ნატალი პორტმანი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ნატალი პორტმანი
Natalie Portman Cannes 2015 5.jpg
დაბ. თარიღი ნატალი ჰერშლაგი
(ებრ. נטלי הרשלג)

9 ივნისი, 1981 (1981-06-09) (36 წლის)
იერუსალიმი, ისრაელი
საქმიანობა მსახიობი
აქტიური 1994 - დღემდე
ოსკარი

საუკეთესო მსახიობი ქალი

2010 — შავი გედი
ოქროს გლობუსი

საუკეთესო მსახიობი ქალი დრამაში
2010 — შავი გედი
საუკეთესო მსახიობი ქალი მეორეხარისხოვან როლში

2004 — სიახლოვე
BAFTA

საუკეთესო მსახიობი ქალი

2010 — შავი გედი

ნატალი პორტმანი (ებრ. נטלי פורטמן, დაბადების სახელი ნატალი ჰერშლაგი; დ. 9 ივნისი, 1981) — ამერიკელი ებრაელი მსახიობი.

ბიოგრაფია[რედაქტირება | წყაროს რედაქტირება]

ნატალი პორტმანი დაიბადა იერუსალიმში, ისრაელი.[1][2] მამამისი, ავნერ ჰერშლაგი ებრაელი ექიმია,[3][4] დედამისი, ამერიკელი შელი სტივენსი კი ახლა მის აგენტად მუშაობს.[3] დედის მხრიდან მისი წინაპრები იყვნენ ებრაელი ემიგრანტები ავსტრიიდან და რუსეთიდან, მამის მხრიდან კი ემიგრანტები პოლონეთიდან და რუმინეთიდან. მამის მხრიდან ნატალის ბაბუა, ვისი მშობლებიც ოსვენციმის საკონცენტრაციო ბანაკში დაიღუპნენ, იყო პროფესორი ეკონომიკურ კათედრაზე ისრაელსი და მისი რუმინელი დიდი ბებია კი მეორე მსოფლიო ომის დროს დიდი ბრიტანეთისთვის მომუშვე ჯაშუში.[5][6]

მისი დებიუტი შედგა 1994 წელს ფრანგულ ფილმ „ლეონში“, სადაც მსახიობი განასახიერებს ობოლ ბავშვს. 1990–იან წლებში მას წილად ხვდა მთავარი როლები ისეთ ფილმებში, როგორიცაა „ლამაზი გოგონები“ და „ყველგან, მაგრამ არა აქ“. შემდეგ კი შეასრულა პადმე ამიდალას როლი „ვარსკვლავური ომების“ ახალ ტრილოგიაში. 1999 წელს მან ჩააბარა ჰარვარდის უნივერსიტეტში ფსიქოლოგიის ფაკულტეტზე. 2003 წელს მან მიიღო ბაკალავრის ხარისხი.

2001 წელს პორტმანმა მონაწილეობა მიიღო ნიუ-იორკის სახალხო თეატრის სპექტაკლში „თოლია“ მერილ სტრიპთან, კევინ კლაინთან და ფილიპ სეიმორ ჰოფმანთან ერთად. 2005 წელს ის ნომინირებული იყო ოსკარზე და მოიგო ოქროს გლობუსი ფილმში „სიახლოვე“ განსახიერებული მეორეხარისხოვანი როლისთვის. მან გადაიპარსა თავი და ისწავლა ბრიტანული აქცენტით საუბარი ფილმისთვის „V ანუ ვენდეტა“ (2006), რისთვისაც მან დაიმსახურა Constellation Award for Best Female Performance და Saturn Award for Best Actress. მან ითამაშა ისტორიულ დრამებში „გოიას ლანდები“ (2006) და „კიდევ ერთი ბოლეინის გვარიდან“ (2008). 2008 წლის მაისში ის გახდა კანის კინოფესტივალის ჟიურის ყველაზე ახალგაზრდა წევრი რიგით 61-ე დაჯილდოებაზე.[7] პორტმანის სარეჟისორო დებიუტმა, „ივი“, გახსნა ვენეციის კინოფესტივალის 65-ე დაჯილდოების მოკლემეტრაჟიან ფილმთა კონკურსი.[8]

ფილმოგრაფია[რედაქტირება | წყაროს რედაქტირება]

წელი ქართულად მშობლიური სახელწოდება როლი
1994 ლეონი: პროფესიონალი Léon: The Professional მატილდა
1994 განვითარება Developing ნინა
1995 შერკინება Heat ლორენ გუსტაფსონი
1996 ლამაზი გოგონები Beautiful Girls მარტი
1996 ყველა ამბობს, რომ მე შენ მიყვარხარ Everyone Says I Love You ლორა დენდრიჯი
1996 მარსი გვიტევს! Mars Attacks! ტეფი დეილი
1999 ვარსკვლავური ომები, ეპიზოდი I: ფარული საფრთხე Star Wars Episode I: The Phantom Menace პადმე ამიდალა
1999 ყველგან, მაგრამ არა აქ Anywhere but Here ენ ოგუსტი
2000 იქ, სადაც გულია Where the Heart Is ნოვალი ნეიშენი
2001 ზულენდერი Zoolander კამეო
2002 ვარსკვლავური ომები, ეპიზოდი II: კლონების თავდასხმა Star Wars Episode II: Attack of the Clones პადმე ამიდალა
2003 ცივი მთა Cold Mountain სარა
2004 ბაღების ქვეყანა Garden State სამანტა
2004 სიახლოვე Closer ელის აირესი/ჯეინ ჯონსი
2005 ვარსკვლავური ომები, ეპიზოდი III: სითების შურისძიება Star Wars Episode III: Revenge of the Sith პადმე ამიდალა
2005 თავისუფალი ზონა Free Zone რებეკა
2006 V ანუ ვენდეტა V for Vendetta ივი ჰემონდი
2006 პარიზო, მე შენ მიყვარხარ Paris, je t'aime ფრენსისი
2006 გოიას ლანდები Goya's Ghosts ინეს ბილბატუა & ალისია
2007 ჩემი მოცვისფერი ღამეები My Blueberry Nights ლესლი
2007 მატარებელი დარჯილინგზე The Darjeeling Limited ჯეკის ყოფილი შეყვარებული
2007 სასტუმრო შევალიე Hotel Chevalierr ჯეკის ყოფილი შეყვარებული
2007 მისტერ მაგორიუმის ჯადოსნური მაღაზია Mr. Magorium's Wonder Emporium მოლი მეჰონი
2008 კიდევ ერთი ბოლეინის გვარიდან The Other Boleyn Girl ანა ბოლეინი
2008 სიყვარული და სხვა გარემოებები The Other Woman ემილია გრინლიფი
2008 ნიუ-იორკო, მე შენ მიყვარხარ New York, I Love You რიფკა
2008 ძმები Brothers გრეის კეჰილი
2010 ჰეშერი Hesher ნიკოლი
2010 შავი გედი Black Swan ნინა საიერსი
2011 მეტი ვიდრე სექსი No Strings Attached ემა ფრანკლინი
2011 თქვენო უმაღლესობავ Your Highness ისაბელი
2011 თორი Thor ჯეინ ფოსტერი
2015 თასების რაინდი Knight of Cups ელიზაბეთი

თეატრი[რედაქტირება | წყაროს რედაქტირება]

წელი სპექტაკლი როლი შენიშვნები
1994 შეუბრალებელი!!
1997 ანა ფრანკის დღიური ანა ფრანკი
2001 თოლია

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება | წყაროს რედაქტირება]

  1. Michael Kane. “Portman Bold ... and Bald ... in 'V for Vendetta'“, FOX News, 2006-03-19. წაკითხვის თარიღი: 2007-10-18. 
  2. A 'Garden State' Of Mind“, CBS News, 2004-07-30. წაკითხვის თარიღი: 2007-10-18. 
  3. 3.0 3.1 Starwars.com. Natalie Portman. დაარქივებულია ორიგინალიდან - 2008-02-01. წაკითხვის თარიღი: 2006-05-08.
  4. Carle, Chris. (July 15, 2005) Comic-Con 2005: IGN Interviews Natalie Portman. IGN.com. წაკითხვის თარიღი: 2006-06-22.
  5. Chris Heath. “The Private Life of Natalie Portman“, Rolling Stone. წაკითხვის თარიღი: 2006-05-11. 
  6. Ethan White. "Natalie Portman-The Shy Superstar". Scholastic. წაკითხვის თარიღი: 2010-12-30.
  7. Natalie Portman in Cannes“, Bauer-Griffin, 2008-05-21. 
  8. Vivarelli, Nick. “Rappoport to host Venice Fest — will screen Coen's 'Burn After Reading'“, Variety, 2008-08-13.