ვლადიმერ გურგენიძე

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ გურგენიძე.
ვლადიმერ გურგენიძე
ვლადიმერ გურგენიძე
საქართველო
საქართველოს პრემიერ-მინისტრი
თანამდებობაზე ყოფნის დრო
22 ნოემბერი 2007 – 1 ნოემბერი, 2008
პრეზიდენტი   მიხეილ სააკაშვილი, ნინო ბურჯანაძე
წინამორბედი ზურაბ ნოღაიდელი
მემკვიდრე გრიგოლ მგალობლიშვილი

დაბადებული 17 დეკემბერი 1971
თბილისი, საქართველოს სსრ–ის დროშა საქართველოს სსრ
მოქალაქეობა საქართველო, გაერთიანებული სამეფო
ეროვნება ქართველი
შვილები 4
განათლება თბილისის სახელმწიფო უნივერსიტეტი;
მიდლბერის კოლეჯი ;
ემორის უნივერსიტეტის ბიზნესის სკოლა
პროფესია აღმასრულებელი მენეჯერი
საქმიანობა ბანკირი, ინვესტორი
ჯილდოები ბრწყინვალების საპრეზიდენტო ორდენი, წმინდა იორგის სახელობის გამარჯვების ორდენი

ვლადიმერ (ლადო) გურგენიძე (დაიბადა 17 დეკემბერი, 1971) — ბანკირი, ბიზნესმენი, საზოგადო მოღვაწე. 2006 წლიდან საქართველოს ბანკის სამეთვალყურეო საბჭოს თავმჯდომარე.[1] 2007 წლის ნოემბრიდან 2008 წლის ოქტომბრამდე საქართველოს პრემიერ-მინისტრი. 2009 წლის სექტემბერში გურგენიძემ რუმინელ მილიარდელ ბიზნესმენ დინუ პატრიჩიუსთან ერთად დააარსა საინვესტიციო კომპანია ,,Liberty Investments”, რომლის ძირითადი მიზანია ინვესტიციების განხორციელება ფინანსური მომსახურების კომპანიებში ისეთ ქვეყნებში, სადაც არის კორუფციის დაბალი მაჩვენებელი, დაბალი გადასახადები და თავისუფალი ეკონომიკა. 2009 წლის სექტემბერშივე ,,Liberty Investments”-მა შეიძინა ,,ლიბერთი ბანკის” (ყოფილი,,სახალხო ბანკი”) აქციების 91.2%. ,,ლიბერთი ბანკს” აქვს ფილიალების ყველაზე ფართო ქსელი და ემსახურება 1.2 მილიონ ფიზიკურ პირს.

ბიოგრაფია[რედაქტირება]

დაიბადა თბილისში. განათლება ჯერ თბილისის სახელმწიფო უნივერსიტეტში, შემდეგ მიდლბერის კოლეჯში, ხოლო მაგისტრის ხარისხი ემორის უნივერსიტეტის ბიზნესის სკოლაში მიიღო (Goizueta School of Business of Emory University). ჰყავს მეუღლე და ოთხი შვილი და იგი საქართველოს და დიდი ბრიტანეთის მოქალაქეა.

საბანკო კარიერა[რედაქტირება]

ლადო გურგენიძე ხანგრძლივი გამოცდილების მქონე ბანკირია. აღმოსავლეთ ევროპასა და ლონდონში ათწლიანი მუშაობის შემდეგ იგი საქართველოში დაბრუნდა და 2004 წელს, ვარდების რევოლუციის შემდეგ ,,საქართველოს ბანკს” ჩაუდგა სათავეში. ლადო ,,საქართველოს ბაკს” სამი წლის მანძილზე ხელმძღვანელობდა და ამ პერიოდის განმავლობაში ,,საქართველოს ბანკის” მთლიანი აქტივები 854%-ით, ხოლო წმინდა მოგება 1,779%-ით გაიზარდა. ამავე პერიოდის განმავლობაში ,,საქართველოს ბანკის” საბაზრო წილი 18%-დან 34%-მდე გაიზარდა და ქვეყანასა და რეგიონში წამყვან უნივერსალურ ბანკად ჩამოყალიბდა. 2004-2007 წლებში ,,საქართველოს ბანკის” საბაზრო კაპიტალიზაცია 3,087%-ით გაიზარდა, 25 მილიონი აშშ დოლარიდან 935 მილიონ აშშ დოლარამდე ლადოს ბანკიდან წამოსვლის თარიღისთვის. ლადოს ხელმძღვანელობის პერიოდში ,,საქართველოს ბანკი” გახდა პირველი ქართული კომპანია და მეორე ბანკი ყოფილი საბჭოთა კავშირის ქვეყნებიდან, რომელმაც ლონდონის საფონდო ბირჟაზე აქციების პირველადი საჯარო შეთავაზება განახორციელა (2006 წლის ნოემბერში), აგრეთვე პირველი ქართული კომპანია, რომელმაც ევროობლიგაციები გამოუშვა (2007 წლის თებერვალში) და პირველი ქართული ემიტენტი, რომელმაც სამივე წამყვანი სარეიტინგო სააგენტოს (Standard & Poor’s, Moody’s, Fitch Ratings) საკრედიტო რეიტინგი მიიღო. ლადოს ხელმძღვანელობის პერიოდში ,,საქართველოს ბანკის” მფლობელი 100-ზე მეტი ინსტიტუციონალური ინვესტორი გახდა, ბანკის აქციების 94% კი თავისუფალ მიმოქცევაშია. ლადო გურგენიძე აგრეთვე იყო სს ,,გალთ ენდ თაგგარტ სიქიურითის”– პირველი ქართული სრულფასოვანი საინვესტიციო ბანკი – დამაარსებელი (2000 წელს) და სამეთვალყურეო საბჭოს თავმჯდომარე (2004-2007 წლებში) და საქართველოს საფონდო ბირჟის სამეთვალყურეო საბჭოს წევრი (2004–2007 წლებში). ლადოს ხელმძღვანელობის დროს ,,საქართველოს ბანკი” გახდა პირველი ქართული ბანკი, რომელმაც მიიღო ჟურნალის ,,Euromoney” ჯილდო წარჩინებისთვის, აგრეთვე ჟურნალის ,,The Banker” მიერ 2006 და 2007 წლებში (ასევე ლადოს ბანკიდან წამოსვლის შემდეგ 2008 და 2009 წლებში) საუკეთესო ქართულ ბანკად დასახელდა.

საქართველოში დაბრუნებამდე გურგენიძე იყო ევროპის მიმართულების ხელმძღვანელი ,,Putnam Lovell”-ში (2003-2004); მანამდე კი წლების მაძილზე (1997-2003) ბანკ ,,ABN Amro”-ში მუშაობდა აღმოსავლეთ ევროპის შესყიდვებისა და შერწყმების (mergers & acquisitions) მიმართულების ხელმძღვანელად, ტექნოლოგიური სექტორის მიმართულების გლობალურ ხელმძღვანელად და სხვა წამყვან თანამდებობებზე. ამ პერიოდში მისი კლიენტები იყვნენ ისეთი წამყვანი საერთაშორისო კომპანიები, როგორიც არის ,,SWIFT”, ,,Reuters”, ,,Moneyline Telerate”, ,,Wirtualna Polska”, ,,Marconi”, ,,Andrew Corporation”, ,,Merloni Elettrodomestici”, ,,News Corp”, ,,Global One”, ,,Golden Telecom”, ,,UPC” და ,,Philips”.

პრემიერ-მინისტრი[რედაქტირება]

გურგენიძე საქართველოს პრემიერ-მინისტრად დაინიშნა 2007 წლის ნოემბერში, ნოემბრის აქციების დარბევის შემდეგ, მაშინ, როცა თანამდებობიდან გადადგა მიხეილ სააკაშვილი და დაინიშნა ვადამდელი საპრეზიდენტო არჩევნები. გურგენიძემ ამ პოსტზე 2008 წლის 1 ნოემბრამდე იმუშავა. მისი ხელმძღვანელობით 2008 წლის პირველ ნახევარში შედგა ფოთის პორტისა და თბილწყალკანალის საპრივატიზაციო პროექტები, რის გამოც 2008 წლის პირველ ნახევარში პრივატიზციიდან მიღებულმა შემოსავალმა რეკორდულად მაღალ ნიშნულს, 352 მლნ აშშ დოლარს მიაღწია. 2008 წლის აგვისტოს ომის შემდეგ გურგენიძემ გრანტებისა და სესხების სახით მოიზიდა დაფინანსებები საერთაშორისო სავალუტო ფონდიდან და სხვადასხვა დონორი ორგანიზაციებისგან საერთო ოდენობით 5 მილიარდ აშშ დოლარამდე. 2008 წლის 1 ნოემბერს ის მთავრობის მეთაურის პოსტზე შეცვალა გრიგოლ მგალობლიშვილმა.

ჯილდოები[რედაქტირება]

2008 წლის ოქტომბერში საქართველოს პრეზიდენტმა მიხეილ სააკაშვილმა ლადო დააჯილდოვა წმინდა გიორგის სახელობის გამარჯვების ორდენით (ნომერი 16).

2010 წლის 26 მაისს გურგენიძეს მიენიჭა ბრწყინვალების საპრეზიდენტო ორდენი საქართველოს მთავრობის მეთაურობისთვის ქვეყნისთვის განსაკუთრებით რთულ პერიოდში და ქართულ ბიზნესში ნოვატორული იდეებისთვის.

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება]


წინამორბედი:
ზურაბ ნოღაიდელი
საქართველოს პრემიერ-მინისტრი
2005 – 2008
შემდეგი:
გრიგოლ მგალობლიშვილი