მინგეჩაური

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ქალაქი
მიგეჩაური
Mingəçevir
Mingachevir city sunset.JPG
ქალაქის 60 წლისადმი მიძღვნილი ობელისკი
გერბი
66Minqechevir.png

ქვეყანა აზერბაიჯანის დროშა აზერბაიჯანი
კოორდინატები 40°46′12″ ჩ. გ. 47°02′56″ ა. გ. / 40.77000° ჩ. გ. 47.04889° ა. გ. / 40.77000; 47.04889
დაარსდა 1946
ამჟამინდელი სტატუსი 1948
ფართობი 47 კმ²
ცენტრის სიმაღლე 545±1 მეტრი
მოსახლეობა 98 800 კაცი (2012)
სასაათო სარტყელი UTC+4
ოფიციალური საიტი http://mingechevir-ih.gov.az/
მინგეჩაური — აზერბაიჯანი
მინგეჩაური

მიგეჩაური (აზერ. Mingəçevir) — აზერბაიჯანის სიდიდით მეოთხე ქალაქი. მდებარეობს მდინარე მტკვრის ორივე ნაპირზე.

ისტორია[რედაქტირება | წყაროს რედაქტირება]

ქალაქი მინგეჩაური დაარსდა 1945 წელს მინგეჩაურის ჰიდროელექტროსადგურის მშენებლობასთან დაკავშირებით. ქალაქის სტატუსი მიიღო 1948 წელს.

მინგეჩაურის რაიონში აღმოჩენილია მრავალფნოვანი არქეოლოგიური კომპლექსი (ძვ. წ. III ათასწლეული - ახ. წ. XVII სს.) შესწავლა დაიწყო XIX საუკუნის მიწურულიდან. სისტემატიური გათხრები მიმდინარეობდა 1946-1953 წლებში (ხელმძღვანელი ს. გაზიევი). ყველაზე ადრეულია ძვ. წ. III ათასწლეულის №1 ნამოსახლარის ქვედა ფენა და სამარხები, რომლებიც მტკვარ-არაქსის კულტურას განეკუთვნება.

ქვა ალბანური წარწერებით

ამავე ნამოსახლარის შუა ფენა, ორმოსამარხები და გორასამარხები გენეკუთვნება ხოჯალი-გოდაბეიურ კულტურას (ძვ. წ. II ათასწლეული - I ათასწლეულის დასაწყისი). შესწავლილია ამ ხანის ნასახლარები, სამეურნეო ორმოები, კერამიკული ქურები და 200-ზე მეტი სამარხი. აღმოჩენილია ძვლის საკრავები (სტვირი-ფლეიტები). ადრინდელი რკინის ხანისაა (ძვ. წ. VIII-II საუკუნე) ამავე ნამოსახლარის ზედა ფენა და რამდენიმე სამარხეული კომპლექსი. განსაკუთრებულ ჯგუფს ქმნის ძვ. წ. II-ახ. წ. I საუკუნის 300-ზე მეტი ქვის სამარხი. გათხრილია აგრეთვე 30-ზე მეტი სამეთუნეო ქურა.

შუა საუკუნეების ძეგლია №2-3 (III-XIII საუკუნეები) და №4 (XIV-XVII საუკუნეები) ნამოსახლარები, V-VIII საუკუნეების ალბანურ-ქრისტიანული ტაძარი, ქრისტიანული და მუსლიმანური სამარხები და სხვ.

საყურადღებოა ჯვრის ქვის ბაზისი და კერამიკული სასანთლეების ფრაგმენტები, რომლებზეც ალბანური წარწერებია შემორჩენილი.

გალერეა[რედაქტირება | წყაროს რედაქტირება]

იხილეთ აგრეთვე[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]