სქური

კურორტი
სქური
ქვეყანა	საქართველო
მხარე	სამეგრელო-ზემო სვანეთის მხარესამეგრელო-ზემო სვანეთის მხარე
მუნიციპალიტეტი	წალენჯიხის მუნიციპალიტეტი
კოორდინატები	42°41′19″ ჩ. გ. 42°09′38″ ა. გ.
ცენტრის სიმაღლე	450-500 მ
სასაათო სარტყელი	UTC+4
სატელეფონო კოდი	+995

სქური — ადგილობრივი მნიშვნელობის მთის კლიმატურ-ბალნეოლოგიური კურორტი წალენჯიხის მუნიციპალიტეტში, ეგრისის ქედის მთისწინეთში, მდინარე აბანოსღელის (ჭანისწყლის მარცხენა შენაკადი) ხეობაში, ზღვის დონიდან 450-500 მ. წალენჯიხიდან დაშორებულია 14 კმ-ით, ზუგდიდიდან — 36 კმ-ით, თბილისიდან (ჩხოროწყუს გავლით) — 355 კმ-ით.

ახასიათებს რბილი, უთოვლო ზამთარი, მეტად თბილი ზაფხული. ნალექების წლიური რაოდენობა 1500 მმ., წლიური საშუალო ფარდობითი ტენიანობა 74%. ძირითადი სამკურნალო ფაქტორია დაბალი მთის ჰავა და ქლორიდულ-სულფატურ, კალციუმიან-ნატრიუმიანი მინერალური წყლები „სქური“ (საერთო მინერალიზაცია 1,7 გ/დმ³, საერთო დებიტი დღე-ღამეში 70-80 ათასი ლ.). ამჟამად თანამედროვე სტანდარტების ტურისტული ინფრასტრუქტურა განუვითარებელია.

კურორტის ჩრდილოეთით შემორჩენილია შუა საუკუნეების ეკლესიისა და ციხის ნანგრევები.

ლიტერატურა

• საქართველოს 100 კურორტი / ირმა ლიპარტელიანი, თამარ ნინიკაშვილი; პროექტის ხელმძღვანელი: ზაზა ხიდურელი; რედქტორები: ნიკოლოზ სააკაშვილი, გიორგი დვალიშვილი; რუკები: ანა კარიჭაშვილი, ზურაბ ლაოშვილი. თბილისი: კლიო, 2014.