ქუთაჰია

მასალა ვიკიპედიიდან — თავისუფალი ენციკლოპედია
ქალაქი
ქუთაჰია
თურქ. Kűtahya
ქვეყანა თურქეთის დროშა თურქეთი
პროვინცია ქუთაჰია
კოორდინატები 39°25′00″ ჩ. გ. 29°59′00″ ა. გ. / 39.41667° ჩ. გ. 29.98333° ა. გ. / 39.41667; 29.98333
ფართობი 2,484.16 კმ2 კმ²
ცენტრის სიმაღლე 970 მეტრი
მოსახლეობა 266 784 (2018)
სასაათო სარტყელი UTC+2, ზაფხულში UTC+3
საფოსტო ინდექსი 45x xx
საავტომობილო კოდი 45
ოფიციალური საიტი kutahya.bel.tr
ქუთაჰია — თურქეთი
ქუთაჰია

ქუთაჰია (თურქ. Kûtahya, ბერძ. Kotyaion) — ქალაქი დასავლეთ თურქეთში. ქუთაჰიის პროვინციის ადმინისტრაციული ცენტრი. 2011 წლის მონაცემებით, ქუთაჰიაში ცხოვრობს 237 804 ადამიანი, მდებარეობს 969 მეტრზე ზღვის დონიდან. აქვს სასოფლო-სამეურნეო მიწის მაღალი ქედები ჩრდილოეთითა და დასავლეთით.

ისტორია[რედაქტირება | წყაროს რედაქტირება]

ქუთაჰია, სანამ მას თურქ-სელჩუკები დაიპყრობდნენ, იყო ბიზანტიიის იმპერიის შემადგენლობაში. ბიზანტიის იმპერატორმა, იუსტინიანე I-მა ქალაქი გაამაგრა ორმაგი გალავნითა და ციხე-სიმაგრით. 1071 წელს, თურქ-სელჩუკებმა მოახერხეს მისი აღება. ქუთაჰია მალევე შევიდა ოსმალეთის იმპერიის შემადგენლობაში. სანამ თემურლენგი გაილაშქრებდა ოსმალეთის სულთან ბაიაზიდ I-ზე, 1428 წლამდე, ქუთაჰიაში სომხები ჩასახლდნენ. თემურლენგმა მათგან მოითხოვა დიდი გადასახადები, მაგრამ ცოტა ხანში, ქუთაჰიიდან მონღოლების განდევნა მოხერხდა. ქუთაჰია იყო ოსმალეთის ერთ-ერთი მნიშვნელოვანი სანჯაყი, რომელსაც ძირითადად ოსმალეთის შეჰზადეები მართავდნენ. ქუთაჰიის მართვა მათთვის ხელსაყრელი იყო, რადგან იგი ძალიან ახლოს იყო დედაქალაქთან და მამის გარდაცვალების შემდეგ, ყველაზე სწრაფად დედაქალაქში ჩასვლა სწორედ მის მმართველებს შეეძლოთ. ქუთაჰია ითვლებოდა კერამიკული მრეწველობის ერთ-ერთ მთავარ ქალაქად ოსმალეთში. მიუხედავად იმისა, რომ ოსმალეთის იმპერიის ძირითადი ნაწილი სხვა ქვეყნებმა გაინაწილეს, ქუთაჰია დარჩა თურქეთის რესპუბლიკის შემადგენლობაში.

იხილეთ აგრეთვე[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]