The Unforgiven

„The Unforgiven“
სინგლი — მეტალიკა
ალბომიდან Metallica
B-მხარე	Killing Time, So What?, The Unforgiven (დემო)
გამოსვლის თარიღი	28 ოქტომბერი, 1991
ჩაიწერა	1990 წლის ოქტომბერი - 1991 წლის ივნისი სტუდიაში One on One ლოს-ანჯელესი, კალიფორნია
ჟანრი	მძიმე მეტალი
ხანგრძლივობა	6:27
ხმისჩამწერი ლეიბლი	Elektra
ავტორ(ებ)ი	ჯეიმზ ჰეტფილდი ლარს ულრიხი კირკ ჰემეტი
პროდიუსერი	ბობ როკი
მეტალიკა — სინგლების ქრონოლოგია
„Enter Sandman“ (1991) „The Unforgiven“ (1991) „Nothing Else Matters“ (1992)

„The Unforgiven“ — ამერიკული მძიმე მეტალ ჯგუფ მეტალიკის სინგლი 1991 წლის ალბომიდან Metallica. მიუხედავად იმისა რომ ალბომის სხვა სიმღერებთან შედარებით ერთ-ერთი ნელია, მისი რიფები და აკორდების თანამიმდევრობა უდავოდ ერთ-ერთი უმძიმესია. სიმღერის ტექსტი ასახავს ადამიანს, რომელსაც ცხოვრებაში რისკი არ გაუწევია და საბოლოოდ ნანობს ამას.

სიმღერა ჯგუფის მესამე ნამუშევარი იყო, რომელმაც ბილბორდის საუკეთესო 40 სიმღერას შორის მოხვდა, დაიკავა რა 35-ე ადგილი. სიმღერაზე გადაღებული იქნა მუსიკალური ვიდეოც, რომელსაც რეჟისორობა მეთიუ მაჰურინმა გაუწია.

როგორ სახელწოდების მიხედვით, ასევე თემატურად, სინგლმა გაგრძელება ჰპოვა კიდევ ორ სიმღერაში: „The Unforgiven II“ ალბომიდან Reload და „The Unforgiven III“ ალბომიდან Death Magnetic.

ისტორია

დრამერმა ლარს ულრიხმა განმარტა, რომ ჯგუფს უნდოდა ეცადა რაიმე ახალი იდეა, ბალადის მსგავსი - ნაცვლად სტანდარტული მელოდიური ტაეპებისა და ძლიერი მისამღერისა (რაც დასტურდება მათ წინა ბალადებში Fade to Black, Welcome Home (Sanitarium) და One), ჯგუფმა აირჩია შეეცვალა ეს განლაგება - დინამიური, მძიმე ტაეპები დისტორშენის თანხლებით და რბილი, მელოდიური მისამღერი, რომელსაც კლასიკურ გიტარაზე დაუკრავდნენ.

როგორც ჯეიმზმა მოგვიანებით განაცხადა დოკუმენტურ ფილმში Classic Albums: Metallica - Metallica, სიმღერის შესავალი საყვირზე ძირითადად აღებული იყო ერთ-ერთი ვესტერნიდან და მერე შეცვლილი იყო ისე, რომ წყარო დამალულიყო. მიუხედავად იმისა, რომ მეტალიკას არასოდეს დაუზუსტებია, კონკრეტულად რომელი ფილმიდან იყო აღებული შესავალი, გავრცელებული მოსაზრებით იგი არის ენიო მორიკონეს კომპოზიციიდან Showdown , რომელიც მან დაწერა კლინტ ისტვუდის 1965 წლის იტალიური ვესტერნისათვის რამდენიმე დოლარით მეტი.

საკონცერტო შესრულება

The Unforgiven სრულდებოდა საკონცერტო შემადგენლობაში მეტალიკის Nowhere Else to Roam მსოფლიო ტურნეს დროს, რომელიც გაიმართა შავი ალბომის მხარდასაჭერად და გრძელდებოდა 1991-1993 წლებში. იგი კვლავ შესრულდა ტურნეებზე Madly in Anger with the World 2003-2004 წლებში და Escape from the Studio '06. უკანასკნელად შესრულდა World Magnetic ტურნეზე.

The Unforgiven-ის საკონცერტო ვერსიაში შედის მეორე სოლო სიმღერის დასასრულს, რაც ორიგინალურ ჩანაწერში არ გვხვდება.

მუსიკალური ვიდეო

სინგლთან ერთად გამოვიდა მუსიკალური ვიდეოც. შავ-თეთრი ვიდეოს თემატიკა იმ ბიჭის გარშემოა, რომელიც მთელ თავის ცხოვრებას პატარა, უფანჯრებო, მთლიანად ქვით ნაგებ ოთახის ტყვეობაში ატარებს. ვიდეო მსვლელობისას იგი ასაკში შედის, ხდება ზრდასრული და მერე მოხუცი. იგი მთელი სიცოცხლის მანძილზე ფანჯარას კვეთს ქვის კედელში, შიგადაშიგ კადრში ჩანს მის მფლობელობაში არსებული საგანი: მედალიონი. შესაძლებელია დავასკვნათ, რომ მეორე ტყვე ცხოვრობს მეორე მხარეს ქვის ოთახში.

ოთახი ჩანს მეტაფორა ცხოვრებაში. ბიჭი შემოცოცდება ოთახში პატარა გვირაბის მეშვეობით, იგი ჩნდება პირველად ამ ოთახში, რაც სიმბოლურ დაბადებას უნდა აღნიშნავდეს. ბიჭი შედის საკუთარი ნებით, არავინ სვამს მას იქ ან კეტავს გვირაბს - ის აშკარად მხოლოდ საკუთარი აზრის ტყვეობაშია: რა უნდა გააკეთოს ამ ოთახში. ბიჭი არასოდეს ჩანს გვირაბის მეშვეობით მოსარგებლე, რაც საჭიროს ხდის განიმარტოს, თუ როგორ ჭამს ბიჭი და როგორ იღებს იგი ზრდასრული ადამიანის ზომის ტანსაცმელს და სხვადასხვა ნივთებს, რომელიც თანდათან ჩნდება კედლებზე. ოთახში არავინ არის, გარდა იმ ბიჭსა/კაცსა - ის ყოველთვის მარტოა ოთახში. ვიდეოს დასაწყისში ჩანს, თუ როგორ იდებს ბიჭი დაწნულ თოკს თავის ჯიბეში. დასასრულისკენ მოხუცი იღებს თოკს და ვხედავთ, რომ თოკზე მიბმულია გასაღები. აღარ ჩანს მედალიონი - მოხუცს აქვს თოკი გასაღებით და იარაღი ბეტონის გასათხრელად. იგი პოულობს ჯიბის საათს ოთახში და აგროვებს ნივთებს კედლებზე. როცა მოხუცი საბოლოოდ დაასრულებს თავისი ფანჯარას, მას მიაქვს ბეტონის ამოჭრილი ნაწილი ოთახის მეორე კედლისკენ და იყენებს მას გვირაბის დასალუქად, რათა კიდევ ერთი ბიჭი არ აღმოჩნდეს იქ. საიდანღაც ბეტონის ამ ამოჭრილ ნაწილზე ჩნდება საკლიტული, რომელიც აძლევს მოხუცს საშუალებას მოათავსოს მასში თავისი გასაღები და დაკეტოს გვირაბი. ვაზი, რომელიც ფანჯარას გარს ერტყმის, ააშკარავებს, რომ მოხუცი არ თხრიდა ფანჯარას მეორე ტყვესთან დასაკავშირებლად - მისი ქმედება მიზანმიმართული იყო საკუთარი ტყვეობის დასრულებისაკენ და შემდგომი ტყვის შემოსვლისგან დაზღვევისაკენ. ვიდეო მთავრდება სცენით, სადაც მოხუცი გასაღებს ფანჯარაში აგდებს და წვება დაბლა სასიკვდილოდ გამზადებული.

არსებობს 11:33 ხანგრძლივობის, თეატრალური ვერსიაც, რომელშიც ვიდეოს წინ უძღვის რამდენიმე წუთის გაცნობითი სცენა. ეს ვერსია შესულია ჯგუფის 2006 წლის მუსიკალური ვიდეო კრებულში The Videos 1989–2004.

ქავერები

სიმღერის ქავერი შეასრულეს ფრენკი ბანალიმ (დრამები), ტონი ფრანკლინმა (ბასი), დაგ პინიკმა (ვოკალი)და ვერნონ რეიდმა (გიტარა) ალბომისთვის Metallic Assault: A Tribute to Metallica.

The Unforgiven შესრულდა ასევე მუსიკის სხვა სტილის მომღერლების მიერ, რომელთა შორის შეიძლება გამოვარჩიოთ ბლუგრას ჟანრში მოღვაწე აირონ ჰორსი, ალბომში Fade to Bluegrass: The Bluegrass Tribute to Metallica; გრეგორიანული გალობის სტილში შეასრულა ჯგუფ გრეგორიანმა, ალბომში Masters of Chant Chapter V, სვიზ პოპ მომღერალმა სტეფანი ჰეინზმანმა სიმღერის ქავერი შეიტანა მისი სადებიუტო ალბომის Masterplan დელუქს გამოცემაში; კლასიკური ინსტრუმენტული ვერსია შეგვიძლია ვიხილოთ ფინური ჯგუფ აპოკალიპტიკის ალბომში Plays Metallica by Four Cellos. ტრიბუტ დუეტმა ჰარპტალიკამ ჩაწერა სიმღერის არფა ვერსია ალბომისთვის Harptallica: A Tribute.

სიმღერების სია

აშშ კასეტა
#	სახელწოდება	ხანგრძლივობა
1.	„The Unforgiven“	6:27
2.	„Killing Time“	3:05

აშშ პრომოსინგლი
#	სახელწოდება	ხანგრძლივობა
1.	„The Unforgiven“ (რადიოს ვერსია)	4:59

საერთაშორისო CD სინგლი
#	სახელწოდება	ხანგრძლივობა
1.	„The Unforgiven“	6:29
2.	„Killing Time“	3:08
3.	„The Unforgiven“ (დემო)	6:15

საერთაშორისო 12" სინგლი
#	სახელწოდება	ხანგრძლივობა
1.	„The Unforgiven“	6:27
2.	„Killing Time“	3:04
3.	„So What“	3:07
4.	„The Unforgiven“ (დემო)	6:18

გაგრძელებები

The Unforgiven II

„The Unforgiven II“
სინგლი — მეტალიკა
ალბომიდან Reload
გამოსვლის თარიღი	23 თებერვალი, 1998
ჩაიწერა	1996, სტუდიაში The Plant Studios, საუსალიტო, კალიფორნია
ჟანრი	მძიმე მეტალი, მძიმე როკი
ხანგრძლივობა	6:36
ხმისჩამწერი ლეიბლი	Elektra
ავტორ(ებ)ი	ჯეიმზ ჰეტფილდი, ლარს ულრიხი, კირკ ჰემეტი
პროდიუსერი	ბობ როკი, ჯეიმზ ჰეტფილდი, ლარს ულრიხი
მეტალიკა — სინგლების ქრონოლოგია
„The Memory Remains“ (1997) „The Unforgiven II“ (1998) „Fuel“ (1998)

„The Unforgiven II“ გამოვიდა, როგორც სინგლი ალბომიდან Reload. დაწერილია ჯეიმზ ჰეტფილდის, ლარს ულრიხის და კირკ ჰემეტის მიერ და წარმოადგენს მათი სიმღერის The Unforgiven(რომელიც შესულია ალბომში Metallica). ორივე სიმღერას მსგავსი მუსიკალური თემები აქვთ: ორივე იწყება მსგავსი საყვირის ხმით. აკორდების თანამიმდევრობა ტაეპების დროს მსგავსია თანამიმდევრობისა The Unforgiven-ის მისამღერში. 11 წლის შემდეგ მეტალიკა კიდევ ერთხელ უბრუნდება ამ თემას სიმღერაში The Unforgiven III ალბომიდან Death Magnetic.

ისევე როგორც სიმღერაზე The Unforgiven, The Unforgiven II-ზე გადაღებული იქნა მუსიკალური ვიდეო, რომელსაც რეჟისორობა კვლავ მეთ მაჰურინმა გაუწია.

სიმღერა ცოცხლად შესრულდა მხოლოდ 1997 წელს ბილბორდის მუსიკალური დაჯილდოების ცერემონიაზე მას მერე, რაც ჯგუფმა წლის არტისტის ჯილდო მიიღო.

სიმღერების სია

საერთაშორისო სინგლი, ნაწილი 1
#	სახელწოდება	ხანგრძლივობა
1.	„The Unforgiven II“	6:36
2.	„Helpless“ (საკონცერტო)	4:15
3.	„The Four Horsemen“ (საკონცერტო)	6:19
4.	„Of Wolf & Man“ (საკონცერტო)	4:31

აშშ სინგლი
#	სახელწოდება	ხანგრძლივობა
1.	„The Unforgiven II“	6:36
2.	„The Thing That Should Not Be“ (საკონცერტო)	4:40

საერთაშორისო სინგლი, ნაწილი 2
#	სახელწოდება	ხანგრძლივობა
1.	„The Unforgiven II“	6:36
2.	„The Thing That Should Not Be“ (საკონცერტო)	7:33
3.	„The Memory Remains“ (საკონცერტო)	4:19
4.	„King Nothing“ (საკონცერტო)	7:14

საერთაშორისო სინგლი, ნაწილი 3
#	სახელწოდება	ხანგრძლივობა
1.	„The Unforgiven II“	6:36
2.	„No Remorse“ (საკონცერტო)	4:54
3.	„Am I Evil?“ (საკონცერტო)	5:09
4.	„The Unforgiven II“ (დემო)	7:14

იაპონური EP
#	სახელწოდება	ხანგრძლივობა
1.	„The Unforgiven II“	6:38
2.	„The Thing That Should Not Be“ (საკონცერტო)	7:31
3.	„The Memory Remains“ (საკონცერტო)	4:28
4.	„No Remorse“ (საკონცერტო)	4:52
5.	„Am I Evil?“ (საკონცერტო)	5:11
6.	„The Unforgiven II“ (დემო)	7:13

ევროპული სინგლი
#	სახელწოდება	ხანგრძლივობა
1.	„The Unforgiven II“	6:36
2.	„The Memory Remains“ (საკონცერტო)	4:19

The Unforgiven III

„The Unforgiven III“
სიმღერა — მეტალიკა
ალბომიდან Death Magnetic
გამოსვლის თარიღი	12 სექტემბერი, 2008
ჟანრი	მძიმე მეტალი
ხანგრძლივობა	7:47
ხმისჩამწერი ლეიბლი	Warner Bros.
ავტორ(ებ)ი	ჯეიმზ ჰეტფილდი ლარს ულრიხი კირკ ჰემეტი რობერტ ტრუჰილო
პროდიუსერი	რიკ რუბინი
Death Magnetic – სიმღერები
10 სიმღერა The End of the Line Broken, Beat & Scarred The Day That Never Comes All Nightmare Long Cyanide The Unforgiven III The Judas Kiss Suicide & Redemption My Apocalypse

მუსიკალური ნაწყვეტები:

The Unforgiven

The Unforgiven II

The Unforgiven III

• ვერ ხსნით ფაილს? იხ. მედია მაშველი.

„The Unforgiven III“ შეტანილია ალბომში Death Magnetic. იგი „The Unforgiven“-ის გაგრძელებაა. მიუხედავად იმისა, რომ წარმოადგენს ტრილოგიის ნაწილს, „The Unforgiven III“ სტრუქტურულად არ ჰგავს მის წინა ნაწილებს. იგი საყვირის ნაცვლად ფორტეპიანოს მელოდიური პარტიით იწყება და გაგრძელებისასაც მსგავსება არ იგრძნობა. სიმღერა სცენაზე პირველად 2010 წლის 14 აპრილს შესრულდა ოსლოში, ნორვეგია.

პერსონალი

• ჯეიმზ ჰეტფილდი – წამყვანი ვოკალი, რიტმული გიტარა
• კირკ ჰემეტი – წამყვანი გიტარა, მესამეში - დამატებითი ვოკალიც
• ჯეისონ ნიუსტედი – ბასი, დამატებითი ვოკალი (პირველ ორში)
• რობერტ ტრუჰილო – ბასი, დამატებითი ვოკალი (მესამეში)
• ლარს ულრიხი – დასარტყმელი საკრავები

პოზიცია ჩარტებში

The Unforgiven

ქვეყანა	პოზიცია
ავსტრალია	10
საფრანგეთი	28
ნიდერლანდები	25
შვედეთი	32
ახალი ზელანდია	24
აშშ	35
გაერთიანებული სამეფო	15

The Unforgiven II

ჩარტი/ქვეყანა	პოზიცია
მეინსტრიმული როკ ტრეკები, აშშ	2
ბილბორდის ცხელი ასეული, აშშ	59
გაერთიანებული სამეფო	15
ავსტრია	18
საფრანგეთი	89
ნიდერლანდები	16
ბელგია	45
შვედეთი	8
ფინეთი	1
ნორვეგია	8
ავსტრალია	9
ახალი ზელანდია	22
კანადის ცხელი ასეული	89

The Unforgiven III

ქვეყანა	პოზიცია
შვეიცარია	12
ბელგია	50
შვედეთი	34
ფინეთი	16
ნორვეგია	8
დანია	24
ავსტრალია	41