ღანირი

ღანირი
სოფელი
	ღანირი;
ქვეყანა	საქართველო
მხარე	იმერეთის მხარე
მუნიციპალიტეტი	სამტრედიის მუნიციპალიტეტი
თემი	ღანირი
კოორდინატები	42°15′09″ ჩ. გ. 42°21′07″ ა. გ. / 42.25250° ჩ. გ. 42.35194° ა. გ.
ცენტრის სიმაღლე	55 მ
ოფიციალური ენა	ქართული ენა
მოსახლეობა	1130 კაცი (2014)
ეროვნული შემადგენლობა	ქართველები 98,9 %
სასაათო სარტყელი	UTC+4
სატელეფონო კოდი	+995
საფოსტო ინდექსი	3917

ღანირი — სოფელი სამტრედიის მუნიციპალიტეტში, თემის ცენტრი (სოფელი: ჭაგანი). მდებარეობს იმერეთის დაბლობზე, მდინარე ცხენისწყლის მარცხენა მხარეს, ხონი–სამტრედიის საავტომობილო გზაზე. ზღვის დონიდან 55 მეტრი, სამტრედიიდან 10 კილომეტრი. სოფელში მოქმედებს ღვთისმშობლის სახელობის ტაძარი.

1926 წლისთვის ღანირ-ჭაგანის თემი შედგებოდა სამი სოფლისგან და მისი მოსახლეობა შეადგენდა 3949 ადამიანს, ხოლო ფართობი 35,2 კმ²-ს.^[2]

ეტიმოლოგია

სოფელ ღანირის სახელწოდების ეტიმოლოგიის შესახებ, დოკუმენტური წყაროს სახით მონაცემები არ არსებობს. გადმოცემის მიხედვით, აღნიშნული ტერიტორია გაუვალი ტყით იყო დაფარული და სამეგრელოდან გამოქცეულ ყმა-გლეხებს შეუფარებიათ თავი, შემდეგ აქვე დასახლებულან. აქაურობა არ გამოირჩეოდა მდიდარი მიწებით. მიწის სიმწირისა და სიღარიბის გამო, ადგილობრივებს, ტერიტორისთვის, ღანირი დაურქმევიათ. სახელწოდება „ღანირი“ ძველი ქართული სიტყვაა და მწირ, მოუსავლიან მიწას ნიშნავს.

დემოგრაფია

2014 წლის აღწერის მონაცემებით სოფელში ცხოვრობს 1130 ადამიანი.

აღწერის წელი	მოსახლეობა	კაცი	ქალი
2002^[3]	1350	621	729
2014^[1]	1130	543	587

განათლება

სოფელში არის საჯარო სკოლა. სკოლაში სწავლობს 175 მოსწავლე. ღანირში პირველი სკოლა 1905 წელს გაიხნსა. სკოლა ორკლასიანი იყო, სწავლება - ფასიანი, გადასახადიდან მხოლოდ ღარიბი მოსწავლეები თავისუფლდებოდნენ. 1935 წლის სექტემბერს ღანირში დაარსდა პირველი საშუალო სკოლა. სკოლა დაამთავრა მეორე მსოფლიო ომის გმირმა, აკაკი ტერელაძემ, რომლის სახელიც სკოლას მიენიჭა. სკოლას 1989 წლამდე ჰქონდა ურთიერთობა უკრაინის ქალაქ რჟიშჩევის ოლეგ კოშევოის სახელობის სკოლასთან.

ცნობილი ადამიანები

შალვა ელიავა — საბჭოთა პარტიული მოღვაწე
ბენედიქტე ბალავაძე — ქართველი გეოფიზიკოსი
ვახტანგ ბალავაძე — ქართველი მოჭიდავე
აკაკი ტერელაძე — მეორე მსოფლიო ომის გმირი
კონსტანტინე მანჯგალაძე — ქართველი ქორეოგრაფი
ეროსი მანჯგალაძე — ქართველი მსახიობი
ნიკოლოზ ელიავა — ქართველი იურისტი, პოლიტიკოსი

ლიტერატურა

დვალაშვილი გ., გოგიშვილი მ., სამტრედიის მუნიციპალიტეტი, თბ., 2019, გვ., 36-42

სქოლიო

↑ ^1.0 ^1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.
↑ ქუთაისის მაზრის ადმინისტრაციული რუკა^{[მკვდარი ბმული]} საქართველოს ეროვნული არქივი
↑ საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II

[აღწერა_2014-1] 1.0 ^1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.

[2] ქუთაისის მაზრის ადმინისტრაციული რუკა^{[მკვდარი ბმული]} საქართველოს ეროვნული არქივი

[აღწერა_2002-3] საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II

[1]

[2]

[3]