ლაიზა მინელი

მასალა ვიკიპედიიდან — თავისუფალი ენციკლოპედია
Jump to navigation Jump to search
ლაიზა მინელი
Liza Minnelli 1973 Special crop.jpg
მინელი 1973 წელს
მშობ. სახელი Liza Minnelli
დაბ. სახელი ლაიზა მეი მინელი
დაბ. თარიღი 12 მარტი, 1946 (1946-03-12) (72 წლის)
ჰოლივუდი, კალიფორნია, აშშ
რეზიდენცია ლოს-ანჯელესი, კალიფორნია
ეროვნება ამერიკელი
ალმა-მატერი საშემსრულებლო ხელოვნების უმაღლესი სკოლა,
ჩედვიკის სკოლა[1]
საქმიანობა
აქტიური 1949-დღემდე
მეუღლე(ები)
  • პიტერ ალენი (1967-1974)
  • ჯეკ ჰელეი (1974-1979)
  • მარკ გერო (1979-1992
  • დევიდ გესტი (2002-2007)
მშობლები მამა: ვინსენტ მინელი
დედა: ჯუდი გარლანდი
მუსიკალური კარიერა
ჟანრი
ასოციაციები

ლაიზა მეი მინელი (ინგლ. Liza May Minnelli; /ˈlzə mɪˈnɛli/; დ. 12 მარტი, 1946) — ამერიკელი მომღერალი და მსახიობი. ყველაზე მეტად ცნობილია 1972 წლის ფილმ „კაბარეში“ მონაწილეობით, სადაც მიიღო ოსკარი საუკეთესო მსახიობი ქალისთვის. განთქმულია თავისი ენერგიული სასცენო შესრულებითა და ძლიერი კონტრალტოთი. ის არის ჯუდი გარლანდისა და ვინსენტ მინელის ქალიშვილი.[2]

1961 წელს მინელი გადავიდა ნიუ-იორკში, სადაც კარიერა დაიწყო როგორც მუსიკალური თეატრის მსახიობმა, ასევე მუშაობდა ღამის კლუბში. მისი პროფესიული სასცენო დებიუტი შედგა ბროდვეის მიუზიკლში „Best Foot Forward“ 1963 წელს. 1965 წელს მიუზიკლ „Flora the Red Menace“-ში შესრულებული როლისთვის გადაეცა ტონის ჯილდო,[3] რის შემდეგაც საფუძველი ჩაეყარა ლაიზა მინელის ჯონ კანდერსა და ფრედ ებსთან თანამშრომლობას. მათ დიდი როლი ითამაშეს მისი როგორც სასცენო პერსონის ჩამოყალიბებაში. მისი გლამურულობისა და შესრულების მანერის წყალობით ის იქცა გეი-იკონად.[4][5][6]

კრიტიკოსებმა მაღალი შეფასება მისცეს მის ადრეულ შესრულებას ფილმებში, განსაკუთრებით შეაფასეს ფილმისთვის „სტერილური დოყლაპია“. მინელიმ მსოფლიო აღიარება მოიპოვა მიუზიკლ „კაბარეში“ (1969) მონაწილეობით. გარდა ამისა მონაწილოება აქვს მიღებული ცნობილ ფილმებში: „იღბლიანი ლედი“, „ნიუ-იორკი, ნიუ-იორკი“, „სასცენო დებიუტი“, „ართური“. მოგვიანებით იგი დაუბრუნდა ბროდვეის, სადაც მონაწილეობა მიიღო მიუზიკლებსა და სხვადასხვა წარმოდგენებში: „The Act“ (1977), „The Rink“ (1984), „Liza's at The Palace“ (2008). მის მიერ კარნეგ-ჰოლსა (1979, 1987) და რადიო-სიტი-მიუზიკ-ჰოლში (1991, 1992) გამართული კონცერტები მიჩნეულია ყველაზე წარმატებულ კონცერტებად მის კარიერაში. 1988-1992 წლებში ფრენკ სინატრასა და სემი დეივისთან ერთად მოანწილეობდა ტურნეში „Frank, Liza & Sammy: The Ultimate Event“.

მინელის ადრეული 1960-იანი წლების სიმღერები გათვლილი იყო ახალგაზრდა აუდიტორიაზე.[7][8] 1989 წელს მინელიმ ინგლისურ სინთპოპ დუეტ Pet Shop Boys-თან თანამშრომლობით გამოსცა სტუდიური ალბომი Results. ჯანმრთელობის გაუარესების გამო მინელი გარკვეული ხნით ჩამოშორდა მუსიკას, მაგრამ 2002 წელს კვლავ დაბრუნდა სცენას ცოცხალი ალბომით Liza's Back. მიღებული აქვს ერთი ოსკარის, ორი ოქროს გლობუსის, ერთი BAFTA-ს და ოთხი ტონის ჯილდო.

დისკოგრაფია[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • Leigh, Wendy (1993), Liza: Born a Star.E. P. Dutton
  • Mair, George (1996), Under the Rainbow: The Real Liza Minnelli. Carol Publishing
  • Schechter, Scott (2004), The Liza Minnelli Scrapbook. Kensington Books/Citadel Press * See Free Preview at Amazon.com
  • Spada, James (1983), Judy and Liza. Doubleday
  • Wimmer, Martin (2018), Clockwork Liza. Star und Künstlerin: Das Lebenswerk der Liza Minnelli. BoD-Books on Demand * See Free Preview at Amazon.com

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Edvige Giunta (2002). The Milk of Almonds: Italian American Women Writers on Food and Culture. Feminist Press, გვ. 30–. ISBN 978-1-55861-453-6. 
  2. A Star is Reborn. The Daily Mail. June 14, 2003
  3. Scott Schechter (2004): The Liza Minnelli Scrapbook, p. 47.
  4. James Leve (2009): Kander and Ebb, p.20, 33, 117–119.
  5. James Morrison (2010): Hollywoor reborn: Movie stars of the 1970s, p. 14.
  6. Musto, Michael. (25 აგვისტო, 2014) The 12 Greatest Female Gay Icons of All Time. წაკითხვის თარიღი: 14 აგვისტო, 2015.
  7. Scott Schechter (2004): The Liza Minnelli Scrapbook, p.13, 127
  8. Scott Schechter (2006): The Complete Capitol Collection