

ეკონომიკა

შტატში ფართოდ მისდევენ შაქრის ლერწმის მოყვანას, რისი მიხედვითაც ერთ-ერთი პირველია ვენესუელის სხვა შტატებს შორის. ასევე აწარმოებენ ყავას, კარტოფილს, პომიდორს, ლობიოს, ხორბალსა და ბანანს. განვითარებულია მევენახეობა-მეღვინეობაც. ასევე მისდევენ მეცხოველეობას.

ლარას შტატის ინდუსტრიის უმსხვილესი სექტორებია ინჟინერია, კვების მრეწველობა, საფეიქრო მრეწველობა, ტექსტილი.

მუნიციპალიტეტები და მუნიციპალური ცენტრები

შტატი იყოფა 9 მუნიციპალიტეტად, ესენია:

მუნიციპალიტეტი	დედაქალაქი	ფართობი კმ²	მოსახლეობა (2007)	რუკა
ანდრეს-ელოი-ბლანკო	სანარე	708	49 812
კრესპო	დუაკა	875	49 813
ირიბარენი	ბარკისიმეტო	2 760	1 027 022
ხიმენესი	კიბორი	768	97 524
მორანი	ელ-ტოკუიო	2 231	128 674
პალავესინო	კაბუდარე	440	155 653
სიმონ-პლანასი	სარარე	808	35 170
ტორესი	კარორა	6 954	188 188
ურდანეტა	სიკისიკე	4 256	63 213

იხილეთ აგრეთვე

• ვენესუელის შტატები

რესურსები ინტერნეტში

• Tourism Board Lara State დაარქივებული 2010-03-04 საიტზე Wayback Machine.
• LaraTurismo, WebGuide of Tourism in Lara
• Information about Lara State დაარქივებული 2008-08-20 საიტზე Wayback Machine.
• Information about Lara State დაარქივებული 2008-09-19 საიტზე Wayback Machine.