წალენჯიხის მუნიციპალიტეტი

წალენჯიხის მუნიციპალიტეტი
ადმინისტრაციული ერთეული
	წალენჯიხის მუნიციპალიტეტი;
დროშა	გერბი
ქვეყანა	საქართველო
მხარე	სამეგრელო-ზემო სვანეთის მხარე
ადმ. ცენტრი	წალენჯიხა
კოორდინატები	42°42′00″ ჩ. გ. 42°06′00″ ა. გ. / 42.70000° ჩ. გ. 42.10000° ა. გ.
ფართობი	646.7 კმ²
ოფიციალური ენა	ქართული ენა
მოსახლეობა	26 158 კაცი (2014)
სიმჭიდროვე	40,4 კაცი/კმ²
ეროვნული შემადგენლობა	ქართველები 99,56 %; რუსები 0,27 %; უკრაინელები 0,08 %
სარწმუნოებრივი შემადგენლობა	მართლმადიდებლები 98,37 %
სასაათო სარტყელი	UTC+04:00
ოფიციალური საიტი	http://www.tsalenjikha.ge/index.html
	წალენჯიხის მუნიციპალიტეტი ვიკისაწყობში

წალენჯიხის მუნიციპალიტეტი — მუნიციპალიტეტი საქართველოში, სამეგრელო-ზემო სვანეთის მხარეში. ადმინისტრაციული ცენტრია ქალაქი წალენჯიხა.

გეოგრაფია[რედაქტირება | წყაროს რედაქტირება]

წალენჯიხის მუნიციპალიტეტი მდებარეობს მდინარე ენგურისა და ჭანისწყლის ხეობებში, ტერიტორია შეადგენს 646,7 კმ²-ს. ჩრდილოეთიდან ესაზღვრება მესტიის, სამხრეთ-დასავლეთით ზუგდიდის, სამხრეთ-აღმოსავლეთითა და აღმოსავლეთით ჩხოროწყუს მუნიციპალიტეტები, ხოლო დასავლეთით აფხაზეთის ავტონომიური რესპუბლიკა. მუნიციპალიტეტის ტერიტორია მოქცეულია ზღვისპირა ნოტიო სუბტროპიკულ ოლქში.

წიაღისეული[რედაქტირება | წყაროს რედაქტირება]

დოლემიტის საბადო;
მინერალური წყალი სქური.

ისტორია[რედაქტირება | წყაროს რედაქტირება]

ახლანდელი წალენჯიხის მუნიციპალიტეტის ტერიტორია 1930 წლამდე შედიოდა ზუგდიდის მაზრაში. 1930 წელს გამოიყო ცალკე რაიონად. 1963-1964 წლებში შედიოდა ზუგდიდის რაიონში. საბჭოთა პერიოდში წალენჯიხის რაიონში განვითარებული იყო მეჩაიეობა, მეცხოველეობა და მეაბრეშუმეობა. მოქმედებდა 19 კოლმეურნეობა და 1 საბჭოთა მეურნეობა. განვითარებული იყო კვების და ხე–ტყის მრეწველობა. გამოდიოდა გაზეთი „კომუნიზმის დროშით“.

2014 წელს განიხილებოდა წალენჯიხის მუნიციპალიტეტის გაყოფა წალენჯიხის და ჯვარის მუნიციპალიტეტებად. ჯვარის მუნიციპალიტეტში უნდა შესულიყო ქალაქი ჯვარი და სოფლები ლია, ფახულანი, ჭალე, მუჟავა, ეწერი და ჩქვალერი, ხოლო ცენტრი ყოფილიყო ქალაქი ჯვარი. აღნიშნული გადაწყვეტილება არ იქნა მიღებული.^[3]^[4]

2021 წლის ადგილობრივი თვითმმართველობის ორგანოების არჩევნებში გია ხარჩილავა გახდა ოპოზიციის ერთადერთი წარმომადგენელი, რომელმაც არჩევნებში გაიმარჯვა და წალენჯიხის მერი გახდა.^[5]

პოლიტიკა[რედაქტირება | წყაროს რედაქტირება]

საკრებულო[რედაქტირება | წყაროს რედაქტირება]

პარტია		მანდატები (27)
	ქართული ოცნება — დემოკრატიული საქართველო	11
	ერთიანი ნაციონალური მოძრაობა	11
	საქართველოსთვის	3
	ლელო	1
	დამოუკიდებელი *	1
* გამოეყო პარტიას „საქართველოსთვის“^[6]

მოსახლეობა[რედაქტირება | წყაროს რედაქტირება]

წალენჯიხის მუნიციპალიტეტის საერთო მოსახლეობა შეადგენს 26 158 ადამიანს (2014 წლის აღწერით). ამათგან, ქართველი — 99,56 %, სხვა — 0,44 %. მუნიციპალიტეტში შედის 14 ადმინისტრაციული ერთეული, მათ შორის 2 ქალაქი: წალენჯიხა და ჯვარი. სოფლის მოსახლეობა შეადგენს მუნიციპალიტეტის მოსახლეობის 80 %-ზე მეტს. განსახლების ძირითადი ზონა ვრცელდება ზღვის დონიდან 200-400 მეტრის ფარგლებში.

აღწერის წელი	მოსახლეობა	კაცი	ქალი
1959	29 019
1970	37 813
1979	39 477
1989	38 643
2002	40 133
2014	26 158
2021^[7]	23 300

ეკონომიკა[რედაქტირება | წყაროს რედაქტირება]

წალენჯიხის მუნიციპალიტეტის ტერიტორიაზე, ქალაქ ჯვართან მოქმედებს საქართველოში უდიდესი სიმძლავრის ჰიდროელექტროსადგური ენგურჰესი. მუნიციპალიტეტის ტერიტორიაზე გადის ზუგდიდი-მესტიისა და ზუგდიდი-წალენჯიხა-ჩხოროწყუს საავტომობილო გზები. ადგილობრივი მნიშვნელობის გზების სიგრძეა 204 კმ.

ღირსშესანიშნაობები[რედაქტირება | წყაროს რედაქტირება]

წალენჯიხის მუნიციპალიტეტის ტერიტორიაზე მდებარეობს ეროვნული მნიშვნელობის კულტურის სამი ძეგლი: წალენჯიხის საკათედრო ტაძარი, სქურის ეკლესია და ენგურის თაღოვანი კაშხალი. მნიშვნელოვანი ისტორიული ძეგლია ასევე ობუჯის მონასტრის ნანგრევები.