ანაკლია

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
სოფელი
ანაკლია
Anaklia (Photo A. Muhranoff, 2011).jpg
ქვეყანა საქართველოს დროშა საქართველო
მხარე სამეგრელო-ზემო სვანეთის მხარე
მუნიციპალიტეტი ზუგდიდის მუნიციპალიტეტი
თემი ანაკლია
კოორდინატები 42°23′37″ ჩ. გ. 41°34′09″ ა. გ. / 42.39361° ჩ. გ. 41.56917° ა. გ. / 42.39361; 41.56917
პირველი ხსენება 1703
სიმაღლე 30
მოსახლეობა 1 331[1] კაცი (2014)
ეროვნული
შემადგენლობა
ქართველები 99%[2]
სასაათო სარტყელი UTC+4
სატელეფონო კოდი +995 415[3]
საფოსტო ინდექსი 2100[4]
ანაკლია (საქართველო)
Red pog.svg
ანაკლია (სამეგრელო-ზემო სვანეთის მხარე)
Red pog.png

ანაკლია — სოფელი და ზღვისპირა კლიმატური კურორტი ზუგდიდის მუნიციპალიტეტში, თემის ცენტრი (სოფლები: ანაკლია, თიქორი). მდებარეობს ენგურის შესართავთან, აფხაზეთის ავტონომიური რესპუბლიკის საზღვართან, ზღვის დონიდან 30 მ. სოფელში დგას 1703 წელს აგებული ციხის ნანგრევები. სოფელში არის პოლიცია, სპორტული მოედანი, საბავშვო ბაღი, სასტუმროები.

დემოგრაფია[რედაქტირება | წყაროს რედაქტირება]

2014 წლის აღწერის მონაცემებით სოფელში ცხოვრობს 1 331 ადამიანი.

აღწერის წელი მოსახლეობა კაცი ქალი
2002[2] 2 522 1 244 1 278
2014[1] Decrease2.svg 1 331 659 672

ეტიმოლოგია[რედაქტირება | წყაროს რედაქტირება]

ლეგენდის თანახმად ამ ადგილას დედას (ანას) შვილი მოსტაცეს და გემით მიჰყავდათ, დედა კი ზღვის ნაპირას სასოწარკვეთილი მოთქვამდა. ხალხმა რომ გაიგო ქალის კივილი ერთმანეთს კითხეს – „რა ხდებაო“ „ანა რკიანს“-ო (მეგრ. ანა კივისო) იყო პასუხი. ამიტომ ამ ლეგენდით ამ ადგილას „ანარკია“ (აკივლებული) ეწოდა, ვინაიდან ხშირი იყო ამდაგვარი შემთხვევები დღეს კი – „ანაკლია“ ეწოდება.

ისტორია[რედაქტირება | წყაროს რედაქტირება]

ანაკლია პონტოს სამეფოს ქალაქ ჰერაკლეას ერთ-ერთი კოლონია იყო. ფეოდალურ ხანაში ანაკლია ტრაპიზონთან და კონსტანტინოპოლთან მნიშვნელოვან ვაჭრობას აწარმოებდა, რაც ძირითადად ტყვის სყიდვაში გამოიხატებოდა. ანაკლიაში განვითარებული იყო მეთევზეობა, რაც ოსმალო ვაჭრების ხელში იყო. 1820 წელს ანაკლია და შეკვეთილი რუსეთის ჯარმა დატოვა.

კურორტი[რედაქტირება | წყაროს რედაქტირება]

ანაკლია ზღვისპირა კლიმატური კურორტია. სოფელში რამდენიმე მაღალი კლასის სასტუმროა აშენებული. სოფელ განმუხურთან დაკავშირებულია 552-მეტრიანი საფეხმავლო ხიდით. ანაკლიაში 2014 წელს ჩატარდა ელექტრონული მუსიკის ფესტივალი კაზანტიპი. მას შემდეგ, რაც იგი დაიხურა, საფუძველი ჩაეყარა GEM Fest-ს, რომელიც 2015 წლიდან დღემდე იმართება.

ქალაქი ლაზიკა[რედაქტირება | წყაროს რედაქტირება]

Searchtool-80%.png მთავარი სტატია : ლაზიკა (ქალაქი).

2011 წელს იგეგმებოდა ანაკლიისთვის ქალაქის სტატუსის მინიჭება.[5]დასახლებას ქალაქის სტატუსი ოფიციალურად არ მინიჭებია, თუმცა 2012 წელს საქართველოს მთავრობამ გაახმოვანა ინიციატივა, რომლის მიხედვით ანაკლიის ტერიტორიაზე ყულევამდე ახალი საპორტო ქალაქი ლაზიკა უნდა გაშენებულიყო.[6].იგი საქართველოში სიდიდით მეორე ქალაქი უნდა ყოფილიყო თბილისის შემდეგ. საქართველოს ხელისუფლების გათვლებით 2024 წლისათვის ლაზიკას ნახევარი მილიონი მცხოვრები ეყოლებოდა[7].ქალაქის სავარაუდო გაშენების ტერიტორია მოიცავდა კოლხეთის ეროვნული პარკის ანაკლია-ჭურიის უბანს, რომელიც ფრინველთა ყველაზე დიდი მიგრაციის მარშრუტია[8], ხოლო „საერთაშორისო მნიშვნელობის ჭარბტენიან წყლის ფრინველთა საბინადროდ ვარგის ტერიტორიებს“ კი გაეროს რამსარის კონვენცია იცავს, რომელსაც საქართველო 1996 წელს მიუერთდა[9]. დაიწყო რამდენიმე შენობის მშენებლობა, მაგრამ პროექტი შეწყდა.[10] ამჟამად ანაკლიაში დაგეგმილია ღრმაწყლოვანი პორტის მშენებლობა[11]

გალერეა[რედაქტირება | წყაროს რედაქტირება]

იხილეთ აგრეთვე[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). წაკითხვის თარიღი: 7 ნოემბერი, 2016.
  2. 2.0 2.1 საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II
  3. საქართველოს სატელეფონო კოდები — „სილქნეტი“
  4. საქართველოს საფოსტო ინდექსები — „საქართველოს ფოსტა“
  5. ანაკლია საკურორტო ქალაქი ხდება
  6. მიხეილ სააკაშვილი: ანაკლიიდან ყულევამდე ახალი ქართული ქალაქი - ლაზიკა აშენდება
  7. საქართველოში ახალი ქალაქი ლაზიკა აშენდება
  8. Ramsar Sites Information Service
  9. რა ბედი ელის კოლხეთის ეროვნულ პარკს?!
  10. ლაზიკა აღარ აშენდება
  11. რადიო თავისუფლება

რესურსები ინტერნეტში[რედაქტირება | წყაროს რედაქტირება]