კვიპროსის ადმინისტრაციული დაყოფა

კვიპროსი არის უნიტარული სახელმწიფო, რომელიც იყოფა 6 ეპარქიად. (ბერძ. επαρχίες).

ეპარქიები

ნიქოზიის რაიონი (Λευκωσία) — ჩრდილოეთ ნაწილი მოქცეულია ჩრდილოეთი კვიპროსის ტერიტორიაზე.
კირენიის რაიონი (Κερύvεια) — მთლიანად ჩრდილოეთ კვიპროსის ტერიტორიაზე;
ლარნაკის რაიონი (Λάρνακα) — მცირე ნაწილი ჩრდილოეთ კვიპროსის ტერიტორიაზე;
ლიმასოლის რაიონი (Λεμεσός)
პაფოსის რაიონი (Πάφος)
ფამაგუსტის რაიონი (Αμμόχωστος) — უდიდესი ნაწილი მდებარეობს ჩრდილოეთ კვიპროსის ტერიტორიაზე

მოსახლეობის რაოდენობით ყველაზე პატარაა ფამაგუსტას რაიონი (54 282), ხოლო ტერიტორიის მიხედვით კირენიის — 643.9 კმ.². უდიდესი ეპარქია როგორც ფართობით, ასევე მოსახლეობით არის ნიქოზიის რაიონი.

ადგილობრივი თვითმმართველობა

კვიპროსში ადგილობრივი თვითმმართველობის ერთეულებია მუნიციპალიტეტი და თემი. მუნიციპალიტეტები იქმნება ურბანულ და ტურისტულ ტერიტორიებზე, ხოლო თემები — სასოფლო ტერიტორიებზე. სულ არის 38 მუნიციპალიტეტი (ბერძ. δήμος) და 484 თემი. თემი, რომელშიც ცხოვრობს 5000-ზე მეტი ადამიანი და აქვს შესაბამისი ეკონომიკური რესურსები, შესაძლოა გახდეს მუნიციპალიტეტი რეფერენდუმის საშუალებით. 10 მუნიციპალიტეტი მდებარეობს ჩრდილოეთ კვიპროსის ოკუპირებულ ტერიტორიაზე.

თემის საკრებულო და მერი აირჩევა პირდაპირი წესით 5 წლის ვადით. მერი ამავდროულად არის საკრებულოს თავმჯდომარე. თემის და მუნიციპალიტეტების უფლებამოსილებებში შედის ნარჩენების მართვა, ურბანული დაგეგმვა და მიწათსარგებლობა, წყალმომარაგება, გარემოს დაცვა.

მუნიციპალიტეტების სია

აია-ნაპა (Αγια Ναπα)
აგიოს ათანასიოსი (Αγιοσ Αθανασιοσ)
აგიოს დომეტიოსი (Αγιοσ Δομετιοσ)
აგლანძია (Αγλαντζια)
ატინეუ (Αθηενου)
აკანტუ (Ακανθου)
ამოხოსტოსი (Αμμοχωστοσ)
არადიპუ (Αραδιππου)
გერმასოგია (Γερμασογεια)
გეროსკიპუ (Γεροσκηπου)
დერინია (Δερυνεια)
ეგომი (Εγκωμη)
იდალიონი (Ιδαλιον)
კარავასი (Καραβασ)
კატო პოლემიდია (Κατω Πολεμιδια)
კირენია (Κερυνεια)
კიტრეა (Κυθρεα)
ლაკატამია (Λακαταμια)
ლაპიტოსი (Λαπηθοσ)
ლარნაკა (Λαρνακα)
ლაცია (Λατσια)
ლემესოსი (Λεμεσοσ)
ლევკარა (Λευκαρα)
ლევკონიკო (Λευκονοικο)
ლევკოსია (Λευκωσια)
ლისი (Λυση)
მესა გიტონია (Μεσα Γειτονια)
მორფუ (Μορφου)
პარალიმნი (Παραλιμνι)
პაფოსი (Παφοσ)
პეგია (Πεγεια)
პოლის ხრისოხუსი (Πολησ Χρυσοχουσ)
სტროვოლოსი (Στροβολοσ)

ჩრდილოეთ კვიპროსის დაყოფა

ჩრდილოეთი კვიპროსი იყოფა 5 რაიონად:

რესურსები ინტერნეტში