ქრისტიან-დემოკრატიული მოძრაობა

{{{პარტიის სახელი}}}
ხელმძღვანელობა
ლიდერი	გიორგი თარგამაძე
ისტორია
დაფუძნდა	თებერვალი 2008
პოზიციები
იდეოლოგია	ქრისტიან-დემოკრატია

ქრისტიან-დემოკრატიული მოძრაობა - პოლიტიკური პარტია საქართველოში.

ისტორია

პარტია დააფუძნეს ტელეკომპანია "იმედის" ყოფილმა ჟურნალისტებმა 2008 წლის თებერვალში.

პარტიამ კარგი შედეგი აჩვენა პირველივე არჩევნებში. 2008 წლის საპარლამეტო არჩევნებში ისინი გავიდნენ მესამე ადგილზე, მიიღეს ხმათა 8,66 % და 6 მანდატი პარლამენტში. პარტია მონაწილეობდა 2010 წლის თვითმართველობის არჩევნებში. ამ არჩევნებში პარტია უკვე მეორე ადგილზე გავიდა ხმათა 10,3 %-ით. პარტიის შედეგები უკეთესი იყო რეგიონებში, ვიდრე თბილისში.

პოლიტიკური პლატფორმა

პარტია მხარს უჭერს მართლმადიდებლობის გამოცხადებას საქართველოს ოფიციალურ რელიგიად. აგრეტვე მხარს უჭერს რწმენისა და აღმსარებლობის სრული თავისუფლებას.

ქრისტიან-დემოკრატიული მოძრაობა ქვეყნის ეკონომიკური განვითარების წინაპირობად მიიჩნევს სასმელი წყლის წყლის დაკანონებას სტრატეგიულ რესურსად და მის რაციონალურ გამოყენებას მზა პროდუქციის სახით რეალიზაციის გზით. ასევე პარტია მხარს უჭერს სოციალური შერავათების სისტემის ფართო დანერგვას. ასევე პრიორიტეტია სოფლის მეურნეობის სუბსიდირება.

ქვეყნის საგარეო პოლიტიკაში პარტიის პრიორიტეტებია: მეზობელ ქვეყნებთან მჭიდრო და მეგობრული ურთიერთოება; ევრო-ატლანტიკური სტრუქტურებისკენ სწრაფვა; რუსეთთან ურთიერთობების მოგვარება და კეთილმეზობლური გარემოს შექმნა; აშშ-სთან, როგორც სტრაგეგიულ პარტიონრთან ურთიერთოებების კიდევ უფრო განმტკიცება.

ორგანიზაციული სტრუქტურა

პარტიის მთავარი ორგანოა ყრილობა, რომელიც ირჩევს პარტიის მთავარ კომიტეტს. მთავარი კომიტეტი, თავის მხრივ, ირჩევს პარტიის თავმჯდომარეს. პარტიას ასევე ჰყავს გენერალური მდივანი, რომელიც ინიშნება თავმჯდომარის მიერ. პარტიაში მოქმედებს ქალთა და ახალგაზრდული ორგანიზაციები.