ხობის მუნიციპალიტეტი

ხობის მუნიციპალიტეტი
ადმინისტრაციული ცენტრი	ხობი
რეგიონი	სამეგრელო-ზემო სვანეთის მხარე
სიმჭიდროვე	46,3 კაცი/კმ²
ფართობი	659,2 კმ²
მოსახლეობის რაოდენობა	30 548 კაცი (2014 წელი)
ეროვნება	ქართველები 99,59 % რუსები 0,22 % უკრაინელები 0,10 %

ხობის მუნიციპალიტეტი — ადმინისტრაციულ-ტერიტორიული რაიონი სამეგრელო-ზემო სვანეთის მხარეში.

ბუნება

მუნიციპალიტეტის ტერიტორია 676 კმ²-ს შეადგენს და განთავსებულია ზღვის დონიდან 2470 მ-მდე სიმაღლეზე. განეკუთვნება კოლხეთის დაბლობის სუბტროპიკულ ნოტიო კლიმატურ ზონას და ხასიათდება თბილი ზამთრითა და ცხელი ნოტიო ზაფხულით. ჰაერის საშუალო წლიური ტემპერატურა +14 °C-ია. მდიდარია ჰიდრორესურსებით, უხვადაა დაქსელილი მიწის ზედა წყლებით, ასევე შიგა წყლებით, ბევრია ჭაობი, მცირე ტბა და თერმული (გოგირდოვანი) წყლები. მუნიციპალიტეტის ტერიტორიის 22 % უკავია ტყეს (ძირითადად ფოთლოვანი ჯიშები). ბუნებრივი მცენარეულობა უმთავრესად შეცვლილია კულტურული მცენარეულობით.

მოსახლეობა

სულ 30 548 (დევნილთა ჩათვლით). 99,59 % ქართველი (2014).

რაიონი/მუნიციპალიტეტი	1959 წ. აღწ.	1970 წ. აღწ.	1979 წ. აღწ.	1989 წ. აღწ.	1991'	2002 წ. აღწ.	2014 წ. აღწ.	2016'	2017'	2018'
ხობის	31 280	37 653	38 092	38 939	39 400	41 240	30 548	30 100	29 007	29 200

მმართველობა

მუნიციპალიტეტში არის 1 ქალაქი და 21 ადმინისტრაციული ერთეული 56 სოფლით.

ადგილობრივი თვითმმართველობა

• 1 ქალაქი — ხობი;
• 14 თემი — ქარიატა, ნოჯიხევი, ახალსოფელი, ჭალადიდი, გურიფული, ხამისკური, ზემო ქვალონი, ბია, შუა ხორგა, ხეთა, საჯიჯაო, თორსა-დღვაბა, ახალი ხიბულა, პირველი მაისი;
• 7 სასოფლო თემი — პატარა ფოთი, პირველი ხორგა, საგვიჩიო, ყულევი, შავღელე, ძველი ხიბულა.

რესურსები ინტერნეტში

• ხობის მუნიციპალიტეტის თვითმმართველობა