Whiplash (მეტალიკის სიმღერა)

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან Whiplash)
„Whiplash“
სინგლიმეტალიკა
ალბომიდან Kill 'Em All
გამოსვლის თარიღი 8 აგვისტო, 1983[1]
ჩაიწერა მაისი, 1983
ჟანრი თრეშ მეტალი,
სპიდ მეტალი
ხანგრძლივობა 4:06
ხმისჩამწერი ლეიბლი Megaforce
ავტორ(ებ)ი ჯეიმზ ჰეტფილდი
ლარს ულრიხი
პროდიუსერი პოლ კარსიო,
ჯონი ზაზულა
მეტალიკა — სინგლების ქრონოლოგია
Whiplash
(1983)
„Jump in the Fire“
(1984)
აუდიომაგალითი
yes

Whiplash“ — ამერიკული მძიმე მეტალ ჯგუფ მეტალიკის მეექვსე სიმღერა და პირველი სინგლი მათი 1983 წლის სადებიუტო ალბომიდან Kill 'Em All. იგი გამოვიდა მხოლოდ ჩრდილოეთ ამერიკაში.[2]

მუსიკა[რედაქტირება | წყაროს რედაქტირება]

სიმღერის ავტორები არიან ჯეიმზ ჰეტფილდი და ლარს ულრიხი.[3] კირკ ჰემეტის განცხადებით, Whiplash კურტ კობეინის ერთ-ერთი საყვარელი სიმღერა იყო მეტალიკის რეპერტუარიდან.[4]

ტექსტი[რედაქტირება | წყაროს რედაქტირება]

სიმღერა უმეტესად ეხება მეტალის ფანების ცხოვრებას, გრძნობას, რომელიც გეუფლება სცენის წინ თავის ქნევისას. სიმღერის სათაური აღნიშნავს კისრის მძიმე ტრავმას, რომლის მიღებაც შესაძლებელია თავის საკმარისად დიდხანს და ძლიერად ქნევისას, ასევე ავტოავარიებში.[5] იგი ეძღვნება მეტალიკის ფანებს, რომლებიც მხარს უჭერდნენ მას დასაწყისიდანვე.[2]

საკონცერტო შესრულება[რედაქტირება | წყაროს რედაქტირება]

სიმღერა პირველად ცოცხლად შესრულდა 1982 წლის 23 ოქტომბერს ფულერტონში, კალიფორნია.[3][6] ბოლო დროს კონცერტებზე ჰეტფილდი ცვლის თავდაპირველ ტექსტს „We'll never stop, we're never quit, 'cause we're Metallica“ ტექსტად „We'll never stop, we're never quit, 'cause“ — აქ სიმღერა ჩერდება ხოლმე ორი წამით, ჯეიმზი უთითებს მსმენელზე და წამოიძახებს: „You're“ — „Metallica!“, რითაც ხაზს უსვამს ფანების როლს.[6] კონცერტებზე ხშირად ჯეისონ ნიუსტედი ასრულებდა სიმღერის ნაწილს ან სრულად,[2] რაც განსაკუთრებით შესამჩნევია საკონცერტო ჩანაწერში სან-დიეგოში, კალიფორნია. მან ჰეტფილდის გარეშე იმღერა ასევე 2000 წლის 7 ივლისს, სტადიონზე Georgia Dome ატლანტაში, ამავე წლის 8 ივლისს ჩქაროსნულ ტრასაზე სპარტაში, კენტუკი და 9 ივლისს სტადიონზე Texas Stadium ირვინგში, ტეხასი. ჰეტფილდი იყინავდა ბოლო დროს დაზიანებულ ზურგს, სანამ ჰემეტი, ულრიხი და ნიუსტედი ასრულებდნენ სიმღერას.[6]

Live Shit ვერსიაში ჯეიმზმა სიმღერის დაწყებისას თვლა აურია და ნაცვლად „1, 2, 1, 2, 3, 4“, მან თქვა: „1, 2, 4, 3, 2 და ნახევარი!“.[7]

ქავერები და მიძღვნები[რედაქტირება | წყაროს რედაქტირება]

  • მოუტერჰედმა (რომელიც დასახელებული იყო მეტალიკის მიერ როგორც მათზე უდიდესი გავლენი მქონე ჯგუფი) შეასრულა ეს სიმღერა მეტალიკისადმი მიძღვნილი ალბომისთვის Metallic Attack: Metallica - The Ultimate Tribute და მიიღო მათი პირველი გრემი 2005 წელს საუკეთესო მეტალ შესრულებისათვის.[8]
  • ვინი ეპაისმა (დრამები), სკოტ იანმა (გიტარა), ბილი მილანომ (ვოკალი) და ფილ სოუსანმა (ბასი) შეასრულეს სიმღერა მეტალიკისადმი მიძღვნილი ალბომისთვის Metallic Assault: A Tribute to Metallica.
  • პანტერამ, სახუმარო სახელით Pantallica, შეასრულა სიმღერა ცოცხლად ჯეისონ ნიუსტედთან ერთად ბასზე, ხოლო წევრებმა დიმებაგ დარელმა (გიტარა) და პილ ანსელმომ (ვოკალი) როლები გაცვალეს.
  • Destruction-მა შეასრულა სიმღერა მეტალიკისადმი მიძღვნილი ალბომისთვის A Tribute to the Four Horsemen და მცირე ცვლილებებით შეიტანა იგი თავის ალბომში All Hell Breaks Loose როგორც დამალული ბონუს სიმღერა.
  • Stone Gods-მა შეასრულა ეს სიმღერა მათ ტურნეზე Knight of the Living Dead.

სიმღერა პოპულარულ მედიაში[რედაქტირება | წყაროს რედაქტირება]

სიმღერების სია[რედაქტირება | წყაროს რედაქტირება]

აშშ სინგლი (გრამფირფიტა)
#სახელწოდებახანგრძლივობა
1.„Jump in the Fire“4:41
2.„Whiplash“ (Special Neckbrace Remix)4:24
3.„Seek & Destroy“ (საკონცერტო)7:04
4.„Phantom Lord“ (საკონცერტო)4:52
აშშ სინგლი (მაქსი-სინგლი, კასეტა)
#სახელწოდებახანგრძლივობა
1.„Jump in the Fire“4:41
2.„(Anesthesia) - Pulling Teeth“ (ინსტრუმენტალი)4:15
3.„Whiplash“ (Special Neckbrace Remix)4:24
4.„Seek & Destroy“ (საკონცერტო)7:04
5.„Phantom Lord“ (საკონცერტო)4:52

პერსონალი[რედაქტირება | წყაროს რედაქტირება]

მეტალიკა[რედაქტირება | წყაროს რედაქტირება]

სტუდიური პერსონალი
  • აღმასრულებელი პროდიუსერი: ჯონი ზაზულა
  • პროდიუსერი: პოლ კარსიო
  • ინჟინერი: კრის ბუბაჩი
  • ინჟინერ-ასისტენტი: ენდი ვრუბლევსკი[1]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 სინგლი Whiplash. Metallica.com. დაარქივებულია ორიგინალიდან — 2011-05-02. ციტირების თარიღი: 2011-08-11.
  2. 2.0 2.1 2.2 Whiplash. Encyclopedia Metallica. დაარქივებულია ორიგინალიდან — 2011-08-07. ციტირების თარიღი: 2011-08-11.
  3. 3.0 3.1 სიმღერა Whiplash. Metallica.com. დაარქივებულია ორიგინალიდან — 2011-08-16. ციტირების თარიღი: 2011-08-11.
  4. კირკ ჰემეტის დისკუსია კურტ კობეინის შესახებ. ციტირების თარიღი: 2007-05-23.
  5. Whiplash. Songfacts.com. ციტირების თარიღი: 2011-08-11.
  6. 6.0 6.1 6.2 6.3 Whiplash. Metlists.com. ციტირების თარიღი: 2011-08-11.
  7. Live Shit: Binge and Purge, დისკი 3, სიმღერა 8
  8. 47-ე გრემის დაჯილდოება - 2005. Rock on the Net archive. ციტირების თარიღი: 2007-02-11.