პაატა ჩხეიძე

პაატა ჩხეიძე
დაბადების თარიღი	19 ნოემბერი, 1955 (1955-11-19)
მოქალაქეობა	სსრკ →  საქართველო
განათლება	თბილისის ილია ჭავჭავაძის სახელობის უცხო ენათა სახელმწიფო პედაგოგიური ინსტიტუტი
ეროვნება	ქართველი

პაატა ჩხეიძე (დ. 19 ნოემბერი, 1955) — ქართველი პოლიტიკოსი.

დაამთავრა თბილისის ილია ჭავჭავაძის სახელობის უცხო ენათა სახელმწიფო პედაგოგიური ინსტიტუტი. 1977-1985 წლებში იყო გორის რაიონის სოფელ თორტიზის საშუალო სკოლის მასწავლებელი, გორის ეკონომიკური ინსტიტუტის მასწავლებელი, 1985-1988 წლებში იყო გორის გიორგი ერისთავის სახელობის სახელმწიფო თეატრის სალიტერატურო ნაწილის გამგე, 1988 წლიდან იყო საქართველოს რესპუბლიკის მეცნიერებათა აკადემიის ფილოსოფიის ინსტიტუტის უმცროსი მეცნიერ-თანამშრომელი. 1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 1992-1995 წლებში იყო საქართველოს მე-3 მოწვევის პარლამენტის წევრი პარტიული სიით, საარჩევნო ბლოკი „ქართველ ტრადიციონალისტთა კავშირი“.

რესურსები ინტერნეტში

• პაატა ჩხეიძე — საქართველოს პარლამენტის ოფიციალური საიტი (საქართველოს რესპუბლიკის პირველი მოწვევა)
• პაატა ჩხეიძე — საქართველოს პარლამენტის ოფიციალური საიტი (საქართველოს პარლამენტის მესამე მოწვევა)