No Leaf Clover

მასალა ვიკიპედიიდან — თავისუფალი ენციკლოპედია
Jump to navigation Jump to search
„No Leaf Clover“
სინგლი  – მეტალიკა
ალბომიდან S&M
B-მხარე One (S&M ვერსია)/Enter Sandman (S&M ვერსია)
გამოსვლის თარიღი 13 მარტი, 2000 (ავსტრალიაში[1]);
20 მარტი, 2000 (ევროპაში)[2][3]
ფორმატი CD სინგლი
ჩაიწერა 21-22 აპრილი, 1999, ბერკლის საზოგადოებრივი თეატრი, კალიფორნია
ჟანრი მძიმე მეტალი
ხანგრძლივობა 5:43
ლეიბლი Elektra
სიმღერის ავტორი ჯეიმზ ჰეტფილდი,
ლარს ულრიხი
პროდიუსერი მეტალიკა
მეტალიკა – სინგლების ქრონოლოგია

Nothing Else Matters '99
(2000)
No Leaf Clover
(2000)
I Disappear
(2000)
აუდიო ნაწყვეტი
ინფორმაცია ფაილზე
სინგლის ალტერნატიული გამოცემების ყდები
სინგლის ალტერნატიული გამოცემების ყდები
No Leaf Clover3.jpeg

No Leaf Cloverამერიკული მძიმე მეტალ ჯგუფ მეტალიკის სინგლი და მერვე სიმღერა ალბომიდან S&M. იგი დაწერილია ჯეიმზ ჰეტფილდისა და ლარს ულრიხის მიერ.[4]

მუსიკა[რედაქტირება | წყაროს რედაქტირება]

No Leaf Clover −Human-თან ერთად ერთ-ერთია ალბომში წარმოდგენილი ორი ახალი სიმღერიდან, რომლებიც მეტალიკისა და სან-ფრანცისკოს სიმფონიური ორკესტრის (დირიჟორი - მაიკლ კემენი) თანამშრომლობით შეიქმნა 1999 წელს. იგი იწყება საორკესტრო პარტიით, რომელიც ჯეიმზ ჰეტფილდის სუფთა საგიტარო პარტიით გრძელდება. სიმღერის დანარჩენ ნაწილში ერთმანეთს ენაცვლება ტაეპები და მისამღერები გიტარების თანხლებით ძლიერი დისტორშენით.

სიმღერაში გამოყენებული რიფები ჰეტფილდის მიერაა დაწერილი კონცერტამდე, მაგრამ არ შესრულებულა მანამდე. სიმღერის ჟღერადობის შექმნაში დიდი წვლილი მიუძღვის კომპოზიტორ მაიკლ კემენსაც.

ტექსტი[რედაქტირება | წყაროს რედაქტირება]

ტერმინი No Leaf Clover სიტყვასიტყვით ქართულად ჟღერს როგორც „სამყურა ფოთლების გარეშე“, თუმცა ტექსტში არანაირი სამყურა მოხსენიებული არაა. ბუნებაში ძალიან იშვიათად, მაგრამ მაინც გვხვდება ოთხფოთლიანი სამყურა, რომელიც, გავრცელებული რწმენით, იღბლის მომტანია. საწინააღმდეგოდ ამისა, „სამყურა ფოთლების გარეშე“ უიღბლობის მეტაფორად შეიძლება, მივიჩნიოთ.[4][5][6] სავარაუდოდ ამასთან მიმართებაშია ჯეიმზის ტექსტი, სადაც ნათქვამია, რომ წარმატება და მიზნის მიღწევა შეიძლება იყოს მხოლოდ შემდეგი ეტაპი შრომისა და ცხოვრების გზის:

ვიკიციტატები (ინგლისური)
„Then it comes to be that the soothing light at the end of your tunnel Was just a freight train coming your way.“
ვიკიციტატა (ქართული)
„შემდგომში ცხადი ხდება, რომ დამამშვიდებელი ნათელი შენი გვირაბის ბოლოს ყოფილა მხოლოდ მომავალი სატვირთო მატარებლის ფარები.“
(მეტალიკა, No Leaf Clover )

მეორე ვერსიის მიხედვით სიმღერა ეძღვნება ჯგუფის მეორე ბასისტის - კლიფ ბარტონის ხსოვნას. სათაური სიტყვათა გადათამაშებაა და მიღებულია სიტყვებისგან No Cliff Lover, რაც ითარგმნება როგორც „აღარ არის საყვარელი კლიფი“.

არსებობს აზრი, რომ იგი ჯარისკაცზეა, რომელიც სამსახურეობრივი მოვალეობის შესრულებისას იღუპება. ეს თეორია ძირითადად დაფუძნებულია ტექსტში სიტყვების sir და boy გამოყენებაზე, ასევე დანარჩენ კონტექსტიდან მინიშნებებზე.[6][7]

ნებისმიერ შემთხვევაში, სიმღერაში აღწერილია იღბალის ცვლილება კარგიდან ცუდისკენ.[4][5][6][7]

მუსიკალური ვიდეო[რედაქტირება | წყაროს რედაქტირება]

სიმღერის მუსიკალური ვიდეო, რომლის რეჟისორიცაა უეინ იშემი, გადაღებულია 1999 წლის აპრილში, ბერკლის საზოგადოებრივი თეატრში, კალიფორნია. მისი პრემიერა გაიმართა იმავე წლის 8 ნოემბერს.[8] მასში ასახულია ჯგუფის კონცერტი სან-ფრანცისკოს სიმფონიური ორკესტრის თანხლებით, მცირე ეფექტებითა და სახეცვლილებებით. კადრებში ხშირად ჩანს ორკესტრის დირიჟორი მაილ კემენიც.

საკონცერტო შესრულება[რედაქტირება | წყაროს რედაქტირება]

სიმღერა წარმოადგენს მეტალიკის ერთადერთ სინგლს, ჩაიწერილს საკონცერტო შესრულების დროს. შესაბამისად, მისი პირველი საკონცერტო შესრულებაც ამ კონცერტზე შედგა. სან-ფრანცისკოს კონცერტის შემდეგ ჯგუფმა სიმღერაში გარკვეული ცვლილებები შეიტანა ორკესტრის გარეშე დასაკვრელად.[4] პირველად მსგავსი ვერსია შესრულდა 1999 წლის 28 დეკემბერს მინიტურნეს დროს მაიამიში, ფლორიდა.

ჩარტები[რედაქტირება | წყაროს რედაქტირება]

ესაა ჯგუფის მეოთხე სიმღერა, რომელმაც დაიკავა პირველი ადგილი ბილბორდის ჩარტში ცხელი მეინსტრიმული როკ ტრეკები. იგი იყოფებოდა პირველ ადგილზე შვიდი კვირის განმავლობაში გადაბმულად.

ჩარტი უმაღლესი
პოზიცია[9][10][11]
ხანგრძლივობა
ჩარტში(კვირებში)
შვეიცარიის სინგლების ჩარტი 99 1
ნიდერლანდების სინგლების ჩარტი 41 6
შვედეთის სინგლების ჩარტი 50 5
ნორვეგიის სინგლების ჩარტი 9 4
ავსტრალიის სინგლების ჩარტი 41 3
აშშ-ის ბილბორდის ცხელი ასეული 74 10
ბილბოდის ალტერნატიული სიმღერები 18 20
ბილბოდის ცხელი მეინსტრიმული როკ ტრეკები 1 7

სიმღერების სია[რედაქტირება | წყაროს რედაქტირება]

ავსტრალიური ვერსია[რედაქტირება | წყაროს რედაქტირება]

  1. No Leaf Clover (ჯეიმზ ჰეტფილდი, ლარს ულრიხი) - 5:43
  2. One (ჰეტფილდი, ულრიხი) - 7:53
  3. Enter Sandman (კირკ ჰემეტი, ჰეტფილდი, ულრიხი) - 7:39
  • No Leaf Clover (ვიდეო ვერსია) (ჰეტფილდი, ულრიხი)
  • დოკუმენტური ფილმი S&M-ზე

ყველა ტრეკი S&M ალბომიდანაა

გაერთიანებული სამეფოს ვერსია #1[რედაქტირება | წყაროს რედაქტირება]

  1. No Leaf Clover (ჰეტფილდი, ულრიხი) - 5:43
    • No Leaf Clover (Slice & Dice ვიდეო)
    • დოკუმენტური ფილმი S&M-ზე, ნაწილი 1

გაერთიანებული სამეფოს ვერსია #2[რედაქტირება | წყაროს რედაქტირება]

  1. No Leaf Clover (ჰეტფილდი, ულრიხი) - 5:43
    • ფოტო გალერეა
    • დოკუმენტური ფილმი S&M-ზე, ნაწილი 2

გაერთიანებული სამეფოს ვერსია #3[რედაქტირება | წყაროს რედაქტირება]

  1. No Leaf Clover (ჰეტფილდი, ულრიხი) - 5:43
    • Metallica Screensaver
    • დოკუმენტური ფილმი S&M-ზე, ნაწილი 3

პერსონალი[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. სინგლის No Leaf Clover ავსტრალიური გამოცემა. Discogs.com. წაკითხვის თარიღი: 2011-06-25.
  2. სინგლი No Leaf Clover. Metallica.com. წაკითხვის თარიღი: 2011-06-25.
  3. სინგლის No Leaf Clover ევროპული გამოცემა. Discogs.com. წაკითხვის თარიღი: 2011-06-25.
  4. 4.0 4.1 4.2 4.3 No Leaf Clover. Songfacts.com. წაკითხვის თარიღი: 2011-06-25.
  5. 5.0 5.1 No Leaf Clover. Encyclopedia Metallica. წაკითხვის თარიღი: 2011-06-25.
  6. 6.0 6.1 6.2 No Leaf Clover. Lyricinterpretations.com. წაკითხვის თარიღი: 2011-06-25.
  7. 7.0 7.1 No Leaf Clover. Songmeanings.net. წაკითხვის თარიღი: 2011-06-25.
  8. მეტალიკის მუსიკალური ვიდეოები -> No Leaf Clover. Metallica.com. წაკითხვის თარიღი: 2011-06-25.
  9. No Leaf Clover ჩარტებში. Swisscharts.com. წაკითხვის თარიღი: 2011-06-26.
  10. No Leaf Clover ჩარტებში. Australian-Charts.com. წაკითხვის თარიღი: 2011-06-26.
  11. No Leaf Clover ბილბორდის ჩარტებში. Billboard.com. წაკითხვის თარიღი: 2011-06-26.
წინამორბედი:
კრიდის Higher
ნომერ პირველი მეინსტრიმული როკ ტრეკი
22 იანვარი, 20004 მარტი, 2000
შემდეგი:
AC/DC-ის Stiff Upper Lip