იტალიის ადმინისტრაციული დაყოფა — იტალია არის უნიტარული სახელმწიფო, რომელსაც გააჩნია მრავალდონიანი ადმინისტრაციული დაყოფა. დაყოფის ყველაზე ზედა დონეა რეგიონი. იტალიაში სულ 20 რეგიონია, რომელთაგანაც ხუთ რეგიონს გააჩნია ავტონომია და უფრო მაღალი სტატუსი, ვიდრე დანარჩენ რეგიონებს, რაც განპირობებულია ამ რეგიონების ისტორიული, ლინგვისტური ან ეთნიკური თავისებურებებით და უმცირესობების უფლებებით. თითოეული რეგიონი წარმოადგენს დამოუკიდებელ ერთეულს. ფართობით ყველაზე დიდი რეგიონია სიცილია, ხოლო მოსახლეობით — ლომბარდია. რეგიონები, გარდა ვალე დ'აოსტასი, იყოფიან პროვინციებად. 2025 წლის მონაცემებით, ქვეყანაში 107 პროვინციაა. პროვინცია წარმოადგენს შუა რგოლს რეგიონსა და კომუნას შორის. იტალიაში 2025 წლის მდგომარეობით 7896 კომუნაა..
რეგიონებს მართავს საკრებულოები (consiglio regionale) და აღმასრულებელი კომიტეტები (giunta regionale). კომიტეტის პრეზიდენტს ირჩევს საკრებულო საკუთარი შემადგენლობიდან 5 წლის ვადით
1 ქვეყნები, რომლებიც მდებარეობს ევროპის საზღვრებთან, 2 ქვეყნები, რომლებიც მდებარეობს დასავლეთ აზიაში, 3 ქვეყნები, რომლებიც მდებარეობს ევროპა აზიის საზღვრებთან.